اسعار السفر و الطيران على شركة wizz air

الناس اللي لسه مش مصدقة ان اسعار wizz air حقيقية
طيب دي تاني سفرية لدبي علي الطيران ده وهقولكم التكاليف بدقة
التذكرة ذهاب وعودة وبوزن ١٠ كيلو + هاند باج ٧ كيلو في الذهاب
والعودة
وزن ٧ كيلو هاند باج + ١٠ كيلو ترولي + ٣٠ كيلو شنطة كبيرة حوالي ٥٥ دولار يعني
الاجمالي ذهاب وعودة حوالي ٨٠٠ جنيه

تاني حاجه التأشيرة ٣٢٠ درهم يعني ١٥٠٠ جنية

تالت حاجه ال PCR وده في معامل NSA lab ودي معتمدة لشركة wizz air وسعره ٥٥٠
جنيه
رابع حاجه حجز الفندق وده لو انتا مسافر مع مرافق هيكون افضل لأنكم هتعملو
شير للتكلفة مع بعض
ممكن تكلفة الفرد ٤ ايام ١٠٠٠ جنيه في هوستيل او ١٥٠٠ جنيه في فندق نجمه او
نجمتين للفرد في غرفة مزدوجة يعني لازم يبقي معاك مرافق ولو مش معاك مرافق
هتدفع سعر الغرفة كامله حوالي ٢٨٠٠ ل ٣ الاف لكن في الهوستيل التكلفة هتبقي
زي ما هيا عشان بيحاسبك علي السرير ب ١٠٠٠ لل ٤ ليالي تقريبا
طيب الانتقالات من ابوظبي هما هيعملو حركة حلوه عشان الطيران من سوهاج
بينزل في التوقيت المتأخر وبيكون الاتوبيسات من ابوظبي لدبي توقفت ولكن في
شهر ٢ القادم هيغيرو ميعاد الرحله وهتنزل ابوظبي ٥ صباحا وهيكون الاتوبيسات
اشتغلت وسعر التذكرة بتاعت الاتوبيس ٣٠ درهم لدبي او تاخدو مع بعض كارليفت
ب ١٥٠ درهم او ١٦٠ درهم بالكتير لكن التاكسي هياخد مبلغ كبير واوبر برضو
مبلغ كبير
وانتا راجع من الامارات متنساش تعمل PCR بحوالي ٩٠ درهم في معمل مستشفى
adam vital
وحاول تختار فندق جنب محطة مترو عشان مواصلاتك كلها تبقي مترو
وتروح وترجع بالسلامة