تجربتي مع مرض البافور في الكلاب

بينتشر مرض البارفو بصورة كبيرة في الشتا بين الكلاب، فحبيت بس انشر ده للتوعية على قدر معرفتي، خصوصًا ان لقيت أكتر من شخص بيشتكي من نفس المشكلة -ومكانوش عارفين أصلًا التعامل معاه-، الكلب تعبان او همدان كأنه مكتئب مبياكلش ولا بيشرب غير قليل وزنه بيقل، وبيتقيأ سواء قيء طبيعي او بدم،

و diarrhea مصحوب بدم وطبعًا هو مرض مُعدي بين الحيوانات وبعضها موجود مرض شبيه به للقطط ولكن غير منتشر بين القطط وغير معدي للبشر، معظم الأمراض دي غير معدية نهائيًا للبشر ومش بتسبب أي مشاكل للبشر هي بين الحيوانات بس -فلازم عزل الحيوان المصاب عن باقي الحيوانات بس مش البشر- ? دي اعراض البارفو واللي بتنتشر اكتر بين الكلاب صغيرة السن او اللي مأخدتش تطعيم كنا جبنا كلب من سنة وللأسف كان مريض ومكانش واضح عليه أعراض اوي لسه، وبعدين الأعراض بدأت تتضح، أعراض بارفو أصاب المعدة،

بعد 3 أيام من ما جبناه او اقل -جبناه من pet shop- وكل الدكاترة اللي رحنا لهم قالوا هيموت، وطبعًا حالته كانت بتسوء لأن اللي بيعمل حاجة منهم بيعملها فاقد للأمل فيه اصلًا لمجرد يسكتنا مثلًا او بدون علم كافي، مع أنه اتحسن الأول شوية بعدها رجع أسوء من الأول قدرنا نوصل لعيادة محترمة عرفنا منهم طريقة العلاج المناسبة وكان فرصة انه ميموتش 50٪ لأنه كأن دخل في تقيؤ عصارة المعدة بدم،
كان العلاج حقنة بشكل يومي مضاد حيوي وتعليق محاليل يوميًا مرتين -ممكن بالبيت او نروح للدكتور يعلقها- وطبعًا أول ما يبدأ يظهر أي دم كان المفروض نوقف شرب وأكل نهائي لمدة 5 أيام -مدة العلاج- ولازم اهتمام بالنفسية زيه زي الانسان عشان ده كان سبب أكبر انه يخف. الموضوع مش مكلف للدرجة، ولو كان فالمهم الثواب.

لو شخص جاب كلب ولقاه تعبان حتى لو خلاص مش عايزه واجب عليه يعالجه الاول وجزاؤه عند ربنا وبس.. ?✨