حد جرب عملية المفاصل او له تجربه مع دكتور شاطر؟

//Asmaa Elshahawy

26-12-2017 - 06:05 am

عايزة أعرف إذا كان حد عمل عملية مفاصل من قبل كده ، لأن كل اللي عملوها حواليها مش عارفين يمشوا تاني ومامتي معديه ال60 بشوية كل الدكاترة شافوها قالوا عملية تغيير مفصل وكل الناس اللي عملتها حذروني منها وانهم مشيوا علي كرسي ، والدكاترة المقربين وهي موجوعه ومش في دوا نافع عايزة تجربة حد في الامر لو نجح او فشل ، لأن انا فعلا قلقانه ولو في دكتور كويس نروح ليه يبقي شكراً جدآ

التعليقات (87)

Sonson Hassan

07-09-2018 - 06:05 am

انا عملت حادثه بالعربيه واتسببت فى كسر مضاعف وبعد كده عملت مفصل صناعى وبمشى كويس الحمد لله روحوا لدكتور كويس انا عملتها فى مستشفى كليوا باترا فى مصر الجديده والدكتور اسمه محمود سامى شلبى وعيادته فى شارع مصر والسودان امام عمر افندى عمارة الدكاتره فى محطة المحافظ دكتور ممتاز وعنده ضمير

Enjy HaMdy

11-09-2018 - 11:41 am

استاذنك اتكلفت كام وهل بتفضلي المستشفي كتير بعد العملية

Sonson Hassan

15-09-2018 - 06:05 pm

اتكلفت من 4 سنين حوالى 43 الف وبتقعدى فى المستشفى 3 ايام

Sonson Hassan

20-09-2018 - 01:17 am

آيفه انى مشفتش سؤالك إلا النهارده

Ghada Refaat Meckawy

24-09-2018 - 09:17 am

والدتي 63 سنة غيرت مفصل الفخذ و حاليا زي الفل والدي 66 سنة غير مفصل الركبة و حاليا زي الفل و داخل باذن الله بكرة المستشفى يغير التاني