"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
26-12-2017 - 06:05 am
عايزة أعرف إذا كان حد عمل عملية مفاصل من قبل كده ، لأن كل اللي عملوها حواليها مش عارفين يمشوا تاني ومامتي معديه ال60 بشوية كل الدكاترة شافوها قالوا عملية تغيير مفصل وكل الناس اللي عملتها حذروني منها وانهم مشيوا علي كرسي ، والدكاترة المقربين وهي موجوعه ومش في دوا نافع عايزة تجربة حد في الامر لو نجح او فشل ، لأن انا فعلا قلقانه ولو في دكتور كويس نروح ليه يبقي شكراً جدآ
التعليقات (87)
كام واحد او واحدة حضرتك تعرفيهم شخصيا عملو العملية ومبيعرفوش يمشوا. وهل ملازمين الفراش؟ولا بيتحركو داخل البيت؟
انا والدتي عملت العمليه و غيرت مفاصل الركبتين و الحمد لله بتعرف تمشي كويس هي عمليه صعبه شويه و المشي في الاول بيكون مؤلم بس الحمد لله دلوقتي الموضوع أفضل من الاول و بتمشي كويس الحمد لله و اهم حاجه ان الالم اللي كانت بتعاني منه انتهي تماما 2
Mohamed Bahaa Eldin دكتور طارق في الهرم و كانت العمليه في مستشفي الهرم القسم الخاص و تقريبا الركبه الواحده اتكلفت ٣٥٠٠٠ الكلام ده طبعا قبل التعويم
عملت علاج طبيعي ؟؟ دي حاجه حاجه تانيه حقنت قبل كده ؟؟ ف خطوط علاج قبل م دكتر يكرر انه يعمل العمليه ! العمليه صعبه ومش سهله وفعلا بتاثر جامد بس نصيحه لازم تمشي الاول علاج طبيعي ولو وزنها زايد تحاول تنزله بحيث ان يبقي اخر حل هو العمليه شفاها الله وعفاها
الكلام ده مش صحيح انا عملت عملية تغيير مفصل تلخوض الشمال من سنة و حاليا في المستشفي لاني هملت عماية تغيير المفصل اليمين يوم الاحد اللي فات المهم يكون الدكتور شاطر و المستشفي كويسة اعرف واحدة اكبر من والدتك عملت نفس العملية و مش بتمشي بكرسي و لا حاجة ياريت ما تسمعيش كلام الناس اسالي حد مر بالتجربة و لو عايزة ابعتي لي علي الinbox و انا اقول لك كل التفاصيل و انا عملها لي د. حازم عبد العظيم في المرتين شاطر و متمكن و محترم
انا كمان شوفت كذا تجربه ناجحة جداا عند دكتور هايل لو محتاجة اي تفاصيل ابعتيلي هقولك كل حاجة محتاجاها
هو د حازم بيعمل في مستشفيات ايه ؟؟ و لو مفصل ركبه هو بيتكلف معاه كام
ليه حضرتك بتقولى كده؟؟ انا أمى كانت مش باقدر تمشي خالص مع آلام مستمرة بعد العملية الحمد لله بتتحرك وتمشي لوحدها وحالتها اتحسنت جدا جدا بالمقارنة بقبل العملية
أنا غيرت مفصل الركبة بِعد معاناة سنوات من الآلام العملية صعبة شوية لكن الأهم العلاج الطبيعي بعد العملية والحمد لله بامشي وتخلصت من الالم ،
مشكله في الفقره السادسه والسابعه حد يعرف دكتور مخص واعصاب←
محتاجة دكتور عيون كويس ماما عندها جلطة على العين→