عندنا حنفيات البيت مكهربه و حتي المياه بتنزل فيها لساعات كهرباء
جبنا كهربائي معرفش العيب من ايه
هل حد عنده معلومه نتصرف ازاي
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (46)
الأفضل وصلات الماء كلها تكون خارجية لأن الداهلية يحدث بها تسريب وتهتلط بوصلات الكهرباء وتعمل ماس
لو الكهرباء في شقتكم بس يبقي في الغالب لو عندكم سخان كهرباء هو السبب حصلت عندنا قبل كده فعلا وطلع هيتر السخان بايظ و بيوصل الكهربا للمايه في السخان و منها للمواسير و الحنفيات و بعد شويه وصل للعمارة كلها عشان كده لو العيب وصل لكل الشقق ممكن يكون حد من السكان المشكله من عنده هو مش لازم تكونوا انتوا
نفصل كهربا الشقة بتاعتكم و نشوف الحنفيات لو فيها كهربا يبقى مش من شقتكم و لو مفيهاش كهربا يبقى من شقتكم نبدأ نشغل الشقة خط بخط لحد ما نعرف انهو خط و نوصل لسبب المشكلة .... نكرر العملية لحد ما نوصل الشقة اللي فيها المشكلة و الخط و الجهاز اللي فيهم المشكلة
كهربائي يفصل جهاز جهاز اولهم السخان.. لو فيه صدا من جوا الغسالة التلاجة و كل مرة يعمل تيست لو كل الحاجات دي اتفصلت و في كهربا شيّكي علي كهربا الحمام فيشة فيشة هىو المطبخ ممكن يكون في سلك ملمس في حيطة مندية مية
ده معناه ان مصدر من مصادر المياه الكهرباء بتاعته مش معزولة وملمسة مع المياة: السخان الكهرباء المتهم الأول افصلوه بازالة السلك الخاص بيه من مفتاح الكهرباء الى فى الحائط تماما وجربوا غالبا هيطلع العيب منه. لو مكنش العيب منه المتهم التانى هو موتور المياه بنفس الطريقة يتفصل وتجربوا تشفووا المية لسه فيه كهرباء او لاء. ان شاء الله العيب مش هيخرج عن الاتنين دول
من سخان الكهرباء كان عندنا كده غيروا السخان لو كهرباء لو مشكهرباء دوروا على عيب تاني
السلام عليكم في لوحه المفاتيح مجموعه مفاتيح افصل مفتاح مفتاح وتابع الكهرباء في الحنفيه ولما توصل للمصدر افصلو وابدا البحث عن مكان اتصال السلك بالماسوره ولو معرفتش توصل لمكان الاتصال افصل المفتاح
هل ممكن حد يحول على رقمي فلوس من غير ما اكون مشترك في فودافون كاش←
حد يعرف مواعيد قطارات مطروح→