مصطلح وضع اليد على الاراضي

اساسا كل المصايف والشواطئ ليست ملكيه لأحد انما ملكية دوله وماتراه من بيع
وشراء مجرد حق انتفاع فقط

وضع يد يعني ارض دولة بييجي ناس معينة غالبا عايشين في مكان قريب من الارض،
يقولوا دي بتاعتنا و يبدأوا يبيعوها للناس باسعار رخيصة، الناس بتبني لو هي
ارض بناء او تزرع فيها لو ارض زراعية و تيجي الحكومة تكتشف فتقول خلاص مش
هينفع يطلعوا لانهم نقلوا حياتهم و بنوا حياة فيها فهنعمل تصالح، فتدفع
للحكومة تمن بسيط غير اللي دفعته لواضع اليد و تبقى الارض بتاعتك بتمن كلي
مش كبير، اقل كتير من انك كنت تشتري ارض مسجلة، ده اللي كان بيحصل لحد من
عشر سنين او خمستاشر سنة بالكتير، طيب من عشر سنين او ١٥ حصل ايه؟ الدولة
وقفت موضوع التصالح تماما و حتى لو بنيت هيهدوا لك بيتك و يطلعوك و لو زارع
لانها ارض زراعية هيدمروا زراعتك و يطلعوك، مفيش تصالح على ارض دولة خلاص.
و انت الحقيقة سألت اكتر من مرة على الموضوع وواضح انك مصر تتعرض عمليا
للتجربة، منطقيا مفيش ارض ب ٢٠٠ جنيه المتر او فدان ب ١٥ الف جنيه فلما
تلاقي امور غير منطقية و بردو مصر عليها هتخسر في الاخر.