تكلفة واجراءات مشروع صيدلية

تكلفة فتح صيدلية تقصدي تجهيزات ولا ثمن الصيدلية

#hayamfekry

مساء الفل :)
هنتكلم النهارده عن الاوراق الاوليه اللي المفروض الصيدلي يرسلها لادارة
الصيدله علشان يرخص صيدلية وهما 6 حاجات تحفظهم زي اسمك :-

1 صورة البطاقه الشخصيه للصيدلي وتكون سارية
2-اصل شهادة الميلاد او مستخرج رسمي من شهادة الميلاد (الصورة متنفعش )
3 حواله بريديه ب 5 جنيه(حضرتك تروح لاي بريد بتقولهم عايز اعمل حواله
لادارة الصيدله ب 5 جنيه )
4فيش وتشبيه موجه لادارة الصيدلة بغرض ترخيص صيدلية ويكون ساري طبعا
5عدد 3 نسخ من رسم هندسي للصيدلية
6 الطلب اللي سحبته من ادارة الصيدله وتملي بيناته امام المفتش
اول ما تجمع الحاجات دي ترسلها لادارة الصيدله بريد مسجل بعلم الوصول طيب
تتأكد انه مسجل بعلم الوصول ازاي ؟؟؟؟؟؟؟؟؟ اتأكد ان موظف البريد ختم
المظروف بختم مكتوب عليه(( AR ))

الهي يكرمكوا يا صيادله محدش يجيبلي الرسم الهندسي بتاع البيت كله انا مش
هرخص البيت كله كصيدليه احنا عايزين رسم هندسي للمحل اللي هيترخص صيدليه
طيب الرسم الهندسي ده ايه شروطه ؟؟؟؟؟؟؟؟؟؟
* يحتوي علي مقطع رأسي للصيدلية ومقطع افقي للصيدلية والواجهه الامامية
للعقار موضح فيه موقع المحل (علشان ترسم العقار براحتك اهو وميبقاش في نفسك
حاجه :D) والموقع العام يعني توضح بالرسم الشارع اللي فيه المحل المراد
ترخيصه (يعني ابص للموقع العام اعرف الصيدليه فين واروحها ازاي ) ولازم
نوضح علي الموقع العام
مكان اقرب صيدلية
ومتنسوش حاجه مهمة :-
حضرتك بترسل 3 نسخ ها سامعين 3 نسخ ودي مافيهاش فصال ممكن تزود عدد النسخ
بس متقللش بلاش شغل صيادله بقي والرسم الهندسي لازم يكون معتمد ومختوم من
مهندس نقابي
ومتنسوش الرسم الهندسي مقياس150
ولازم نبين اتجاه الصرف علي الرسم الهندسي صرف الحوض والحمام لو فيه
(طلب الترخيص ) اللي بتسحبه من ادارة الصيدله علشان ترخص اي مؤسسة صيدلية
طبعا لازم نملي كل بيناته وبدقه بس فيه بينات معينه لازم نكتبها بدقه
متناهيه طيب ليه ؟؟؟؟؟
لانها لو نقصت ممكن الطلب يترفض
طيب ايه هي البيانات دي
1- طبعا اسم طالب الترخيص وتوقيعه علي الطلب
2- عنوان طالب الترخيص (اللي هيتم مراسلتك عليه من ادارة الصيدلة ) يكون
ادق ما يمكن يعني تكتب اسم المنطقه واسم الشارع ورقم العماره ورقم الشقه
وممكن اسم جارك كمان (مزحه :D) يعني من الاخر العنوان يكون مكتوب بدقه
متناهيه متكتبليش اسم الحي وتسكت لا مينفعش .
3-عنوان المؤسسه المطلوب ترخيصها يكون دقيق جدا اسم الحي اسم الشارع رقم
العقار رقم المحل
4- اسم مالك العقار طيب ليه ؟؟ لان في بعض الاماكن الريفية بالذات مبيبقاش
فيها رقم عقار مثلا وبتبقي هناك البيوت معروفه باسم اصحابها ففي الحاله دي
بيتم الاستدلال علي العقار عن طريق اسم صاحبه

يالا بقي تصبحوا علي خير :)

برافو

تختلف من مكان لمكان يعنى شراء محل تمليك فى الهرم غير المهندسين غير اكتوبر
محل تمليك غير الايجار
التجهيزات الداهلية تختلف برضه حسب الخامات يعنى ارفف زجاج مثبته على حوامل
ارخص من الادراج والادراج نفسها تكلفتها تختلف حسب الخشب ونوع الجرارات ...
صعب جدا تحديد رقم ولو تقريبى عن تكلفة فتح صيدلية نتيجة لعوامل كتير غير
اللى ذكرتها
بالنسبة للاجراءات روحى ادارة الصيدلة هتلاقى ورقة متعلقة بكل المطلوب
وتقدرى تستفسرى منهم عن اى حاجة