"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
27-05-2018 - 06:51 pm
السلام عليكم... لحد امتة هتفضل مستشفى المقطم التخصصي تمارس السمعة الطبية السيئة والاحتيال على المرضى واستغلال الظروف المرضية الحرجة والأزمات واللحظات الحرجة لمحاولة تحصيل أكبر مبلغ مالي من وراء المريض بدون أدنى مراعاة لشرف المهنة وأخلاقياتها؟؟؟! عيب لما أكون طبيب وزوجتي طبيبة ويحصلها اضطراب مفاجئ في ضربات القلب الساعة ٢ بالليل ويجيلها حمايا (اللي هو استشاري باطني) وياخدها ويروح لمستسفى المقطم التخصصي على اعتبار انها أقرب حاجة وعلى أساس ان الموضوع مش عويص قوي واتكرر معانا قبل كدة كذا مرة وعلاجها انها بتعلق محلول مع عقار والموضوع بيكون اتحل في أقل من ساعة في الاستقبال. يقوم دكتور الطوارئ يكشف عليها ويقولها لأ مش عارفين نقيس الضغط ويقوم مستدعي الأخصائي وييجي يقوم عاملها رسم قلب ويكبرلها الموضوع، نقول مش مشكلة، انما توصل لأنه يقولهم مش هينفع نعلقلها المحلول هنا في الاستقبال لأن مفيش هنا مونيتور ولازم تطلع تعلق المحلول في الرعاية المركزة؟؟! ??? حمايا مشي معاهم لحد الاخر عشان مايستبقش الحكم عليهم وافترض فيهم حسن النية لآخر لحظة وبيقولهم طيب نطلعها تاخد المحلول فوق، يقولوله طيب الحساب ٨٠٠٠ جنيه ???. ف باستعجاب قالهم ازاي يعني؟ هنعلق محلول ب ٨٠٠٠ جنيه؟! قالوله أصل دي رعاية وعموماً ممكن نعملك خصم تبقى ٥٠٠٠ جنيه بس ??? قالهم لأ خلاص أنا هدفع تمن الكشف بس وهمشي. قالوله الحساب لكشفين - كشف الدكتور الأولاني والدكتور التاني - زائد رسم القلب مع ان في المجال طبي اللي متعامل بيه ان مهما تم استدعاء أطباء، الطبيب اللي حدد التشخيص وكتب العلاج فقط هو اللي بيحصل رسوم الكشف مش مولد هو. وطلعوا بعد كدة على مستشفى النزهة الدولي اللي على طول بنتعامل معاها وكان أصلاً الاضطراب اللي في ضربات القلب راح لوحده والدكتور هناك اتعامل معاهم بمنتهى المهنية وعملها رسم قلب تاني للاطمئنان وكتبلها علاج وخلاص. وللمعلومة، تكلفة رسم القلب والكشف في مستشفى النزهة تقريباً تعادل تلت التكلفة بتاعة رسم القلب و"الكشفين" اللي اتدفعوا في المقطم التخصصي. الخلاصة يا جماعة، أنا دكتور واشتغلت في المقطم سنين وعارف الصالح من الطالح، مستشفى المقطم دي ماتركنوش قدامها حتى مش تدخلوها!! الداخل على رجليه هيطلع على نقالة وخسران فلوسه كلها وفوقيهم صحته. وآسف على الاطالة لكن لزم التحذير.
التعليقات (32)
طيب انتوا علشان اطباء وفاهمين عرفتوا تتصرفوا متخيل الناس العاديين بيحصل فيها إيه 4
و للاسف السلام الدولي الي ف المهندسيين حصل نفس الكلام دا معانا رايح بجدي بطنه وجعاه عشان عنده امساك دخلوه عناية مركزة و للاسف بيتعاملوا اكننا بنشحت منهم مش دافعين فلوس قد كدة 2
ضد الاستغلال اللي بيحصل ف المستشفيات التخصصي بس استتأذنك تعرض مشكلتك ف جروب طبي افضل لان واضح ان حضرتك طبيب مش بشري 3
اكيد كلنا ضد الاستغلال لو بالصورة اللى حضرتك بتوصفها بس لو الموضوع بسيط كده ليه معملتهوش فى البيت؟
اغلبية المستشفيات الخاصة كدا كل همهم انهم يطلعوا اكبر كم من الفلوس من جيبك ولو دخلت مستشفى حكومة هتموت من المنظر ربنا يمرضهم زى ما بيبهدلو الناس كدا
طيب أنا مش فاهم ليه حضرتك ماعجبكش رسم القلب بتاع الدكتور الأولاني وعجبك رسم القلب بتاع الدكتور التاني؟ 2
عشان عادي ان رسم القلب الأولاني يطلع مش طبيعي، بس مش معنى كدة انها تدخل رعاية عشان تعلق محاليل. والدليل انها من غير حتى المحاليل اتحسنت بس خدت وقت. المحاليل كانت هتسرع مع الدوا
كما تدين تدان واكيد كنت بتعمل نفس اللى حصل معاك .. الطب فى مصر تجارة واستغلال وده الطبيعى فى جميع مستشفيات مصر
حد يعرف أفضل دكتور او مستشفى في القاهرة لعلاج سرطان الكبد←
حد يعرف دكتور اطفال ممتاز في نطاق الجيزة→