"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
27-05-2018 - 06:51 pm
السلام عليكم... لحد امتة هتفضل مستشفى المقطم التخصصي تمارس السمعة الطبية السيئة والاحتيال على المرضى واستغلال الظروف المرضية الحرجة والأزمات واللحظات الحرجة لمحاولة تحصيل أكبر مبلغ مالي من وراء المريض بدون أدنى مراعاة لشرف المهنة وأخلاقياتها؟؟؟! عيب لما أكون طبيب وزوجتي طبيبة ويحصلها اضطراب مفاجئ في ضربات القلب الساعة ٢ بالليل ويجيلها حمايا (اللي هو استشاري باطني) وياخدها ويروح لمستسفى المقطم التخصصي على اعتبار انها أقرب حاجة وعلى أساس ان الموضوع مش عويص قوي واتكرر معانا قبل كدة كذا مرة وعلاجها انها بتعلق محلول مع عقار والموضوع بيكون اتحل في أقل من ساعة في الاستقبال. يقوم دكتور الطوارئ يكشف عليها ويقولها لأ مش عارفين نقيس الضغط ويقوم مستدعي الأخصائي وييجي يقوم عاملها رسم قلب ويكبرلها الموضوع، نقول مش مشكلة، انما توصل لأنه يقولهم مش هينفع نعلقلها المحلول هنا في الاستقبال لأن مفيش هنا مونيتور ولازم تطلع تعلق المحلول في الرعاية المركزة؟؟! ??? حمايا مشي معاهم لحد الاخر عشان مايستبقش الحكم عليهم وافترض فيهم حسن النية لآخر لحظة وبيقولهم طيب نطلعها تاخد المحلول فوق، يقولوله طيب الحساب ٨٠٠٠ جنيه ???. ف باستعجاب قالهم ازاي يعني؟ هنعلق محلول ب ٨٠٠٠ جنيه؟! قالوله أصل دي رعاية وعموماً ممكن نعملك خصم تبقى ٥٠٠٠ جنيه بس ??? قالهم لأ خلاص أنا هدفع تمن الكشف بس وهمشي. قالوله الحساب لكشفين - كشف الدكتور الأولاني والدكتور التاني - زائد رسم القلب مع ان في المجال طبي اللي متعامل بيه ان مهما تم استدعاء أطباء، الطبيب اللي حدد التشخيص وكتب العلاج فقط هو اللي بيحصل رسوم الكشف مش مولد هو. وطلعوا بعد كدة على مستشفى النزهة الدولي اللي على طول بنتعامل معاها وكان أصلاً الاضطراب اللي في ضربات القلب راح لوحده والدكتور هناك اتعامل معاهم بمنتهى المهنية وعملها رسم قلب تاني للاطمئنان وكتبلها علاج وخلاص. وللمعلومة، تكلفة رسم القلب والكشف في مستشفى النزهة تقريباً تعادل تلت التكلفة بتاعة رسم القلب و"الكشفين" اللي اتدفعوا في المقطم التخصصي. الخلاصة يا جماعة، أنا دكتور واشتغلت في المقطم سنين وعارف الصالح من الطالح، مستشفى المقطم دي ماتركنوش قدامها حتى مش تدخلوها!! الداخل على رجليه هيطلع على نقالة وخسران فلوسه كلها وفوقيهم صحته. وآسف على الاطالة لكن لزم التحذير.
التعليقات (32)
تماماً، بتعامل معاهم من أكتر من ١٠ سنين وعمري ما شوفت فيهم حاجة وحشة
ما شاء الله أما بيعملوا مع حضراتكم (أطباء وفاهمين وأهل مهنة) كده امال بيعملوا ايه مع الناس العادية 2
حصلت في حاله بتر لحاله سكر طلبوا منها مبلغ كبير غير المدفوع سابته ومشيت وقالت مش هادفع. .
مع احترامي لشكواك و بصرف النظر عن المستشفي نصابين او لا لأن معرفهمش، بس كم المعلومات الغير صحيحه في البوست كثير اولا طبعا الدكتور يجيب متخصص يشوف الحاله و لازم رسم قلب مش علشان مثلا اقارب المريض دكاتره او هو دكتور حيقولي تشخيصي كذا و علاجي كذا اقوله تمام و انفذ علشان لو حصلت مضاعفات الدكتور و المستشفي هما المسؤولين، ثانيا المحلول و العلاج فعلا بيحتاحوا مونتير اثناء تعليقهم في رعايه القلب طول عمرنا بنعمل كده في التخصصي و دا الصح، ثالثا كل طبيب يكشف له كشف يدفع طبعا مش علشان دا مولد لا علشان دا حقه طالما اشتغل، طريقه سرد المشكله غريب جداً لو حضرتك فعلا طبيب كنت حتعرف كل النقط دي
دى مستشفى فاشله وسمعتها زى الزفت كل سكان المقطم عارفين كده و مصايبها كتير ...قدر ولطف حمد الله على سلامتها
المشكله الكبيره بجد هي ان الناس بقي عندها عدم ثقه في الطبيب و احساس انه بيستغلهم طول الوقت و بدأ يبقي في تدخل رهيب في كل خطوه علاج و اعتراض و دا بيضر المريض قبل اي حد انت مش واثق فيه يبقي متتعاملش معاه و الجأ لحد تاني لكن غير كده ضرر و تضيع وقت، و علي فكره الطبيب الصغير النبتجي ليس له استفاده من حجزك بالرعايه دا له ثمن النبطجيه فقط لا غير مش بيأخذ نسبه و لا من اصحاب المكان .
طبعا انا لا اعرف المدعو ولا المدعي عليه. انا خارج البلاد من فتره. بس لازم يكون فيه مصداقيه وعدم رمي الناس جزافا. من ادارانا بمصداقيةالشاكي مع احترامنا لشخصه الكريم. لابد من التبين ..والا كل واحد او شركه او مستشفي منافسه عايزه تضرب حد في السوق. مااسهل الكلام والاتهامات علي السوشيال ميديا. لذلك هذا الموضوع حله يكون بشكوي في اداره المستشفي فقط. ثم بعد ذلك اذا كان معك بينةاو روشتات او ماشبه ذلك اظهره للناس حتي لايقعوا في مثل ذلك. الف سلامه علي زوجتك
كلام حضرتك كله سليم و عن تجربة مع اخو زوجي الله يرحمة...مستشفي سئ و استغلالي لاقصي درجة..
وشهد شاهد من اهلها....لما انتم دكاترة وبيتعمل معاكم كده... طيب الناس العادية اللى ماتعرفش حاجة فى الطب هايتعمل معاها ايه.....اهلا ياوزير الصحة يديك الصحة..... 2
معروف ان المستشفى دي نصابة المقطم كله عارف إنهم نصابين الغلط عليك
معاك حق. الواحد مابيتعلمش ببلاش. اللي مستغربله ان في ناس بتدافع عنهم كأنهم شركاء فيها مش فاهم ليه
يا دكتور اشترك فى مشروع العلاج الى تبع النقابه هيشيل عنكم كتير ربنا يشفيها
مشترك، وده بعد خصم المشروع أو يمكن ماطبقوش الخصم قالوا يمكن تعدي عليهم وينسوا وماياخدوش بالهم ?
حد يعرف أفضل دكتور او مستشفى في القاهرة لعلاج سرطان الكبد←
حد يعرف دكتور اطفال ممتاز في نطاق الجيزة→