الفيزا اتسرقت اعمل ايه

علي حد علمي ان ممكن تطلبي من البنك يعمل Chargeback والفلوس ممكن تترد
عادي.. وعلي حد علمي شركه فيزا وماستر كارد المفروض انها بتوفر تأمين ضد
العمليات الغير مصرح بها فاعتقد ان مفيش داعي اوي للقلق

لما الموضوع يخلص ، طلعي كارت مدفوع مقدما و استخدميه للمستريات و
المدفوعات اونلاين

Yahia Aboellief
ده اللي هوه كارت المشتريات؟

Menna Ali

هو اسمه في البنوك كارت مدفوع مقدما
الحساب حضرتك بتحطي فيه مبلغ صغير و ليكن ٥٠٠ ج او اي مبلغ و تدفعي منه
فواتيرك و مشترياتك و اي حاجه اونلاين و لما الفلوس تخلص تحطي فلوي تاني و
هكذا ، او حضرتك ناويه تشتري حاجه مثلا ب ٤٠٠٠ ج ، قبل ما تشتريها بكام
ساعه ممكن تحطي ال ٤٠٠٠ج في الحساب الخاص بالكارت و بعد كده تشتريها

بيطلع من اي بنك بصورة البطاقه و مش لازم يكون لحضرتك حساب في البنك

ايه الميزه ؟

ان اللي بيتعامل مدفوعات فواتير او مشتريات كتير اونلاين بيتعامل بأمان
علشان لو الكارت بياناته اتسرقت ، الحرامي او الهاكر مش هيعرف يستخدمه ولا
يشتري بيه حاجه علشان الكارت مفيهوش فلوس او المبلغ اللي فيه بسيط

و طبعا كخطوات امان عامه ، متشتريش اونلاين من مواقع غير موثوقه و لما
تكوني في مطعم او سوبرماركت ، عينيكي تكون على الكارت و متديش الكارت لاي
حد و زياده امان ، اقلبي الكارت هتلاقي ٣ ارقام في الخلف عند منتصف الكارت
اقصى اليمين ، احفظي الارقام دي في اي مكان خارجي و بعد كده اخدشيهم براحه
او ممكن تحطي بلاستر عليهم

امشي ف الناحيتين
اعتراض ف البنك حالا
اعتراض عند الشاري بالفون والايميل ان العمليه دي اتعملت بفيزا مسروقه
وتطلبي رفض العمليه

حصل معايا نفس الموقف بالظبط ،، وعرفت ان الفلوس اللي اتخصمت كانت ل apple
،، كلمتهم واديتهم تفاصيل العمليات اللي تمت والكارت اللي تمت من عليه
قالولي هنعملك طلب باسترداد المبلغ وتاني يوم قالولي الطلب اتقبل وبعدها
بحوالي ٣ أيام الفلوس رجعت الحمدلله ،، فانتي كلمي apple وان شاء الله هما
اللي هينجزوا الموضوع البنك ممل جدا في القصص ده

وحاجة تانية ،، البنك مش هيعمل شكوي غير لما الفلوس يتأكد خصمها من الحساب
وولو المشكلة ده حصلت في البنك الأهلي بيكون معاكي ٨٩ يوم من وقت ما
العملية اتعملت تقدري تعملي فيهم الشكوي ،، والشكوي لو متقبلتش بيخصم منك
٥٠ جنيه لكل عملية اتعملت ،، فانتي امشي الاول ف سكة apple وهما محترمين
وهيرجعوا الفلوس لو لسة متسحبتش

نوع الكارت اللي اتسرق كريدت ولا ديبت والمبلغ كام
لأن اعرف ان البنك عامل فلاج علي موقع آبل ٢٠٠ دولار كحد أقصى شهريا.
والحرامي اللي استخدم الكارت واضح أنه مش أول مره يعمل كدا وعارف بيتعامل إزاي

بلغي سرقة فيزا و هيسالوكي اخر معاملة انكري المبلغ المشكوك فيه و خلاص

علشان الفلوس تتسرق لازم البطاقة والفيزا يكونو موجودين مع الهكر .
اللي انسرق منك بطاقة البنك أو ارقمها للرقم الثلاثي الخلفي للبطاقة حاول
تاني مع البنك قبل الخصم وصعد الموضوع

اوقفي الفيزا وقدمي شكوي بسرعه

المبلغ اصلا بيكون مجنب علشان يتأكدوا ان صاحب البطاقة الفعلي هو اللي قام
بالعملية

اعتقد لازم تعمل محضر شرطة وتتابعه وبسرعه دلوقتي قبل كمان ما العمليه تتاكد

مستحيل تتم معامله بدون رقم سري بينزل علي موبيلك لاتمام العمليه
لكن فحاله تجنيب المبلغ ممكن يرد تلقائي بعد 45 يوم فحاله عدم مطالبه جهه
الشراء

Ayman Attia
لا عادي ممكن تتم من غير otp
وممكن كمان بدون cvv برقم الكارت والتاريخ بس

حصلت معى منذ حوالى اربع سنوات وايضا من ابل ، خلال اربع دقائق تمت اربع
عمليات ولولا اننى اوقفت البطاقة لأستمر السحب ، ثم ابلغت البنك وقدمت شكوى
وتم استعادة كل المبلغ ولكن بعد فترة تجاوزت الشهر.
بنكى مش فى مصر .