ايجار فستان زفاف افضل ولا شراء الفستان

Play Maker

13-01-2022 - 07:18 pm

عروسة عاوزه تجيب فستان فرح .. اسعار الايجار وصلت ل 5000 وكمان عندها في البلد
نظام الاتيليه بيرفضوا انها تقيس الا لو خلاص اختارت الفستان وهتأجرو ..
السؤال
1- هو دا بيحصل في كل الاماكن.
2-- ايه رأيكم تأجر ولا تشتري.
3- لو رايك تشتري ... يبقي ايه الاماكن في القاهره تشتري منها موديل حديث
وبسعر معقول.
4- ايه الاماكن اللي في القاهره اللي ممكن تأجر منه فستان حديث وبسعر معقول.
شكرا مقدما

التعليقات (26)

Wesam Abdullah

14-01-2022 - 08:19 pm

فى كذا اتيليه بيبقى بيصفى وبيبيعوا الفساتين بسعر اقل من الايجار تشتريه
وتبقى تأجره بعد كده او لو حابه تتبرع بيه.. بس شطارتها تدور عليهم بقى

Sara Abdelhamid

14-01-2022 - 09:58 pm

لو هي محتاجة تكلمني انا عندي فستاني اتلبس مرة وحدة واصلا عارضاه للايجار
ب ٥٠٠

Safy Reda

15-01-2022 - 01:22 am

شارع بطرس غالي مصر الجديدة

Noha Mohsen

15-01-2022 - 03:07 am

عندنا ايجار الفستان والميكاب بيوصلوا ل 15 الف واكتر منهم لله في بنات
بتضطر تاجر فستان اي كلام علشان ايجار ارخص

Somia Amer

15-01-2022 - 04:54 am

هاقولك على تجربة ، تروح تشترى القماش اللى عايزاه من التربيعة فى الغورية
،اسعارهم رخيصة جدا ، وتطلع على ممر الكونتيننتال اللى بيربط شارع عدلى
بشارع فؤاد وسط البلد وتطلع الدور التانى عند اللى بيفصلوا ، هتلاقى
الموضوع كله ارخص من الايجار بمراحل