رأيكم في دبلومة تعديل السلوك و اخصائي التخاطب

ايه دبلومة اقل من سنة دراسة هتكون غير كافيه واي كلام

شكرا لحضرتك

مبدئيا الله يوفقك. بس يعني هتكلم في حاجة تانية. موضوع ان الدبلوم معتمد من عين شمس او من اي جامعة. و خصوصا اننا بننسمع عن ناس كتير بيتنصب عليها يمن مجال لالكورسات و التدريب و معتمد مش عارف منين و فين .ببساطة بدل حضرتك عايزة التخصص توجهي مباشرة لأي كليةتربية قريبة إسألي عندهم و كده يبقي شهادة معتمدة فعلا و قانونية. نقطة اخيرة مجال التخاطب و تعديل السلوك مجال فيه شغل و خصوصا بعد انتشار التاب و افلام الكارتون العرض مستمر وانا شخصيا بابني مريت بيها. الموضوع بيبقي عايز صبر شديد و طولة بال غير الأطفال العاديين. بالتوفيق

شكرا لحضرتك ..هى الدبلومات دى معتمدة و تابعة للدراسات التكميلة لجامعة عين شمس وفعلا فى جامعة المنصورة وفى كلية تربية الزقازيق نفس الدبلومات .

دبلوما ايه بالظبط و معتمده من مين ؟! . ده كورس او مجموعه كورسات مكثقه اللى عاملها مسميها دبلومه .. لو حضرتك عايز تدرس حاجه علميه معترف بيها اسال فى الجامعه غير كده اسمه نصب

شكرا لحضرتك .. انا ساله فى كذا جامعة ودى معتمدة من الجامعات نفسها سواء عين شمس او المنصورة او الزقازيق