طلبت من Jumia منتج سعره 1700 جنية يوم 5/3 , دفعت سعر المنتج بالفيزا و اتسحب من الرصيد عادى
* ميعاد التوصيل المفروض يوم 9/3 جالى ميل اليوم دا ان الاوردر اتكنسل من غير ما يقولوا اى اسباب
* دخلت على الموقع اشوف المنتج مش متوفر ولا ايه المشكلة الاقيهم زودوا سعره و بقى ب2000 جنية و انت اخبط راسك فى اقرب حيطة او اطلبه تانى بالسعر الجديد و الفلوس اللى اتسحبت استنى عليها اسبوعين بقى معاهم تكون عملتلهم فوايد فى البنك
* هى دى حالة فردية ولا دا الطبيعيى كدا و مبقاش فيه حقوق للمستهلكين فى مصر من الجشع و السرقة و البلطجة و قلة الادب دى ؟؟
* تعديل : كلمت خدمة العملاء و طلبت منه يوصلنى بحد مسؤل قالى دا غير متاح و قفل فى وشى السكة, انا اول مرة فى حياتى اشوف كول سنتر بيقفل السكة فى وش العملاء
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (60)
انت تعمل ايه تروح التجمع عاملين مقر شركة عظيم وحاجة تشرف تروح تمسح بكرامة اتخن مافيهم الارض
أنا سوق.كوم عملو نفس الحركه كلمتهم و نزلو سعر السلعه إجباري على البائع Souq.com
على ما اعتقد ان Jumia
على ما اعتقد ان Jumia
اشتكي حماية مستهلك على حد علمي مادام دفعت خلاص والفلوس اتسحبت يبقا حقك تجيلك السلعة غير لو الدفع عند الاستلام من حقهم يكنسلو الطلب
الله يعينك بس كلامك مش مظبوط فى حته الفوايد دى حسابات جاريه ومفيهاش فوايد
معظم مواقع التسويق كده ما عدا ebay و امازون بس جوميا قوانين البيع بالنسبه للبائعين عندهم كده انهم ممكن يعتذروا و يرجعولك فلوسك
بخصوص الجزء الاخير الخاص بالكول سنتر.... للاسف احنا عندنا اسوأ كول سنتر في العالم والمجرة الكونية بحالها (الا من رحم ربي). معرفش الموظفين دول بيجيلهم نوم بالليل ازاي؟ إلهي يتحرقوا بجاز (قولوا امين)
نصيحه. ابعدوا. عن. اَي مواقع. اون لاين. داخل. مصر. متعبين جداااااااااا
احمد حصل معايا نفس الموقف على كاميرا نيكون z7 ب أربعين الف و بعد الدفع التسليم لم يتم و قالولي خد فلوسك واشتري بالسعر الجديد رفضت و قدمت شكوى و صدر قرار اصلاحي و ممكن ترتكن الواقعه الخاصة بي و مرفق شهاده من قرار الجهاز بإلزام جوميا بتسليم المنتج بذات السعر و المواصفات و لما رفضوا تم إحالتهم للنيابه العامه
ده الطبيعي من الشركات الواطية بس .. في 2016 طلبت من جوميا تكييف وتمام التمام قبل يوم التوصيل بيوم طلعت إشاعة عن تعويم الجنيه وارتفاع سعر الدولار .. بعتوا لي رسالة بيعتذروا فيها ﻷن المنتج غير موجود بالمخازن .. وبعدين عرضوه بسعر أغلى 500 جنيه
قريت الموضوع ده قبل كده مع واحد اشتري كاميرا وراح اشتكي في حمايه المستهلك وكسب القضيه ضدهم وخدها
الموضوع مافيهوش مؤامره.. هما كانوا مدخلين السعر غلط، ولما عملت طلب شراء وطلبوه من التاجر، فالتاجر انتبه للخطأ ورفض يطلع الطلب ولغى العمليه. وعدل السعر. جوميا مجرد وسيط.
طريقه عمل رخصة قيادة فى المانيا من رخصه مصرى؟←
معرض زهور الربيع بحديقه الاورمان بالجيزه ( 14 مارس )→