تسريب الغاز من السخان

نو رم

نونه رمضان

31-03-2022 - 03:23 am

لازم يكون فى شفاط جوه الحمام ونفتح الشباك

M M

Moshera S. Mahmoud

31-03-2022 - 04:26 am

طيب هل ترك شباك مفتوح في المطبخ كافي لتجنب الحوادث دي ؟

N K

Nanees Kamal

31-03-2022 - 05:31 am

←
Moshera S. Mahmoud

ده سؤال مهم ياريت نلقى إجابه و شكرا

S C

Sandra Claude

31-03-2022 - 06:38 am

لا.. انا كنت بسيب الشباك مفتوح و مع ذلك كنت بحس بدوخه من عادم السخان...
فهو غير كافي لكل الناس و بياثر علي المدي البعيد... ف الحل في سخان غاز
يكون بمدخنه مع اني ما جربتهوش انا جربت االي يدون مدخنه

مح اح

محمد احمد

31-03-2022 - 07:47 am

←
Sandra Claude

المدخنه ضروريه حرق الغازات والوقود ينتج عنه اول اكسيد الكربون بيسبب دوخه
وبعدها هلوسه واغماء ووفاه هادئه ونفس الموضوع لو فيه فحم داخل المنزل (حتى
ولو تم اطفاءه يضل بعدها لبعض الوقت ينتج اول اكسيد الكربون )

S C

Sandra Claude

31-03-2022 - 08:58 am

←
محمد احمد
السخان
ال٦ لتر الصغير بيكون من غير مدخنه

مح اح

محمد احمد

31-03-2022 - 10:11 am

←
Sandra Claude

وعشان كده بيقولوا ميتركبش في حمام او مكان ضيق ابقى افتحي الشباك كويس على طول

N H

Nady Hassan

31-03-2022 - 11:26 am

←
Sandra Claude

١٠ لتر فيه منه بمدخنة

M S

Marwa Sadek

31-03-2022 - 12:43 pm

لازم يكون في هواية ومدخنة فالحمام لانهم ييسربو الغاز المخترق اللي بيخنق
وملوش ريحة البس بيخنق اول اكيد الكربون مش الغاز نفسه

E A

Eman Ataallah

31-03-2022 - 02:02 pm

الناس بتقول غاز غير كامل الاحتراق يعني الغاز اللي بيتسرب بدون احتراق
خالص مالوش ريحة بمعنى لو حصل تسريب من المواسير محدش حيشم
دي مصيبة لو كدا وازاي بيجي ثاني اكيد الكربون هو الغاز بيطلع منه دخان زي
الحطب
الموضوع مش مفهوم

مح اح

محمد احمد

31-03-2022 - 03:23 pm

←
Eman Ataallah

ثاني اكسيد الكربون بيتحس بيه لو كنت في مكان مقفول هتحس بخنقه
اما اول اكسيد الكربون ده من عوادم احتراق اي وقود او فحم وده الاخطر في
سخانات الغاز او استخدام الفحم في البيت
الغاز ده غير محسوس ولو موجود في المكان بشكل زايد بيسبب هلوسه تدهور عقلي
يتبعه راحه للجسم بعدين يتبعه اغماء وموت صامت وعشان كده لازم يكون فيه
مدخنه وتهويه في المكان

M A

Mohamed Ahmed

31-03-2022 - 04:46 pm

هو المفروض أصحاب البيوت يسيبو شباك مفتوح علشان لا قدر الله حصل تسريب
انما الناس بتقفل الشقة كلها ومفيش اي تهوية والأكسجين بيقل طبعا

M H

Maha Hussien

31-03-2022 - 07:38 pm

بيعمل ارتخاء فالعضلات زى ما يكون الشخص متخدر فميقدرش يقوم ينقذ نفسه

M M

Mohamed Moner

31-03-2022 - 09:07 pm

←
Maha Hussien

ده بالفعل
اول اكسيد الكربون
عشان كده لازم يكون السخان والبوتاجاظ كمان سليم والتهوية كويسة اثناء
الاستخدام

S S

Shimo Shimo Said

31-03-2022 - 10:38 pm

ربنا يسترها

G A

Gorina Ahmed

01-04-2022 - 12:11 am

الغاز فالمواسير ملوش ريحه
اللي له ريحه اللي فالانبوبة بس

M M

Mohamed Moner

01-04-2022 - 01:46 am

←
Gorina Ahmed

بتاع المواسير له ريحة حالياً
المشكلة فى السخانات مش فى الغاز نفسه

A D

Asha Dove

01-04-2022 - 03:23 am

سبحان الله
لسه كنت بتناقش الموضوع دا مع الاهل وبقول نفس الكلام

Y G

Yasser Gamgoum

01-04-2022 - 05:02 am

انا اتخنقت قبل كده بيسحب لحد ماينيم الواحد وتتخنق. بس انا خرجت ووقعت بره
بيخلص الأكسجين والهواء فوقني لما طلعت بسرعة والغاز مالوش ريحة خالص
والبخار بيخنق وبيخدر الانسان لحد ما ييتخنق وابني وقع وهو صغير ولحقته
واقع في البانيو لازم الشباك يكون مفتوح شوية والواحد مايطولش اخره 10
دقاءق ربع ساعة بالكتير

