تجربتي مع ديورافيت مصر Duravit

Nahed Gamal

13-06-2022 - 05:53 pm

الحقيقه موش عارفه اكتب هنا ولا ايه بس حبيت اعرفكم ان احواض Duravit
الجميله التصميم غير عمليه علي الاطلاق لقد تجرحت بعد استخدام اقل من سنه
وعند الاتصال بالشركه اول حاجه سالت تنظف بسفنجه ناعمه فقط فطلبت المدير
الفني والمواصفات الخاصه بالحوض الصيني اللي كان بيعيش العمر كله وطبعا لم
يرد علي احد وانا قاعده حزينه والله العظيم علي مآلت له الصناعات المصريه
خللي بالكم لاتنخدعوا بالمظاهر

التعليقات (15)

Hana Ibrahim

13-06-2022 - 06:54 pm

لا هو فعلا احواض ديورافيت وزيها برده ايديال ستاندرد بتتنضف باسفنج او
ليفه ناعمه

Nahed Gamal

13-06-2022 - 06:55 pm

Hana Ibrahim

الحقيقه عندي ايديال ستاندر منذ عشرين عام واكثر وبغسلها بالسلك ولا الهوا
حصلها وهي شركه محترمه جدا في الصيانه بتاعتها

Hana Ibrahim

13-06-2022 - 06:56 pm

Nahed Gamal

وانا والله عندي النوعين من زمان بس فعلا بيتنضفو بليفه ناعمه لكن السلك
الخشن للاسف هيبوظه وهيشيل الطبقه الخارجيه اللي بتدي ملمس ناعم

Amir Saied

13-06-2022 - 06:57 pm

حضرتك بتنضفيها بايه؟؟

Hoss Mustafa

13-06-2022 - 06:59 pm

هو احنا رجعنا للخلف من قليل

Mido Mado

13-06-2022 - 07:00 pm

هيا بتتجرح لو نضفتيها بسلك خشن او ناعم ده طبيعي التنظيف بسفنجة ناعمة

Nahed Gamal

13-06-2022 - 07:01 pm

Mido Mado

ده عمره مايكون طبيعي ابدا الاحواض القديمه الصيني كنا بننظفها بسلك وصابون
بودر ولا عمرها اتخربشت حتي
ده معناه ان الطبقه ضعيفه وسمكها اقل من المواصفه

Mido Mado

13-06-2022 - 07:02 pm

Nahed Gamal

صايون عادي انما سلك لأ هيا اصلا مش محتاجة لسلك مجرد سفنجة ناعمة بتنضفها
وفيه حاجات مخصوصة لتنظيف وتلميع الاحواض

Youssef Fouad

13-06-2022 - 07:03 pm

في حاجات تصدير وفي حاجات للسوق المصري
اشتريت سيراميك كليوباترا من المصنع فرزه اولي وطلع في فرق في مقاسات
السيراميك و فهمت ان شبلونه او ستامبة التصدير لما تستهلك تنزل لشغل السوق
المحلي