"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Ahmed Abdullah
21-03-2022 - 12:16 am
امبارح حضرتك مؤتمر شركة unicity فيتامينات امريكية في مصر .
لم اسمع عنها من قبل .. طلب الحضور تم من قبل بنت اعرفها معرفة شخصية قالت
انا بثق في حكمك وعايزة اعرف الموضوع ده كويس ولا لا .. كنت رافض في الاول
وقولت لها بلاش لانها قالت انهم بيعتمدوا على التسويق الشبكي وباعولها
الوهم كده فرفضت الموضوع من الاول وبعدين اصرت احضر معاها علشان احكم من
خلال كلامهم .. المهم حضرت معظم الحضور بنات وستات والرجالة الي جاي زي
حالاتي كده عن طريق بنت او ست .. المحاضر والمبيعات والتسويق او المسئول
العربي عن الشركة الام شباب من الاردن اسمهم مالك شهوان و عباده جبريل .. الشاب تاخر نص ساعه عن المؤتمر
قالوا نقوم نصلي منغير ما يوضحوا ان المحاضر متاخر اصلاً .. وبعدين اقعد الاقي مجموعة من الفيتامينات و تركيبات ادوية وقهوة المهم يعني
حاجة كده زي بتاعت الاعشاب ..

قولت للبنت ان دول ناس دارسين نصب باحتراف وبتلعب على حاجات مقنعه بالنسبة للفئة الي بيستهدفوها زيك وغيرك.. ده غير ان المنتجات دي فيتامينات موجودة في افضل الشركات بتكلفة اقل من 1% من الشركة دي..

الطريف اني قمت روحت بيتي وسبت البنت تكمل اكتشف ان البنت اشترت قهوة ماتشا و فيتامينات ب ١٤ الف جنية صدق او لا تصدق .. باعوا لها الوهم وانها هتشتغل معاهم وتحقق ارباح خيالية ...

وهي البنت نفسها لحد اللحظه متخيله ان مفيش نصب ومفيش حد ضحك عليها وفعلا
انا حصلي ايرور في تركيبة عقلي المتواضعه لاني شوفت بنات كتيرة ومعظمهم
متحمسين وكان رحلة مش مهم تدفع ٢٠ الف وتورط صحباتها واهلها في حاجات هوا
لكن انا باصه على رحلة المالديف ..

رأيكم انتوا ايه في الشركة دي يونيسيتي مصر


التعليقات (48)
Hopa Mahdi
Hopa Mahdi
ويرجعو يعيطو لما يضحك عليهم.. والموضوع بيبقى واضح زى الشمس... زى لسه فى
ناس بتعدى على البيوت وتقول على مسابقه من شركه اريال ولسه الناس بتدفعلهم
وينزلو بوستات ويعيطو ... ليه مافيش وعى.. ولا توعية

Fatima Taher
Fatima Taher
سبحان الله اتعرض عليا الموضوع دة ولا دخلو دماغى. بربع جنيه

Sara El Hadidi
Sara El Hadidi
دول بياخدوا كورسات ف النصب ع الناس

Emad Saleh
Emad Saleh
الناس مش عبيطة بس طماعة
الكل بقا فاهم فكرة التسويق الشبكي بس املهم انهم يلحقوا حته في راس الهرم
مش في ديله علشان يقلبوا شوية طمعانين زيهم في شوية فلوس ويخلعوا

Nora Saad
Nora Saad
الطماع فريسة سهلة للنصاب

محمد عادل
محمد عادل
الناس مبقاش عندها تفكير ب ٥ جنيه

Âhmd ÂL-Kêshky
Âhmd ÂL-Kêshky
انا اعرف واحد اتنصب عليه من شركة زى دى مش فاكر اسمها اية بتاعه أدوية
برده المهم اتنصب عليه فى تلاته مليون جنية .. وده فرد واحد بس .. اقسملك
بالله هذا ما حصل .. مع العلم كلنا قلناله ان ده نصب ومع ذلك استمر واتنصب
عليه .. فعلا طول ما المغفل موجود النصاب بخير

Hany Abdallah
Hany Abdallah
Âhmd ÂL-Kêshky

وعمل ايه لما عرف انه نصب؟

Âhmd ÂL-Kêshky
Âhmd ÂL-Kêshky
Hany Abdallah


الناس اختفت ومعرفش يوصل لحد .. كل سنة وانت طيب

Mostafa El Henawy
Mostafa El Henawy
شوف ياستاذ خدها قاعدة ذهبية .اى نصاب امامه ١٠٠ طماع ..ولولا وجود
الطماعين لما وجد النصابين من الاساس .

Kareem Mohamed
Kareem Mohamed
شركة جينيس؟

Mohamed Elhelbawy
Mohamed Elhelbawy
Kareem Mohamed

تعرف عنها ايه الشركة دى لو سمحت ؟؟

Ola Salah Eldin
Ola Salah Eldin
Mohamed Elhelbawy


تسويق شبكي
وهم واستهبال عمري ما ارتحت لهم

Mohamed Elhelbawy
Mohamed Elhelbawy
Ola Salah Eldin

نصاببن برضه يعنى ؟؟

Ola Salah Eldin
Ola Salah Eldin
Mohamed Elhelbawy


يا فندم دول بيشترطوا إننا نشتري منتجات لما يعادل 6000 ج مصري ع الأقل
عشان ناخد الكود ونبدأ نبيع
بنت منهم قالت لى هسلفك واشتغلي
طبعا رفضت وقلت ده تهريج
نظام تسويق شبكى ويطمعوا اللى قدامهم
تحس انك داخل فخ

Kareem Mohamed
Kareem Mohamed
Mohamed Elhelbawy

هي مش تسويق شبكي بالمعني الحرفي بس هي بتخليك تسوق لمنتجات انا شايف ان
سعرها مبالغ فيه ده غير ان مكسبك في زيادة اشتراك الناس مش من بيع المنتجات


الهدوم بتطلع مبقعه
ريحة زفارة في النعناع في الشتاء