تجربتي السيئة مع جوميا Jumia

ياريت نزود عليهم كارفور عشان يبقوا الاوغاد الخمسة

Tawfik Elgohary
عندك حق

هو نازل دلوقتى ١٨٢٥

هما بشيعين الصراحة بس كلمى حماية المستهلك بيعرفوا يبهدلهوهم

للأسف الموضوع ده من التجار مش من چوميا ، بيعملوا كده عشان يستفادوا بفرق السعر ده ، فيه بيلغوا الأوردر وفيه بيبعتوا لك منتج غلط عشان ترجعه والأوردر يتلغي وتطلبه تاني بالسعر الجديد .. فچوميا مالوش دعوة بالموضوع خالص .. دي مشكلة ضمير تاجر .

انا اللي حصل معايا اشتريت منهم طابعه Hp والمفروض انها تطبع مالايقل عن ألف ورقة علشان تحتاج تتملي مكملتش ٢٠٠ ورقة وطلبت تغيير الحبر ازاي ياجدعان بعتلهم اخدوا البرنتر قالولي كلامك صح بس اكيد انت كنت بتطبع ورق كثافة الحبر فيه عالية علشان كده خلصت الحبر بسرعة يعني افترضوا ان المشكلة من عندي وصدقوها ومفترضوش ان المشكلة عند البائع اللي ممكن يكون راكن البرنتر عنده مدة طويلة وبرضه اخبط راسك فالحيط

العادى وحصل مع واحد فى ٤٢٠٠٠ الف

اسوا شركة ممكن تتعامل معاها

جوميا حاليا من أسوأ المواقع اللى ممكن تتعامل معاها . ولا فى خدمة مابعد البيع ولا حلول ل اى مشكلة وياحظك الاسود لو اشتريت حاجة فيها عيب . يبقى لبست يامعلم

بلغ جهاز حماية المستهلك

ده لو بتشتري العشره جنيه من جوميا بجنيه وربنا ما اشتري دول نصابيين وحرميه ومعلميين ع مصر كلها

جهاز حماية المستهلك علطول لو معاك اي حاجه تثبت

هي حركة رخمة بس جوابًا على سؤالك، طالبة حوالي 50 مرة من چوميا كلهم بكريديت كارت و عمر ما حصل معايا كدا بصراحة و لو حصل هكبر دماغي طالما فلوسي هتترد لان دا اللي يهمني لان ببساطة التاجر اللي بيتحكم في سعر منتجه في مش هضيع وقتي معاهم و چوميا مجرد وسيط العرض و هشوف موقع تاني عليه نفس المنتج ملاقتش خلاص مش نهاية الكون المهم الفلوس ترجع.

لا طبعاً دا مش مبرر اولاً انا حقى انى بعد ما دفعت ثمن المنتج اللى معروض و متحدد سعره انه يجيلى فى ميعاده بكل بساطة و بنفس سعره طبعا و انا بشترى من خلال جوميا مش التاجر ثانياً انا مشكلتى انه اتسحب منى فلوس على حاجة انا مستلمتهاش و الفلوس عبال ما ترجعلىفيها ولا اسبوعين او 3 اسابيع ثالثاً رد الكول سنتر عليا و بيقولى دا طبيعي و بيحصل عادى و لما طلبت منه يوصلنى لحد مسؤل عشان انا مش satisfy من اللى بيحصل دا قالى شكراً لاتصالك بجوميا و قفل السكة فى وشى

حقك و تجربتك الشخصية و عاملها زي ما تحب بس أنا بقولك اللي هعمله مش أكتر لان الاولاويات بتختلف من شخص للتاني، بالنسبة لي اولًا استرجاع فلوس بعد كدا أي حاجة تانية لكني مش مهتمة أوي اني احاول اسعى لشيء مش من حقي دا كل ما في الآمر و نقطة التاجر دي حصلت عن تجربة بردو اني اتصلت بخدمة العملاء من سنة علشان موقف مشابه لكني مكنتش دفعت بس كنت حاطة المنتج في الcart و تاني يوم زاد 199 جنيه فحبيت افهم في إيه و اللي فهمته ان التاجر هو اللي زود السعر و الموقع مفيش له تحكم في الجزئية دي لكن طبعًا في حال انك طلبت و الاوردر اتأكد فموقفك مختلف عني شوية. الفلوس عمومًا بترجع بالكتير جدًا في 10 أيام، احيانًا 5-7 اتمني متطولش عن كدا، أنا عمر ما اتقفل في وشي السكة قبل كدا بصراحة و كذا مشكلة اتحلت بالشكل اللي أنا عايزاه فأنصحك تتصل تاني جايز الشخص اللي كلمته غبي شوية و تعمل فيه شكوى كمان، كلمهم و اطلب تكلم مديره و هيحولك بس حاول تتصل بدري شوية

لا أنا خلاص مش هتصل تانى عموما ان شاء الله الفلوس هترجع عادى و أنا مبقتش عايز منهم حاجة و معتقدش انى هتعامل معاهم تانى بعد المواقف دى و الغرض من البوست انى بنقل تجربتى عشان الناس تاخد بالها من اللى ممكن تتعرضله لما يشتروا من المكان دا