افضل بطاقة بنكية Debit card ولا credit card

Debit card ده كارت للصرف من حساب بنكي اصلا فيه رصيد يكفي المشتريات.
Credit card ده بقى للصرف الأول و بعدين بيكون عندك فرصة حوالي ٤٥ يوم
للسداد بدون فوائد او غرامات. السداد بقى بيكون عن طريق رصيد في حساب بنكي
نحول منه قيمة المشتريات او احنا نروح معانا كاش و نسدد قبل نهاية ال ٤٥
يوم في الماكينة او على الشباك في البنك

الديبت بيتسحب من الحساب بشكل مباشر لكن الكريدت تقدر توقف التحويل لو لا
قدر الله في مشكلة

الكريديت كارد: حضرتك بتستلفي فلوس من البنك و بيبعتولك فاتورة اخر الشهر.
لو دفعتي مبلغ الفاتورة كله مش بيتحسب عليكي فوايد و لو دفعتي الحد الادنى
بيحسبوا فوايد على باقي المبلغ. الكريديت كارد مفيدة في حاجات زي التقسيط
من غير فوايد و نظام النقط اللي بتبدل بفلوس او بكوبونات خصم. كمان لو فيزا
(مش عارف في ماستر كارد كمان ولا لأ) بيكون فيها تأمين على عمليات الشراء
الكبيرة ضد الكسر و السرقة.

الديبيت كارد: حضرتك بتسحبي من فلوسك اللي في البنك مباشرة.. مفيش رصيد
يبقى مفيش سحب. الموضوع دا مفيد في انه بيحدد المبلغ اللي ممكن تصرفيه في
المعاملات بالمبلغ اللي معاكي بس. كمان في حسابات بيكون ليها فايدة شهرية
بس مش كل الحسابات كدا. معاملات الديبيت كارد ماينفعش تتقسط و مالهاش نقاط
ولا خصومات

Debit افضل

Credit دين
Debit فلوسك
طريقة سداد credit ٥٥ يوم من تاريخ الشراء بدون فوائد
لو سحب فلوس من credit بيعد فوائد من تاريخ السحب
فطبعاً اسحب من debit الي هي فلوسك ومتبقاش مديون او قادر علي سداد credit
قبل ٥٥ يوم من الشراء ..

Debit

الديبدت لازم يكون عندك رصيد ف حسابك عشان تقدر تشترى اون لاين او تسحب
انما الكريدت تقدر تستخدمه حنى لو مش عندك رصيد واول ناتضيف رصيد هيخصم منك
ولكن بفوايد لانك مدين للبنك

Debit انت بتصرف من رصيدك
Credit انت بتستلف من البنك و حتسدد بعدين و لو اتاخرت حتدفع فوايد
الافضل هو كارت debit
لو بتسافر كتير يبقى كارت credit بس تسدد اول باول
و كمان credit بيكون فيه مميزات زياده زي خصومات حصريه الطيران و الفنادق و
دخول صالات خاصة في المطارات و تامين على السفر زي تامين طبي و تامين على
الشنط و استرجاع تمن تذكرة الطيران في بعض الحالات

شكرا يا جماعة ?