مح اح

محمد احمد

01-04-2022 - 06:43 am

←
Yasser Gamgoum

سلامتك و خلي الشباك مفتوح طول وقت الاستحمام

M M

Mohamed Moner

01-04-2022 - 08:26 am

←
Yasser Gamgoum

الوصف ده
اول اكسيد الكربون
السخان فيه مشكلة

R A

Randa Aziz

01-04-2022 - 10:11 am

يعنى كل الحوادث اللى فاتت بسبب سخانات الغاز ولا تسريب من المواسير بتاعة
الغاز أصلا

مح اح

محمد احمد

01-04-2022 - 01:47 pm

السبب تسريب غاز او عدم وجود تهوية او مدخنه في مكان تشغيل السخان او كل
الاسباب مع بعض

وحرق البتروليات بينتج عنه غاز اول اكسيد الكربون وده غاز سام ملوش ريحه
ومبيسببش شعور الاختناق عكس ثاني اكسيد الكربون والواحد لو نايم مش هيحس ان
فيه حاجه غلط ولا اختناق وممكن لو صاحي كمان ميحسش ويهلوس و يغمى عليه
وجسمه يعمل shut down تدريجي

عشان كده في حالة تركيب سخان الغاز لازم تتركب مدخنه ولازم تهوية ولو جزئيه
ويستحسن تركيب انذار غاز في الشقه

M M

Mohamed Moner

01-04-2022 - 03:38 pm

←
محمد احمد

صح كده

B A

Basmet Aml

01-04-2022 - 07:26 pm

لازم يكون المكان اللى فيه سخان الغاز الشباك مفتوح باستمرار والباب مغلق.

يعنى لو السخان فى الحمام نتأكد دائماً من غلق باب الحمام وفتح الشباك وخاصة
عند النوم .

M M

Mohamed Moner

01-04-2022 - 09:23 pm

←
Basmet Aml

مهو الطبيعى يتقفل اصلاً وقت النوم
الخطورة دائماً فى السخان
أثناء الاستحمام
أكتر من أثناء النوم

B A

Basmet Aml

01-04-2022 - 11:22 pm

←
Mohamed Moner
ربنا
يستر ولازم أثناء الإستحمام لو ينفع يبفى الشباك مفتوح بقدر الإمكام

G H

Gamal Hennes

02-04-2022 - 01:23 am

←
Basmet Aml

المفروض يكون له هواية و مدخنة

R G

Rihab A. Ghani

02-04-2022 - 03:26 am

اولا السخان المفروض يتركب في المطبخ مش في الحمام و ثانيا لو اتركب بالغلط
في الحمام لازم شفاط مش اختياري ده اجباري في هذه الحالة.

R B

Remaa Bassem

02-04-2022 - 07:38 am

بكل بساطه مافيش تهويه فى الحمام بتوع الغاز بيكبروا دماغهم احيانا حصل
عندى كده وكنت فعلا هتخنق لازم لازم تهويه والشباك يكون مفتوح كمان مش
تكتفوا بفاتحه الغاز

R A

Reham Ali

02-04-2022 - 11:58 am

اكبر غلط تركيب سخان الغاز فالحمام

M M

Mohamed Moner

02-04-2022 - 04:26 pm

تساؤلاتك ملخبطة
خلينا نرتب الموضوع الأول
١- حاسة الشم بتكون ضعيفة أثناء النوم تقدر تعتبرها مغلقة
الحاسة الوحيدة اللى مش بتنام هى السمع.
٢- تسرب الغاز الخام فى الطبيعى بيتحس
لكن اثناء النوم صعب.
٣- نيجى لجزئية الغاز الغير كامل الاحتراق
وده بينتج غاز اول اكسيد الكربون
وده سام وله تأثير يشبه الشلل او التخدير
يعنى بالفعل الواحد مبيحسش بيه حتى لو صاحى
وده بينتج عن ان البوتاجاز او السخان شعلته مش سليمة
وده طبعا منتشر جداً فى بيوتنا
ومنتشر أكتر فى الحمامات
عارف شعلة البوتاجاز اللى بتهبب الحلة تطلع سواد
هو ده الاحتراق الغير كامل اللى بيطلع أول أكسيد الكربون
اما الاحتراق الكامل بيطلع ثانى أكسيد الكربون
وبتكون النار لونها أزرق عادى
لكن النار الحمراء او السوداء يبقى فيه خطر
ربنا يستر عالجميع

A E

Ayman Samy Abd El-Mageed

02-04-2022 - 09:02 pm

المشكلة ببساطه
غاز اول اكسيد الكربون ناتج الاحتراق بيتحول في وجود الأكسجين بيتحول لثاني
اكسيد الكربون اللي م بيعملش مشكلة
في عدم وجود تهوية التفاعل ده م بيحصلش

