"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Mennah Mustafa
30-04-2021 - 08:29 pm

ازاي اتخلص من حشرة خنفساء الصدئية biscuit beetle
السلام عليكم، جمعه مباركه ?
اتمنى حد يساعدني لأني بدأت اتجنن. فيه حشره ظهرت عندي في البيت شبه السوس و اما دورت لقيت إنها بتيجي في المكرونات و التوابل. و فعلا ) لقيت عندي توابل مسوسه و بصل بايظ و رميتهم لكنت مفيش فايده. اعداد الحشره دي في ازدياد. بالنهار بيختفوا و بليل بيزيدوا اوي ع أي مصدر نور و مهما ارش تاني بيظهروا تاني كأنهم مش بيموتوا و مش قادره ارش كتير عشان عندس حساسيه في الصدر. اتمني حد يقولي ادور فين تاني لأني قلبت المطبخ و بمسح بمياه و خل و كلور و لو اي حد يعرف شركة رش حشرات يقولي لأني فقدت الأمل اني اتخلص منهم.
ملحوظه: انا ساكنه في دور أول قريبه من جنينه و مرفق صوره الحشره. هي صغيره جدا زي الخنفسه و بتطير و تقريبا اسمها biscuit beetle , و شكرا لأي حد فعلال ممكن يساعدني


التعليقات (42)
Zaynab Salah
Zaynab Salah
انا جه على الشوفان و البقوليات و رميتهم ووحطيت اغلب الحاجات فى التلاجه ، الغريب انها بتخرم الاكياس

Юсеф Самир
Юсеф Самир
جاز

Esraa Swillam
Esraa Swillam
انت عندي سوس طلع عيني ...بصي اي توابل شكلها ملزق او بقول فيها تراب زي الفرافيت افرزيهم كويس و ارمي اللي فيه حشره بعد ما تحطيه ف اكياس و تربطيها و لو مفيهمش الحشرة ممكن.يكون فيهم بيض سوس تحطيهم في الفريزر لمدة ٤ ايام و تنقلي الرز و المكرونه السلام ف التلاجه و تمسحي بخل و ترشي و اقعدي حبه كده كله ف الفريزر و التلاجه او تشتري و تستعملي على طول و بلاش تشتري بقول او بهارات سايبه او شكلها مركونه ف سوبر.ماركت و شوفي بتجيلك.منين... بلاش اي بواقي فاكهه او قشر بره كله ف كيس يتربط و يترمي و ادلقي خل ف صرف الحوض و البلاعات و رشي شباك المطبخ عشان لو بتدخل منه و ربنا معاك

Noha El Motayam
Noha El Motayam
جربي الاكتومثرين (دوا الجرب) بيطفش الحشرات مش بس النمل

Nerdeen Amr Salem
Nerdeen Amr Salem
ارمي كل التوابل اللي عندك و اي كاربوهيدرات أو بقوليات و مشروبات ساخنة ( شاي او نعناع أو ينسون باكتس) أو لبن بودره كاكاو سحلب كل الكلام ده و نضفي دواليب الخزين رف رف بالجلانس (مش لازم اي حاجة تانية) والمناديل المطبخ عشان ترميها علي طول و متنقليش بيضها من مكان لمكان و مش هتلاقيها تاني و حطي التوابل و الدقيق بعد كدة في التلاجة لان واضح أن استخدامك قليل فبيسوسوا قبل ما تخلصيهم

Fatma Elaraby
Fatma Elaraby
رش من وزارة الزراعه بس روحي بنفسك و وريهم الصوره و هما هيدوكي الرش المناسب

Sarah Soliman
Sarah Soliman
دوري في الخشب و بين الحيطة و حلق الشباك

Abdelrahman Y. ElFiky
Abdelrahman Y. ElFiky
ممكن تبقى Powderpost beetle ودي بتعيش في الأثاث والباركيه الخشب.

Omnia Khaled
Omnia Khaled
بصي يا منه انا مره بردو لقتهم كتروا جدا قمت قالبه المطبخ رأسا علي عقب ولقيت ف الاخر ان مصدرهم كيس لوبيا و كيس فول و فعلا رمتهم ونضفت كويس مظهروش تاني ف دوري ف كل اكياس البقوليات اللي عندك وتخلصي منهم وربنا معاكي هي فعلا بتنرفذ اوي

Ahmed El-Sabrout
Ahmed El-Sabrout
مجموعة الخنافس دي منها خنفساء السجاير و خنفساء الصعيد و بعض الخنافس الأخرى التي تصيب الحبوب المخزونة، و من الطبيعي رؤيتها ليلا لانها حشرات نشاطها ليلي قد تتواجد الأطوار الكاملة و اليرقات و العذارى بالتوابل بأنواعها ، و عليه اولا ارجو البحث بعناية و التخلص من الغلة و الحبوب و التوابل المخزونة المصابة و التخلص منها لعدم زيادة عشائر هذة الحشرة ( خطوة هامة للقضاء على المصدر). ثانيا: رش اي من الايروسولات المتاحة و تجميع الميتة منها في الحال و الرش يكون حول مصدر الإضاءة بعد انجذاب أعداد كبيرة من الحشرة. د. أحمد الصبروت أستاذ م. قسم علم الحشرات و الحيوان التطبيقي جامعة الإسكندرية

Fatima Ali
Fatima Ali
عندي نفس المشكله ورميت كل حاجه مسوسه وبردوا موجوده وفعلا بتظهر بالليل بس

Hafsa Mohammed
Hafsa Mohammed
ممكن يكون اتنقل لحاجة تانية مكرونات او بقوليات اعتقد ارمي كله ورشي الدولاب واغسليه

Amira Bahaie
Amira Bahaie
شوفي التوابل والبقوليات وبالذات اللوبيا هتلاقيها إن شاء الله

Safaa Lotfy
Safaa Lotfy
الحاجه المسوسه ارميها على طول بس اربطيها كويس وارميها في الزباله

Abdallah Mohamed
Abdallah Mohamed
التوابل والبقوليات المتضررة ارميها وامسحي بخل وفلفل اسود اماكن تواجدهم باستمرار

Abdallah Mohamed
Abdallah Mohamed
واقفلي البقوليات والتوابل كويس


استفسار قانوني التلاعب في عداد الكهرباء بالكارت
اماكن شراء كبائن تعقيم و قياس درجة الحرارة في مصر