عاوزه اروح العين السخنه من اسكندريه بعربيتي
ازاي اروح
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (13)
من شارع قناة السويس على الداون تاون ومن هناك يمين على العامرية والصحراوي
حضرتك هتاخدي الصحراوي لحد ما تعدي بوابة القاهرة وتعدي المحور هتلاقي فيه طلعة مكتوب عليها المعادي / حلوان بعد مجموعة مطبات على الصحراوي في نهايته حضرتك هتطلعي الطلعة دي هتلاقي نفسك على الكوبري الدائري هتلاقي طالعة تانية على يمينك مكتوب عليها برضو المعادي والقطامية هتطلعيها وتفضلي ماشية مع الطريق واليفط لحد ما تلاقي مكتوب طريق القطامية العين السخنة هتنزلي زي ميدان وتدخلي اول يمين دا طريق العين السخنة هتمشي لآخره هتلاقي طريق البحر الاحمر والزعفرانة والعين السخنة هي الوصفة صعبة شوية بس لو فيه حاجة مش مفهومة افسرهالك
هحاول اعملك خريطة توضح وعموما انتي بس توصلي القاهرة والموضوع هيبقى سهل
هو الخريطة مش هتبقى واضحة لان فيه علامات كتير هتتلاشى فيها لبعد المسافة ف يا اما حضرتك توضحي انهي حتة بالظبط اللي مش عارف انا اوصفها صح يا اما اقولك علامة تانية لكل تغيير ف الطريق انا قولت عليه
تمام بكره ان شاءالله ححاول ابص علي جوجل ولو في حاجه مش واضحه معلش حسال حضرتك تاني بكرر شكري لذوق حضرتك
عموما الدائري هو تاني كوبري بعد بوابة القاهرة واليافطة هتلاقي مكتوب عليها المعادي موجودة عند طلعة الدائري
وبعد البوابة حضرتك هتلاقي فيه دخلتين دخلة مكتوب عليها الواحات ودخلة لنفق مكتوب عليها ميدان الرماية دي هتمشي معاها هتلاقيها ف الطريق وانتي لما تشوفي الكلام دا هتفتكري كلامي وطريق السلامة ، السرعة المقررة على طريق مصر اسكندرية الصحراوي 120 للحارة الشمال 100 للحارة اللي قبلها 80 للي قبلها 70 للي قبلها ، السرعة المقررة على طريق العين السخنة 120 برضو ، طريق السلامة
عايز اروح مستشفي التامين الصحي مدينة نصر ؟←
ازاي اروح شارع جامعة الدول العربية من ماسبيرو بالعربية ؟→