"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
19-01-2018 - 03:32 am
مساء الخير عايزه دكتور او مركز تعديل سلوك كويس (بس يكون عن تجربه ) لبنوته عندها 11 سنه بتتعرض لتنمر و سؤء معامله من زملائها فى المدرسه باستمرار و الامر مؤثر جدا على مستواها الدراسى فى نطاق المقطم او التجمع الخامس او مصر الجديده او مدينه نصر تعديل البنت شخصيتها خجوله جدا و دموعها قريبه و كل الدعم اللى بدهولها انا و باباها بيذهب إدراج الرياح مع سلبيه المدرسه
التعليقات (17)
حاولى تحلى الموضوع فى المدرسه و نوطيلهم كل شويه و لو حكمت غيري المدرسه بالنسبه للدكتور فى المركز القومى للبحوث اطباء نفسيين تخصص اطفال ممكن تسألى هناك
البنت مش محتاجة تعديل سلوك، اللي بيتنمر عليه همه اللي عايزين تعديل سلوك علي فكرة 3
الولاد اللى بيعملوا كده بيتجمعوا عليها و بيقولوا لبعض انها بتقعد تعيط فتعالوا نضايقها انا عايزها تعرف تتصرف مش بس تعيط و المدرسه سلبيه جدا و شايفه ان البنت هى اللى غلطانه طالما ان فى ولاد و بنات كتير بيتخانقوا معاها و هى بدء سلوكها يتغير و يأثر على مستواها الدراسى
معلش بردو ده اسمه لوم الضحية بنتك محتاجة دعم نفسي جامد منك ليها في البيت، و المدرسة لازم تعمل حاجة! مش ممكن البنت تفضل كده و محدش بيعمل حاجة! البنت محتاجة دعم نفسي مش تعديل سلوك!
انا بحاول بس المدرسه سلبيه و بتعاقب الضحيه بمنطق اضرب المربوط يخاف السايب و البنت بدات تستخدم اساليب المتنمرين عليها و بدء صوتها يعلى و تدخل فى نوبات اكتئاب و كل الدعم اللى بعمله تاثيره بيروح فى المدرسه من كميه الاحباط و الغل اللى بتشوفها
انا محتاجه حد متخصص يساعدنى و يعرفنى اذا كان طريقتى صح و لا محتاجه اتعامل معاها بشكل مختلف
بصى اقعدى اتكلمى معاها كتير و اسمعى منها و من الحكاوى بتاعتها هتكتشفى ايه الغلط فى تصرفها معاهم ، و مش قصدى انها غلطانة انا قصدى انها ممكن تكون بتتصرف بشكل معين بيخلوهم بتعاملوا معاها كده و ده برضه مش معناه انها عيوب فى شخصيتها بس هى مش عارفة تتعامل معاهم صح هى برضه محتاجة منك دعم نفسى زى ما بيقولوا و محتاجة تثق فى نفسها اكتر و ده محتاج منك مجهود انتى و بابا و حاولى تخلى لها انشطة فيها اندماج مع الناس اكتر علشان تعرف تتعامل مع كل الانماط كلامى ده عن تجربة شخصية و ربنا معاكى
فيه برامج وفيديوهات كتير على النت ممكن تساعدك... انت ممكن ماتحتاجيش لاى استشارة خارجية
علميها ازاي تدافع عن نفسها غالبا المتنمر بينقي الشخص اللي مش بياخد رد فعل لو اخدت رد فعل مره هيجيب نتيجه هتاخد ثقه في نفسها 2
لما بتعمل كده بتتعاقب و البنات اللى بتضايقها بتقولها هم بيعاقبوكى علشان احنا كلنا ما بنحبكيش و بنتخانق معاكى فالمدرسه عرفت انك انتى اللى بتعملى مشاكل و بيعاقبوكى و يضحكوا عليها
تواصلت والنتيجة زيرو انا عايزه البنت تعرف تتصرف و تتعلم تتعامل ازاى لأن هو ده العلاج الوحيد .... المدارس كلها ما بقتش بتربى
هي مابتشتكيش زيهم ليه وشوفي ليه هي مكروهه منهم شوفي الاصل والسبب انهم بيعاملوها كدا وعوديها تحكيلك كل حاجه وانت تسمعي وتقترحي تصرفات عليها كنقاش مش كاوامر
فى مركز.دايما اصحاب بتاع دكتوره منى الرخاوى قريب من مقر الإخوان القديم تدخليله من جنب بنك qnb .... بس بعيدا عن كده لازم تروحيلها المدرسه كتير و تحسيسيها انك معاها و بتدعميها و حاولى تخليها تلعب رياضه من رياضات الدفاع عن النفس عشان تاخد ثقه ف نفسها و جراه و ان شاء الله المركز ده يساعدك ويوجهك للصح 2
انا رأيي انك تدخليها لعبه دفاع عن النفس في اي نادي وده هيفرق كتير في شخصيتها ويديها ثقه بالنفس اعتقد دي الخطوه الاولي في الموضوع وقوليلها كتير ان البنات اللي في المدرسه هما اللي غلط مش أنتي اكيد هتقابلي في يوم من الايام واحده صح زيك وانفخيها علي اد ما تقدري
عايزة دكتور لعلاج صوت صفير في الاذن←
محتاج اعرف افضل دكتور روماتويد→