M R

Mariana Roshdy

02-04-2022 - 11:23 pm

السخان طالما هيتركب في الحمام لازم مدخنه إجباري وشباك مفتوح وشفاط واي
مشكله صغيره في السخان فني فورا يجي يصلح المشكله
وشركه الغاز مش بتركبه في الحمام بدون مدخنه لازم مدخنه في الحمام ولازم
تهويه جيده
اكتر من ١٥ سنه سخان غاز في الحمام والحمد الله محصلش اي مشكله
والغاز اللي بيسرب من المواسير طبعا ليه ريحه ونفاذه جدا لكن التسريب مع
الاحتراق مختلف مالوش ريحه وناس كتير شرحت الفرق بين الاتنين

B T

Bodi Teto

03-04-2022 - 01:46 am

مش الغاز بس اللي بيخنق بخار الماية بيدخل يترسب في الرئة و بيخنق من غير
ما يحس بيطب ساكت

R A

Reemo Amin

03-04-2022 - 04:11 am

في ناس في حادثه من الحوادث الاخيره دى كانو ماسكين بعض وضعية عاوزين يقومو
يلحقو نفسهم هما أدركو اخيرا بس خلاص مش قادرين يقومو من الغاز كان سبقهم
حتى لو عاوز تقوم تلحق نفسك واهلك ممكن متقدرش اصلا تبقى مشلول مكانك لو
محدش خد باله من بدرى

O M

Omar Mohamed

03-04-2022 - 06:38 am

لا ده حاجة اسمها التسمم بغاز اول اكسيد الكربون عشان الاحتراق غير الكامل
للوقود
وده اشهر سبب للتسمم ف مصر حاليا

فا يس

فاطمة يسرى

03-04-2022 - 09:07 am

←
Omar Mohamed

يعني ايه اللي بيخلى اول اكسيد الكربون يتسرب كتير كده اليومين دول يعني
عيب صناعة ولا ايه

O M

Omar Mohamed

03-04-2022 - 11:38 am

←
فاطمة يسرى

لا احنا بنقفل الشبابيك(ف الشتاء يعني) فبيقل دخول الاكسجين فالاحتراق
بيبقي غير كامل

Y H

Yasmine Hussien

03-04-2022 - 02:11 pm

هو فعلا فى جهاز بيتركب فى السخان بيصفر ساعه تسريب الغاز؟؟؟انا سمعت عن
حاجة زى كده بس مش متاكده

R A

Randa Aziz

03-04-2022 - 04:46 pm

←
Yasmine Hussien

أيوة فيه جهاز بس برا ورخيص

S E

Soha ELnarsh

03-04-2022 - 07:23 pm

ارجعوا لمداخله عملتها لميس الحديدي
مع دكتورة فى الكيمياء
قالت ان ده بسبب ان الغاز لايحترق
احتراق تام فيتولد عنه غاز
أول أوكسيدالكربون
الذى يسبب نوع من الشلل
للمخ وللعضلات يجعل المصاب به
لا يستطيع الحركه مع إحساسه
بأنه فى خطر وده اللى حصل مع اسرة
الشرابيه الله يرحمهم جميعا ويغفر
لهم كل فرد منهم وجدوه فى مكان
من الشقه يعنى حاولوا يتصرفوا
وماعرفوش .
المفروض ينتج عن الاحتراق الكامل
للغاز اللى فى بيوتنا غاز ثانى اوكسيد
الكربون وليس غاز أول اوكسيد الكربون
الذى تسبب فى الوفاه
وهو غاز مالوش ريحه

D M

Doaa Mohamed

03-04-2022 - 10:02 pm

←
Soha ELnarsh

إيه الحادثه دي

S E

Soha ELnarsh

04-04-2022 - 03:26 am

ادخلى على جوجل واكتبى حادثه
الشرابيه

E N

E Ahmed Nasr

04-04-2022 - 06:11 am

وهنشوف ده كتير الفتره الجايه لاننا معندناش ثقافة الصيانه وديه كلها محابس
زي محابس الميه بس محبس الميه لما بيبوظ بيغرقنا فبنغيره لاكن ده المفروض
لما نموت لاننا مش هنلحق نحس انه بيسرب برضو نبقي نغيره والله المستعان
ولما تبلغ الشركه اول سؤال بيسألوه فيه ريحه بتقول لا فمش بيعبروك فلازم كل
اللي يحس بمشكله يقول اه شامين غاز يجو يشوفو المشكله وربنا يستر

فا يس

فاطمة يسرى

04-04-2022 - 08:58 am

←
E Ahmed Nasr
طب
وبالنسبة للعرايس اللي بتكون مركبة سخان جديد وكذا حاله تموت بعد الفرح على
طول ياترى السبب ايه عشان الناس تاخد بالها

N A

Nabil Abo Arab

04-04-2022 - 11:47 am

الموضوع حله سهل جدا الناس تتعود تقفل محبس الغاز قبل ما تنام

تسريب الغاز من السخان

التعليقات (47)

ذات صلة

جديد

القائمة الرئيسية