ايجار فستان زفاف افضل ولا شراء الفستان

Play Maker

13-01-2022 - 07:18 pm

عروسة عاوزه تجيب فستان فرح .. اسعار الايجار وصلت ل 5000 وكمان عندها في البلد
نظام الاتيليه بيرفضوا انها تقيس الا لو خلاص اختارت الفستان وهتأجرو ..
السؤال
1- هو دا بيحصل في كل الاماكن.
2-- ايه رأيكم تأجر ولا تشتري.
3- لو رايك تشتري ... يبقي ايه الاماكن في القاهره تشتري منها موديل حديث
وبسعر معقول.
4- ايه الاماكن اللي في القاهره اللي ممكن تأجر منه فستان حديث وبسعر معقول.
شكرا مقدما

التعليقات (26)

Hasnaa Shaban

13-01-2022 - 09:22 pm

تشتري وممكن لو عايزة ابعتلك عنوان اتيليه أسعاره حلوة في الشراء ابعتلك

Basma Mahmoud

13-01-2022 - 10:27 pm

بصراحه حرام تشتري حاجه عمرها ما هتتلبس تاني

Somya El Hadidy

13-01-2022 - 11:34 pm

ف جروب اسمه فستاني ع النت بيبيع الفستان ب 900 ج

Mahmoud Ali

14-01-2022 - 12:43 am

تشتريه وتبيعه

Marwa Khttab

14-01-2022 - 01:54 am

الايجار احسن طبعا لانه مش بيتلبس تانى وبيفضل في الدولاب
وبصراحه بيضيقه ومالوش لازمه
مدينة نصر من أول شارع عباس لاخره في محلات كثير للتأجير ربنا يختار لها
الخير وتبقى احلى عروسه

Mony Ahmed

14-01-2022 - 03:07 am

عندي فستاني ممكن أدهولها بأقل من نص التمن إلل اشتريته بيه
وربنا يتمم بخير

Zeinab Twfik

14-01-2022 - 04:22 am

فى صفحه كتير عل النت ناس بتبيع فساتينها هتلاقى عليها فساتين كويسه
أسعارها تحفه وكمان لبسه واحده من العروسه ليكى عل طول

Mahmoud Hussein

14-01-2022 - 05:39 am

ممكن تتواصل معانا و موجود الفستان بدون مقابل خالص

Zeinab Twfik

14-01-2022 - 06:58 am

Sell your dress ? بيعى فستانك

Esraa Tanany

14-01-2022 - 09:42 am

١- لأ
٢- تأجير طبعا
٣ و ٤ - ميدان المطرية فيه مول كامل للفساتين واسعار كويسة وستايلات حديثة
وفيه بردو شارع بطرس غالي في روكسي فيه مولين مش واحد

Mariam Mahmoud

14-01-2022 - 11:07 am

طالما فستان فرح يبقى كفايه انها تأجر عشان مش هيبقى ليه لازمه بعد كده ،
خليها تنزل الهرم و روكسي و عباس العقاد و موضوع انها تقيس ده في اماكن
مبتوافقش غير بعدد معين من الفساتين لأنها بتتبهدل لو كل واحده فضلت تقيس
وخلاص .
و ممكن تدخل جروب sell your dress هتلاقي بنات بتعرض للايجار عادي