شراء شقة في التجمع للاستثمار

Mohamed Jaad

17-02-2022 - 10:31 pm

محتاج راي حضراتكم ناوي اشتري شقه ف التجمع للاستثمار ، سعرها ف حدود
المليون، هل الشقق دلوقتي بيرتفع سعرها بمعدل كويس كل سنه ؟
وممكن تتأجر بكام ؟
وايه الاماكن التانيه اللي فيها الشقق بترفع بسرعه ؟
شكرا مقدما...

التعليقات (47)

DrAhmed Hema

18-02-2022 - 11:32 pm

Suzanne Ashkar

المفروض تتحرك نظريا
لكن فعليا الحركة تكاد تقترب من الصفر
فيها حد اعرفه له اكتر من سنتين ونص بيدلل على شقة في عاصمة محافظة وموقع
محترم وبينزل ف السعر ومفيش حد يشتري وامثلة تانية كتير
والاراضي كلها وقفت

Suzanne Ashkar

19-02-2022 - 01:11 am

DrAhmed Hema

طيب لو بعد كام سنه ممكن ايه يكون وضع الشقق في عواصم المحافظات مثلا؟

Suzanne Ashkar

19-02-2022 - 02:52 am

DrAhmed Hema

و ايه سبب الركود في المحافظات دي مثلا؟ و شكرا جدا

Ahmed Medhat

19-02-2022 - 04:35 am

في ناس هتقنعك انك هتشتريها وبعد سنه هتبعها بمكسب عالي الافضل شغل فلوسسك
في اي حاجه بتفهم فيها السوق المعروض كبير جدا والي هيشتري يروح ياخد من
مطور عقاري بتسهيلات اكبر من الي هتقدر تقدمه انت فبلاش هتزعل جامد والسوق
الحركه فيه ضعيفه اصلا عن زمان

Mohamed Gaber

19-02-2022 - 06:20 am

حاليا العقارات بقت بس لشركات واعتقد الاسعار راح ثبت وممكن تقل مع الوقت

البنت المصريه

19-02-2022 - 08:07 am

لو هتحطهم في عقار متنتظرش تبيع ف خلال خمس سنين لازم تسيبها علي مدي بعيد
غير كده استثمر في حاجه تانيه العقار تحط فلوسك في وانساه بس عشان يحافظ ع
قيمه فلوسك وعدم ضياعها وخلي بالك بالذات لو كومباوند هيبقي في مصاريف
صيانه وضرايب وغيره خد ده ف الاعتبار