هل كورس السبوبة نصب

ازاي تكسب فلوس لما اخسرك شويه منهم .. دي قاعدة الناس بتوع الكورسات زي السبوبة سوا وغيرها من الكورسات المدفوعه ..كتبت زمان جملة قبل الناس دي ما تبقى موجودة من الاساس:
مفيش حد بروفيشنال بيعمل كورسات مدفوعه يعلم الناس فيها ازاي تكسب فلوس من العمل اونلاين .. وغالباً بتكون دي وظيفة الاكاديمي مش البروفيشنال وهو المحترف في عمله و غير متفرغ لشيء اخر ..

المصيبة هنا ان اي حد يروح يتعلم مجموعة مهارات او اي شيء متاحة اونلاين في كل مصادر الانترنت وهو بيتعلم يدون ملاحظات فتحلو في عينه يقوم بايع الملاحظات دي سواء كانت من فيديو او صفحات على النت .. طيب انت كده فاضي مش بتشتغل اصلا ولا دي بقت السبوبه بتاعتك ..

خلاصة القول محدش يدفع جنية واحد في كورسات مش ٤٠٠٠ ج لمجرد انه بيعرف يسوق لنفسه كويس بالسبامينج ..
محدش يقدم في وظيفه بتطلب رسوم دي الخطوط العريضه علشان متخسرش فلوسك وانت بتحاول تبدأ ..
انا واحد من الناس الي كانت بتعافر علشان تتعلم في وقت مكنش فيه اصلا مصادر نتعلم منها حاجة قبل اليوتيوب وجوجل لما كان الانترنت عباره عن ياهوو وصفحات جرايد .. اتعلمنا من التجارب والاخطاء لحد ما كل حاجة بقت موجودة على الانترنت وكلها open sources ابحث عن الحاجة الي حابب تتعلمها وجرب وعافر وهتتعلم وهنا هتطور وتكون محترف مش مجرد موظف ولا حتى اكاديمي ولا بياع كلام..

كورس السبوبة سوا وغيرع هو عباره عن احتيال ونصب للطامحين للتعلم والعمل وجني الارباح .. وكل المعلومات الخاصه به متاحة اونلاين مجانا ..