ريفيو فندق Le Metropole فى الاسكندريه وبالتحديد فى منطقة محطة الرمل
المميز فى المكان دة انك ممكن تطلع تفطر على الرووف
في مطعم Sky view وتبقى شايف الاسكندرية كلها من فوق
ودلوقتي عاملين الفطار open buffet ب 175L.E من الساعه 7.30 للساعه 11.30
بس وانت فى طريق لفوق هتخش اللوبى وتشوف كل ركن فيه وتتصور مع الحاجات
الاثريه دى كلها !
دة حتى الاسانسير نفسه وهمى
وفى نفس الفندق بس بمدخل منفصل هتلاقى تريانون
لو عايز تقعد جوا في التكييف وسط جمال الديكور الي هيحسسك انك في فيلم قديم .
او لو عايز تقعد برا ويبقا قدامك تمثال سعد زغلول والشارع والبحر بعيد شويه
واحد من اقدم مقاهى الاسكندريه من سنه ١٩٠٥ trianon وهتحس فعلا أنك فى فيلم
أبيض وأسود و ال minimum charge بتاعتهم مش غاليه حدود 60L.E
تخيل لما تدخل المكان وتلاقيه زى ما أتعمل من 115 سنة اللوحات الزيت اللى ع
الحيطان اللى بتوقيع الرسامين الأيطاليين اللى رسموها اللى كأنها مرسومة
دلوقتى مع الخشب اللى بيلمع و الموسيقى الهادية اللى جايه من كل مكان
..وتسأل نفسك هو كام واحد قعد فى المكان دة قبلي ولا جنسياتهم أيه ؟؟
البيانو اللى موجود فى المكان .. من الأماكن اللي اول ما تفتح بابها تحس
انك رجعت 50 سنة لورا وكفاية عليك الاحساس ده. الديكور الخشب، الهدوء
لا انا منزلتش ف الاوتيل انا حجزت فطار اوبن بوفيه ف المطعم فوق ومعاملتهم
حلوه اه أكلهم وحش جدا ميستاهلش اي حاجه حتي ميستاهلش ٥٠ جنيه لينا احنا ال ٣
بس اتصورنا وانبسطنا بالديكور والفيو اللي رايحين عشانه بس بجد معامله
الناس اللي تحت هي اللي قذره وخلتني بقيت قرفانه كل ما بعدي من هناك