تجربتي في ترصيص وضبط زوايا نيسان صني

Hisham Swidan

18-08-2017 - 10:55 am

كنت عايز أقول تجربتي في ضبط الزوايا كنت عملت شغل في العفشة ورحت لمركز في الحرفيين قالي محتاجة زرجينه كلمت الصنايعي اللي عملت عنده قالي ما تعملش والعربيه كانت بتحدف شمال بعدها بفترة روحت لحمادة الريس عملت شغل في العفشة وبقي فيها حدفة لليمين بسيطه سألته علي حد بتاع ضبط زوايا مرشحليش حد معين دورت في الجروبات لقيت كذا حد شكر اوي في عمر بدوي في الحي السادس رحتله وطلبت ضبط زوايا قالي محتاجة زرجينه كلمت حمادة الريس قالي فكك من الزرجينه وخليه يضبط علي كدا ضبط وماحستش بأي تغيير والعربيه فيها حدفه و بقالي كام شهر ماشي بيها لحد الاسبوع اللي فات لقيت مركز tz في مدينه نصر عمل عرض غسيل سياره داخلي وخارجي وضبط زوايا وترصيص ب ٥٠ جنيه قلت أروح اغسل العربيه واشوف الترصيص وضبط الزوايا بصراحه الناس رفعوا العربيه علي الجهاز ونزل تحت العربية وقعد يضبط في العربيه لغايه ما ضبطها ورصص الفرد الاماميه وغسل العربيه تقريبا شغل ساعتين جربت العربيه لقيتها ضبطت طب الناس اللي قبل كدا طلبت زرجينه دول ايه

التعليقات (38)

Hisham Azzam

12-10-2017 - 10:55 pm

فعلا انا كنت يوم الثلاثاء بالمركزTZ وتابعت معاهم شكل ظبط الزوايا ومهندس احمد شخصيا ظبطلى الزوايا ونفس اللى اتقال وفعلا حسيت بفرق زغم انى ظبطت زوايا ف اماكن كتير

الاستاذ العبقري

15-10-2017 - 02:07 am

الحاجة الجميلة ان احنا بنعرف الكويس وبنعلم علي الوحش من خلال الجروبات وحتي لو كان الوحش عامل كويس هيبان بس انا يمكن كل يوم بعدي من طريق المشير مخدتش بالي من t z

حماده الريس

17-10-2017 - 06:07 am

واحنا نعمل ايه ياعبقري حد قالك متخدش بالك مانتا لو تسيب ازازة الوسكي اللي دايمآ ماسكها ومبتشربش منها دي هتاخد بالك هههههه

الاستاذ العبقري

21-10-2017 - 04:31 pm

النجم بيبان في كل مكان وطالما مشفتوش يبقي مش نجم يا ريس و العبقري هو. من يصيب الهدف دون ان يراه عملتلك ايه عيونك وانت ريس من غير رياسة وتايه من غير ازازة وعفشجي من غير غلطة

حماده الريس

26-10-2017 - 06:07 am

دكتوراه في الكلام مفيش حد ياخد معاك حق ولا باطل هههههههه

الاستاذ العبقري

30-10-2017 - 10:55 pm

العربية الفراري وصلت ولا لسة يا ريس لو حد عطلك في الجمارك قبا قولي انا نفسي تجيلك بسرعه عشان اخد معاها سلفي و متخفش هبقي اقول للناس ديه مش بتعتي ديه بتاعه الريس جاب فراري