عايزة دكتور شاطر و مجرب في مشكلة مفصل الفك

Dina Ahmed

05-10-2017 - 02:01 pm

السلام عليكم .. محتاجه دكتور شاطر و مجرب في مشكلة مفصل الفك و الطقطقة اللي بيعملها و لو حد كان عنده المشكله دي يقول لي راحت و لا لأ لأن ناس كتير خوفتني و قالولي انها ملهاش حل و بتتطور لحاجات مش كويسه خالص

التعليقات (16)

Nesreen Abd El-Aziz

14-10-2017 - 09:13 pm

فعلا انا في موال اسود مت 2007

Ahmed Sayed Wahba

16-10-2017 - 02:01 am

التعب عند حضرتك من امتي... وصوت الطقطه موجود باستمرار ولا وقت الاكل بس... فيه صعوبه ان حضرتك تقفلي او تفتحي الفم

Dina Ahmed

17-10-2017 - 07:37 am

من امتى بالظبط مش عارفه يمكن من سنتين او تلاته بس بيروح و يجي و يمكن زاد في الفتره الاخيره . الطقطقه مش باستمرار بس ساعات بتزيد مع كل قفله و فتحه للفم مش بواجه صعوبه في الفتح و القفل بس و انا بفتح و بقفل بسمع صوت الطقطقه و بتسمع في ودني كمان

Ahmed Sayed Wahba

18-10-2017 - 02:01 pm

حضرتك عملتي رنين مغناطيس MRI ع الفك او حد طلبها من حضرتك

Dina Ahmed

19-10-2017 - 09:13 pm

لا معملتش MRI و لا حد طالبها مني انا بدور على دكتور شاطر اروحله و مش عارفه تخصصه المفروض يكون ايه .. روحت لدكتور الاسنان بتاعي خلاني اعمل night guard بس لسه المشكله قائمه و انا اصلا مش بلبسه باستمرار

Nesreen Abd El-Aziz

21-10-2017 - 05:13 am

عموما نصائح عامة مبدئيا تجنبي البرد والخروج بالبرد الا اذا كنت لفة حاجة على المفصل ثانيا تجنبي اللبان الناشف وكثرة الضغط على الفك الساندوتشات الكبيرة اللي بتخليكى تفتخي الفم زيادة عن اللزوم اكل الخاجات الناشفة زي المكسرات والتفاح والكمثرى الخوخ عند شعور بالالم اخذ مسكن ودهان المكان بقليل من الفولتارين وتريح المفصل تاكدي انك فعلا مش بتعضي على سنانك اثناء النوم لانها عامل مهم جدا في هذه المشكلة