شراء جنية الدهب من BTC ولا محلات الصاغة

Omar Miro

13-01-2022 - 07:23 pm

لو حد بيفهم في الدهب
ليه اسعار الجنيه الدهب اغلي في شركات الدهب زيbtc او ايجبت جولد عن محلات
الصاغه لان الفارق حوالي ٤٥٠ ج في الجنيه واي افضل الاماذن لشراء الجنيه الذهب

التعليقات (42)

Heba M Hassaan

13-01-2022 - 08:24 pm

دهب مضمون مش مخلوط. و معاه ضمان. جرب تشتري من تاجر تاني و فاصل في
مصنعيه. هي مقارنه. في محل دهب كبير جدا كانوا بيبيعوا فصوص الزيركون أنها
الماظ

Omar Miro

13-01-2022 - 09:27 pm

Heba M Hassaan
يعني مشتريش من الصاغه واخليني في شركات الدهب افضل

Heba M Hassaan

13-01-2022 - 10:32 pm

Omar Hatem

الصاغه بيبيعوا BTc
بس من مكان موثوق. مكسب الصاغه في المصنعيه و فاصل فيها قد ما تقدر. و BTC
أصلا بتكون متغلفه كده و بتتباع زي ماهي. و بيكون المخل خاطط برشور انه
بيبيعه.. الا لو عايز يتعمل ليها ايطار تبقى دلايه. وده غير مستحب لو
للاستثمار. لو عايز تريح دماغ اشتري من شركه نفسها
في اسكندريه في محلين دهب مضمونين. فؤاد احمد و البنداق.

Hazem Hazem

13-01-2022 - 11:39 pm

Omar Hatem

افضل مكان مضمون سليمة جولد .. لازم العملة تكون مدموغة بدمغة الحكومة
وكمان عليها ختم سليمة جولد وده في العملات او السبايك وكمان هما أرخص من
btc في المصنعية

Slight Breeze

14-01-2022 - 01:59 am

Remon Gerges

لوسمحت لو طقم اشتريت طقم لازوردي ب٤٠ الف و٣٠٠
وزنه ٤٦.٤٠٠ مل كده كسبان فيا كتير ولا عادي علما المصنعية وقتها كانت ٧٨٤

Remon Gerges

14-01-2022 - 03:12 am

Slight Breeze

معلش الارقام ملغبطه ومفهمتش

Slight Breeze

14-01-2022 - 04:27 am

Remon Gerges

وزن طقم اللازورد ٤٦ جرام

ثمنه ٤٠ ألف

المصنعية وقتها ٧٨٤

Remon Gerges

14-01-2022 - 05:44 am

Slight Breeze

واخد من حضرتك
78 مصنعيه ع الجرام ويمكن ااقل وده سعر حلو وعادل جداا علي شركه لازورد
#جواهرجي

Slight Breeze

14-01-2022 - 07:03 am

Remon Gerges
شكرا

داليا الباهي

14-01-2022 - 08:24 am

Slight Breeze

حضرتك دافع ٨٤.٥ مصنعية على الجرام كويس جداً بس المهم تكون متأكد إنه
لازوردي و اللوجو واضح و سليم و كان فيه تكت لازوردي

Heba Menaem

14-01-2022 - 09:47 am

الأفضل تجيب من شركه مضمونه في جنيهات موجوده في السوق العيار بتاعها اقل
من عيار 21 وقت البيع هيقلل في سعرها ده غير أن في جنيهات مغشوشه

Nesma Farid Nabil

14-01-2022 - 12:39 pm

لو للاستثمار فالجنية الدهب افشل شىء لانه بيخسر كتير بعد البيع الافضل هى
السبايك ال ٢١ و التجار بيقولوا عليها السبايك البلدى

Ahmed Mohamed

14-01-2022 - 02:08 pm

الكلام صح الاستثمار هات سبايك و اخلص الجنيه الضرب فيه كتير قوى
او هات دهب عادى مستعمل هتكون المصنعيه قليله شويه ما السنه بتعدى هيكون
جاب فرق المصنعيه و ربنا يباركلك

Noutcha Hassab

14-01-2022 - 03:39 pm

Ahmed Mohamed

طب اجيب منين دهب مستعمل ويكون موثوق فيه انه دهب ١٠٠٪؜ وماتعرّضش فيه للغش
وانا بشتريه ؟

Ahmed Mohamed

14-01-2022 - 05:12 pm

هى دى بقى المشكله الاختيار الاول يكون صايغ حضرتك بتتعاملى معاه او تنزلى
مكان موثوق فيه بس ابعدى عن الصاغه لاهم للاسف سمعتهم وحشه جدااااااااااااااااا
انا عن نفسى بنزل اجيب من ميدان الجامع او من شبرا

Khalid Al-Masry

14-01-2022 - 08:24 pm

لو هتشتري دهب للادخار اشتريه مستعمل (عيار 21) ولا تشتري غير كده

هل سعر الجنية الدهب يضاف له دمغة و مصنعية←
اماكن بيع الالماس فى القاهرة→

شراء جنية الدهب من BTC ولا محلات الصاغة

ازاي اروح الصاغة من العتبة

ازاي اروح شارع ناهيا في بولاق من كورنيش المعادي ؟

عايز اروح حلمية الزيتون من مدينة نصر ولا الف مسكن ؟

اركب ايه من بولاق الدكرور الى الخليفة المأمون ؟

مين احسن دكتور حديثى ولاده في مصر ؟

اماكن بيع الالماس فى القاهرة

شراء جنية الدهب من BTC ولا محلات الصاغة

هل سعر الجنية الدهب يضاف له دمغة و مصنعية

اعادة بيع الالماس في مصر

اسعار الذهب في محلات ميدان الجامع و الصاغة و فرق المصنعية

Trend