"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
اكرم محمد احمد
27-02-2020 - 07:17 pm
ممكن حد يقولي لو اشتريت شقة عالطوب اي الخطوات بالظبط لغاية متبقي سوبر
لوكس يعني ابدأ اعمل اي الأول وبالترتيب بالظبط


التعليقات (10)
Mostafa Atwa
Mostafa Atwa
النجارة الكهرباء السباكة المحارة السيراميك الدهانات

Osama Sambry
Osama Sambry
أول حاجه يكون معاك فلوس بعدين تبدأ تأسيس سباكه وكهربا مع بعض بعدين تعمل حلوق خشب لو هتعمل ألوميتال ولو مش هتعمل تركب الأبواب والشبابيك بعدين تعمل محاره وجبس بلدي او بورد بعدين تركب السيراميك بعدين تأسس للدهان وتشطبه بعدين تشطب باقي الابواب والشبابيك مع تقفيل باقي الكهرباء والسباكه بس خلاص???

Mohamed Elsayed
Mohamed Elsayed
أولا تخيل لو عايز تنقل شباك توسع حمام مطبخ كده يعني ثانيا عمل الكهرباء _ السباكة بالإضافة إلي مواسير صرف التكيفات في كل الشقة ولو عرفت تعمل مواسير فريون التكييف وتركيب حامل التكييف بعد كده النجارة الحلوق بعد كده المحارة بعد كده حديد علي شباك المطبخ والحمام ويكون متحرك للطوارئ بقفل ولو عندك اوض علي منور ياريت تعمل حديد ملحوظة لازم الحديد يكون معمول ليه شبك سلك زي شبك الالموتال بعد كده سكينة معجون بعد كده السيراميك ياريت تكتر فيش الكهرباء هتنفعك خصوصا في المطبخ آخر حاجة نصيحة أبعد عن الصنايعي القريب خليك في الغريب ومتسبش صنايعي يشتغل لوحده لازم متابعة ولازم تكسر مبلغ مع الصنايعي علشان تضمن أن شغلك هيخلص

Ali Farouk
Ali Farouk
1- حلوق النجاره و المنشر 2- تاسيس الكهربا 3- تاسيس السباكه 4- المحاره 5- السيراميك 6- الحمام و المطبخ 7- الخشب شبابيك و ابواب 8- الدهانات 9- تقفيل الكهربا

Mohamed Elsayed
Mohamed Elsayed
بلاش باب مصفح تكلفة علي الفاضي هات باب خشب كويس وركب عليه باب حديد فورجيه وياريت وانت بتشترى السيراميك تاخد بالك علشان ساعات بيكون في كراتين مكسورة أهم حاجة الكهرباء والسباكة لازم يتعملو صح علشان دول أساس أي شقة بالتوفيق ان شاء الله

Hana El Sharkawy
Hana El Sharkawy
انصح حضرتك نصيحة من متخصص شوف مهندس عنده ضمير و سمعته طيبة و اديله شقته يشطبهالك بلاش تعمل بنفسك فى غلطات علاجها بيكلف الاف خصوصا البنود المدفونة المهندس عنده خبرة يتفادى مشاكل و لو حصلت بيعرف يتعامل و كمان يعرف الاماكن اللى يشترى منها خامات جيدة بخصم اجر مهندس التشطيب بيكون متوسط 15 % اؤكد لك هتشترى بيهم راحة بال ووقت و جودة فى بنود التنفيذ و لف ع المحلات و مشاوير بس باكد تانى مهندس يكون امين و سمعته طيبة دى نصيحة لوجه الله اتمنى تسمعها من مهندسة شافت كتير

Źainab Kamal
Źainab Kamal
١٥٪؜ من اجمالي التشطيب كله تقصدي بالخامات والمصنعيه ؟

Hana El Sharkawy
Hana El Sharkawy
ايوة و ده الاتفاق الدارج فى ناس بتتفق على نسب اقل او اعلى فى ناس بتتفق على مبلغ ثابت و فى الاخر ده سوق عمل يخضع لاتفاق الطرفين

Źainab Kamal
Źainab Kamal
شكرا

Hana El Sharkawy
Hana El Sharkawy
ur wellcome


نوع البن المستخدم في اون ذا رن on the run
ما هي المراكز المتخصصة في اجراء اختبارات الذكاء