"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
26-12-2017 - 06:05 am
عايزة أعرف إذا كان حد عمل عملية مفاصل من قبل كده ، لأن كل اللي عملوها حواليها مش عارفين يمشوا تاني ومامتي معديه ال60 بشوية كل الدكاترة شافوها قالوا عملية تغيير مفصل وكل الناس اللي عملتها حذروني منها وانهم مشيوا علي كرسي ، والدكاترة المقربين وهي موجوعه ومش في دوا نافع عايزة تجربة حد في الامر لو نجح او فشل ، لأن انا فعلا قلقانه ولو في دكتور كويس نروح ليه يبقي شكراً جدآ
التعليقات (87)
بغض النظر عن العملية المسكنات دى غلط الناس الكبار دول بيحصلهم قرحة ف المعدة بسبب المسكنات الكتير دى وفشل كلوى مش اى حد ياخد مسكنات كده لازم جرعة محسوبة
انا اعرف حد عملها و بيمشى كويس بصراحه يمكن ساند عدى عصايا اوك بس كويس بس هى عمليه مولمه جدا جدا فى الاول
ماما نفس المشكله وطبعا رافضين العمليه نهائي وأخيرا دكتور في مستشفى المعادي كتب لها على لريكا 75 والحمد لله وتحسنت عليه بنسبه 65% بس دا يعتبر مسكن ونصيحه بقى عن تجربه خليها تمشي على حب الرشاد يوميا معلقه مع كوب لبن 20 يوم وتربح أسبوع وتكرر تاني 3
ايوه حب الرشاد معالج وفعال جدا بس الاستمراريه لانه يكون الماده بين المفصل ويعالج العظم وكل من استمر عليه وجد مااذهله ولا ننسى الدعاء والصدقه
مامتي عامله مفصل للركبة بقالها سنين والحمد لله بتمشي عليه معقول يعني.
فيه شوية حاجات بتفرق: مستشفى كويس، مفصل نوع كويس، و أهم حاجة خالص العلاج الطبيعي بعد العملية.. و الف سلامة عليها يا رب
جدتي عملتها و هي معديه ال70 و الحمدلله كانت ناجحه في مستشفي في القصر العيني اسمها الحكمه عند دكتور اسمه عبدالله
لا هي معلقتش انها مؤلمه خالص ..بالعكس رجعت كويسه ..بس الاهم انها ترتاح بعدها و تتحرك حركه خفيفه ..
خليها تعملها لو مفيش حل غير كده، انا والدتي عملتها وكانت فوق الستين ومكنش في اي حل غير كده لان المفصل تآكل ، الحمد لله هي دلؤتي أحسن جدا والعملية فعلا بتفرق في الحالات دي
مشكله في الفقره السادسه والسابعه حد يعرف دكتور مخص واعصاب←
محتاجة دكتور عيون كويس ماما عندها جلطة على العين→