تحذير من وظائف الواتس والتليجرام وطرق النصب

النصب الالكتروني والاحتيال, الرجاء الحذر
هيكلمك شخص علي الواتس اب من رقم خارجي وان فيه شغل فري لانس و بسيط جدا
تكسب منه فلوس كتير. الشغل عبارة عن تعمل لايك لفيديوهات علي الفيس بوك
وهيتحولك فلوس لكل تاسك وعشان يطمعك هيبعتلك فيديو وتعمل لايك وتبعتله
سكرين شوت وهيحولك الفلوس عشان تتطمن, بعدين هيحولك لشخص علي التليجرام و
الجروب اللي بينزل عليه تاسكات
الشغل وهي عباره عن 21 تاسك في اليوم ولازم تكملهم بالترتيب عشان تعمل فلوس
كتير, كل 4 تاسكات فيه تاسك بتدفعلها فلوس عشان ترجعلك بالكوميشن وبيدخلك
في موقع تداول تابع ليهم عشان تسترد الفلوس وبعدين في التاسك رقم 10 هيقولك
حول مبلغ اكبر عشان المكسب اكبر و جوه التاسك المدفوعه لازم تحول فلوس تاني
وهنا هيكون حاطط شروط قبلها ان لو مكملتش المهمات المطلوبه مش هتسترد فلوسك
الا لما تكمل وتدفع المطلوب وهنا هتخسر كتير لانهم اول مره ممكن يطمنوك و
يبعتوا ليك الفلوس بالمكسب وبعدين تدفع اكتر وتخسر كل ده وعليهم فلوسك.
نزلت بعض الصور مع البوست, برجاء الحذر لان فيه ناس كتير متعرفش طرق النصب
و بعض الناس علي علم بالقصص دي. شكرا
ملحوظة: مش شرط تلاقي الارقام والاشخاص اللي في الصور ممكن يكلموك بارقام و
اشخاص مختلفة.


















+11