ريفيو فندق جراند اوتيل Sofitel Legend Old Cataract Aswan في اسوان

Ahmed Elagouz

24-01-2023 - 08:31 am

كنا في مدينه أسوان في فندق
Sofitel Legend Old Cataract Aswan

إسم الشهره: جراند أوتيل (نسبه لمسلسل).
الإسم الحقيقي: سوفيتيل ليچند أولد كتاراكت.
المكان: أسوان - مصر.

بدون مبالغة أجمل فندق نزلت فيه أنا و أولادي مش بسبب فخامه الفندق و لكن
موقعه إللي علي النيل مباشره و الراحه النفسيه سواء قاعد علي حمام السباحه
أو قاعد في تراسبلكونه غرفتك.

جميع موظفي الفندق بلا إستثناء ودودين للغايه و بيعاملوك بكرم ضيافة ده
بالإضافة لمستوي النضافة والخدمة إللي كانت فوق توقعاتي. الأولاد و مراتي
حبوه جدا.

إحنا نزلنا في سويت 2503 إللي هو في ال Nile Wing و علي النيل مباشره زي ما
الصور موضحه و طبعا الڤيو في منتهي الجمال. المطاعم هناك ممتازة و جوده
الأكل عاليه جدا و مفيهاش كروته زي فنادق كتييييير ?

الفندق كمكان لازم تجربه و لو مره واحده في حياتك.

السعر للمصريين غير الأجانب، و لو إنت مصري يفضل إنك تتصل بالفندق و تجيب
سعر منهم مباشره لإنه ساعات بيبقي أرخص من الاونلاين و إنت أولي بفرق السعر
طبعا ?

التعليقات (27)

Ahmed Elagouz

24-01-2023 - 09:57 am

Rehab Mohamed

حسب السيزون بس متوسط 120 دولار الليله

Mahmoud Seleem

24-01-2023 - 09:58 am

Ahmed Elagouz

ده سعر الغرفة ولا الفرد

Ahmed Elagouz

24-01-2023 - 09:59 am

Mahmoud Seleem

الغرفه مش الفرد و الغرفه مسموح فيها (٢ كبار و ٢ أطفال تحت سن ١٢ سنه)

Veena Om Leena

24-01-2023 - 10:00 am