"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
27-02-2020 - 02:16 pm
من فضلكم سؤال للي بيربوا كلاب: هل الكلب ليه ريحة خصوصا لما يبقى في البيت خصوصا لو بيطلع على السراير ويقعد على الكنب.. هل الكلب لما بيعمل تواليت بيفضل فيه ريحة الفضلات؟ يعني القطط بتنضف نفسها طول الوقت لكن الكلب لأ... فريحة الفضلات خصوصا الكلاب اللي شعرها غزير بتروح ريحتها ازاي وازاي ما تلزقش في شعرها؟ هل لعاب الكلاب ليه ريحة خصوصا لما يلحس أصحابه؟ معلش طولت عليكم..... بس محتاجة اعرف إجابات الأسئلة دي من أصحاب الخبرة.. شكرا
التعليقات (57)
هو انتي فعلا بتسألي على اللعاب والريحه وكأنه هينام على سريركم! جربتي تسالي عن حكم تربية الكلاب وكل ما يصدر منه؟
جربت يا فندم..... طبعا ده اساسي... اما عن سؤالي عن وجود الكلب على السرير ده حسب تعامل كل واحد مع الحيوان الاليف..... انا عايزه اتأكد من خصائص الكلاب لاني عمري ما قربت منها للدرجة دي...
بصي يا فندم احنا هنا بصدد نقطة واضحة جدا ورد فيها دليل من السنه باحاديث صحيحه أخرجها البخاري ومسلم واجمع عليها العلماء.. مش بصدد أمر حادث ولا بدعه علشان نتفق ونختلف عليها ونستنى أراء وتفسيرات وتحليلات.. التحايل على الدين بقى ظاهره منتشره جدا الايام دي بس للأسف مبتنفعش ف الامور اللي زي دي.. أنا اراهنك انك لم تسألي فقيه واحد ف الموضوع ده أنا مجرد طالب ف الأزهر ومش دارس غير أساسيات علوم الفقه والشريعه واقدر اثبتلك بالبرهان والدليل ان تربية الكلب كحيوان أليف حرام شرعا إلا للضروره العينه وبشروط معينه.. لو كنتي فعلا جربتي أو سألتي ف الأمر مكنتيش هتسألي سؤالك ده
مش كل الكلاب بتعمل ريحه بس الكلاب الصغيره ريحه نفسها مس حلوه عن تجربه بعض انواع الكلاب
قبل كده سألت وعرفت انه حرام تربيته في البيت ، هي نجاسة بغض النظر عن الريحة
انا سألت في دار الإفتاء وقالوا لي أن في أراء... بس انا اصلا محتاجة له للحراسة بشكل اساسي وده مافيهوش اختلاف...
مع احترامي للجميع .. مفيش حد بيربي كلاب هيشم ريحتهم ابدا .. انا بعاني من ريحة الكلاب ف العمارة .. وجيراننا بيحلفوا بنضافتهم واهتمامهم بيه.. كل م اركب الاسانسير اعرف انهم استعملوا الاسانسير من ريحة الكلاب. واي مكان بروحه بعرف لو فيه كلاب من الريحة بردو .. هما ليهم ريحة معينة سبحان الله..
مفيش اي ريحه... و بينام جنبنا على السرير.. بيعمل حمام في مكان مخصص في البلكونه و بيتنضف علطول ( مشمع عليه طوب معين للكلاب) و بيستحمي و زي الفل.... ده هديه من رب العالمين
تنبيه من الادمن للناس اللي متعرفش ممنوع الاجابه علي غير محتوي البوست و احترام اسئله الغير من دون تهجم و سخريه و بلاش تعليقات من نوع يع و قرف و الكلام دا اختاروا الكلام و كائنه بيتوجه ليكم
بالنسبة للجيرمن شيبرد..... ايوة ليهم ريحه بصرف النظر عن النضافه ولو شعر طويل هتكرهي نفسك من كمية الشعر في كل مكان ولا يمكن السيطره عليها مهما حاولت وطبعا ممكن تتخيلي موضوع الحمام هيبقى ازاي الخلاصه مينفعش كلب جوه البيت.... لازم إقامته في بلكونه او مكان منفصل ويبقى دخوله البيت بعض الوقت للعب مش التعايش
فضلاً عن ذلك ( نجاسة الكلب نجاسة مغلظة ) أكرر تقديري العظيم لكم. أكرر نحسن إليهم و لكل الحيوانات ، و لا نربيه لغير الحراسة أو الصيد.
اشتريت حاجة من يشري yashry و عايزة ارجعها←
هل في طريقة لتغيير محل الاقامة للقاهرة غير عقد موثق→