"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
26-12-2017 - 06:05 am
عايزة أعرف إذا كان حد عمل عملية مفاصل من قبل كده ، لأن كل اللي عملوها حواليها مش عارفين يمشوا تاني ومامتي معديه ال60 بشوية كل الدكاترة شافوها قالوا عملية تغيير مفصل وكل الناس اللي عملتها حذروني منها وانهم مشيوا علي كرسي ، والدكاترة المقربين وهي موجوعه ومش في دوا نافع عايزة تجربة حد في الامر لو نجح او فشل ، لأن انا فعلا قلقانه ولو في دكتور كويس نروح ليه يبقي شكراً جدآ
التعليقات (87)
انا مامتى عامله تغيير مفصل الفخد وبابا عامل الركبه والحمد لله الاتنين ماشين كويس الحمد لله ربنا يديهم طوله العمر خليها تعملها صدقينى الاحوال حتسوء اوى بعد كده 2
للاسف مش ف القاهره بس انا بطمنك انهم بخير اول شهرين بس بيبقي فيه الم وتعب بعد كده حبه عزيمه بيرجعوا يمشوا تانى والحمد لله
المفصل تآكل من الاحتكاك او حصل كسر امى كانت كسرف مفصل الفخد وبابا كان خشونه ف الركب ادت لتآكل المفصل
دكتور هاني خليل والدتي الله يرحمها غيرت عنده مفصلين الركبه ولغاية ما توفت كانت بتمشي كويس جدا بس كان عندها وقتها 55 سنة
حماتى عاملة تغير مفصل وكويسة الحمدللة صحيح متقدرش تمشى مسافات طويلة بس بتتحرك
والدتي عاملة تغير مفصلين للركبة.. عند دكتور اسمه د. ناصف له عيادة في المعادي وعيادة في السيدة زينب... وبفضل الله بتمشي كويس ولله الحمد... العملية مؤلمة جداً خصوصا اول اسبوع... ونفس الدكتور مركب فقرات لخالتي في ظهرها وحالتها الحمد لله... شوفت ناس كتيير عاملينها كلهم بيمشوا بعكاز... فبنحمد ربنا على الدكتور ده لانه فعلا بروفيشنال جداً ومتمكن جداً والعمليات خياره الاخير.. ربنا يشفيها ويطمنكوا عليها. 4
والله انا والدتي كانت راحت لدكتور في برج الاطباء وقالها تغيير مفصل لانها مكنتش حتي قادرة تمشي من كتر الالتهاب وهي خافت رحت بيها لدكتور في شارع الطيران حقن لها المادة اللي بين المفاصل وبعدها علاج طبيعي علي الركبه والالم راح بس انا مش عارفه لانه بيقول كل سنه هيبقي فيها حقنه عشان المادة ديه فمش عارفه ايه الصح 2
مشكله في الفقره السادسه والسابعه حد يعرف دكتور مخص واعصاب←
محتاجة دكتور عيون كويس ماما عندها جلطة على العين→