السلام عليكم، جمعه مباركه ?
اتمنى حد يساعدني لأني بدأت اتجنن. فيه حشره ظهرت عندي في البيت شبه السوس و اما دورت لقيت إنها بتيجي في المكرونات و التوابل. و فعلا ) لقيت عندي توابل مسوسه و بصل بايظ و رميتهم لكنت مفيش فايده. اعداد الحشره دي في ازدياد. بالنهار بيختفوا و بليل بيزيدوا اوي ع أي مصدر نور و مهما ارش تاني بيظهروا تاني كأنهم مش بيموتوا و مش قادره ارش كتير عشان عندس حساسيه في الصدر. اتمني حد يقولي ادور فين تاني لأني قلبت المطبخ و بمسح بمياه و خل و كلور و لو اي حد يعرف شركة رش حشرات يقولي لأني فقدت الأمل اني اتخلص منهم.
ملحوظه: انا ساكنه في دور أول قريبه من جنينه و مرفق صوره الحشره. هي صغيره جدا زي الخنفسه و بتطير و تقريبا اسمها biscuit beetle , و شكرا لأي حد فعلال ممكن يساعدني
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (42)
هاتي ورق لورا الي بنضيفه للشوربه وحطي كتير فالدرف الي فيها هتمشي لانها بتدايق من ريحته
شوفي دقيق او رز وممكن تفضل شويه عشان هي انتشرت حاولي تكوني خارجه في مره ورشي البيت كويس كل مكان ورا الدواليب وكل مكان ضيق والاوض وتحت الكنب وكله وتكوني لابسه ماسك عشان الحساسيه واما ترجعي فتحي الشبابيك ومش هيكون فيه ريحه ان شاء الله والف سلامه عليكي حبيبتي
انا رميت كل حاجه ولا لت باعاني منها وصراحه حاسه انها بسبب الشجر اللي جنب بلكونتي
كانت عندي وبعد بحث وبهدلة اكتشفت أن الولاد موقعين شوية رز ناشف تحت خشبة التسريحة لما نضفناهم معادتش موجودة
أنا أسفة أقولك إنك حصلك infestation خلاص... بمعني الحشرات استوطنت و تكاثرت و باضت و تناقلت بين المواد الجافة اللي عندك.... الحل الناجز هيكون بخسارة لكنه الحل الوحيد، هتتخلصي من كل المواد الغذائية الجافة اللي عندك( كله هترميه) و تتأكدي إن مفيش اي فرد م الأسرة شايل مأكولات جافة زي المكسرات و البسكويت ف اي حتة ف البيت و تدي المطبخ غسلة محترمة و قبل ما تشتري اي مؤنة استثمري ف علب محكمة الغلق مختلفة الأحجام( اللي بشريط سليكون) و حطي فيها اي مواد غذائية جافة بما فيها البهارات ( كدا هتمنعي استيطان و تبويض مستقبلي) حتي لو دخلت البيت تاني مش هتلاقي اللي تعيش فيه.... أخيرا لو عندك مكان للعيش دايما تنضفيه لإن الفتافيت غذا ليه و نبهي ع الأسرة مفيش أكل او تسالي تحفظ من غير علبة محكمة الغلق
و بالمناسبة حط المواد الغذائية ف التلاجة مش حماية... انت ممكن تنيمي الحشرة البالغة بالطريقة دي لكن البيض هيفضل حي
كانت عندي ولقيت عندي برطمان كسبره هو اللي بهدل الدنيا ولما نضفت خفت بس مختفتش اعدت اسابيع ادوور وامسح لحد ما لقتها فبكتات الينسون دووري تاني هتلاقيها لسه عايشه فمكان
للأسف السوسة عششت عندك ولازم تتخلصي من كل المواد الغذائية الجافة و التوابل أو تحطيها في برطمانات زجاج محكمة الغلق و تبتدي في عمليات تنظيف مستمر و مكافحة بالأخص داخل الخزائن الخشبية بالمطبخ و اذا ظهر اي سوس منها في أي برطمان تتخلصي من الحاجة اللي جواه فورا و تغسلي البرطمان جيدا للتخلص من أي بيض الحشرة جواه
انا لقيته جوا الشاى الاخضر و الينسون و الدقيق و المكرونه و البهارات لازم ترمى كل حاجة و تغسلى مكان البهارات و تشترى جديد و تحطى ف التلاجة لحد ما تلاقى خلاص كله مشى طبعا لازم رشى المطبخ بحاجة قويه عشان يموت و بعد كده تمسحى و تسيبى المطبخ فاضى كام يوم و تتابعى الحشره ظهرت بنفس الكميه ولا قلت و لا انعدمت
امسحى ب بستبان ده بيتباع فى السيده عند محلات المبيدات وبس ابعدى الاطفال عنه وسيبه على الارض حوالى ساعه
استفسار قانوني التلاعب في عداد الكهرباء بالكارت←
اماكن شراء كبائن تعقيم و قياس درجة الحرارة في مصر→