جماعه لو سمحتو فيه بنوته مش من القاهره وبتسأل عن كيفيه التنقل من (المعادى _المهندسين _مدينه نصر) الى رمسيس والمنيل ومحطه الزراعه جامعه القاهره
..ايه المواصلات ومدتها قد ايه والاسعار
يعنى تروح من المعادى لرمسيس ازاى وكذلك من المعادى للمنيل ولو من المعادى لمحطه كليه زراعه القاهره تركب ايه
ولو من مدينه نصر لنفس الاماكن تركب ايه
ولو من المهندسين لنفس ذات الاماكن برضة تركب ايه وايه اسهل مواصلات المعادى ولا المهندسين ولا مدينه مصر اسهل؟! بشكل عام
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (9)
هى كلية الزراعة جامعة القاهرة فى الجيزة انما محطة كلية الزراعة دى بتاعتة عين شمس ودى فى شبرا
من المعادى لرمسيس اسهل حاجة المترو هتركب من محطة المعادى وتنزل السادات من المعادى للمهندسين هتركب مترو وتنزل محطة جمال عبد الناصر ( الاسعاف ) وهتلاقى هناك عربيات المهندسين من المعادى للمنيل هتركب مترو وتنزل محطة السيدة زينب وتركب عربيات جيزة او جامعة القاهرة وتقول السواق نزلنى المنيل
مدينة نصر منين ؟ عموما من اى مكان فى مدينة نصر هتلاقى عربيات رمسيس ومن رمسيس هتركب جيزة وتقول السواق نزلنى المنيل او تركب مترو اتجاه حلوان وتنزل السيدة زينب وتركب عربيات الجيزة وتنزل المنيل لكلية الزراعة جامعة القاهرة هتكمل مع عربيات الجيزة للاخر كلية الزراعة عين شمس تركب من رمسيس مترو اتجاه شبرا وتنزل محطة كلية الزراعة
من المهندسين هتركب اى عربية رايحة محطة البحوث ومن هناك هتلاقى عربيات الجيزة ولو عاوزة تروح رمسيس تركب اتجاه شبرا وتنزل رمسيس ولو عاوزه تروح المنيل تنزل عند كلية الهندسة وهناك هتلاقى عربيات مترو السيدة زينب تركبها وتقول للسواق نزلنى المنيل
ازاي اروح مطار القاهرة من المهندسين بالعربية ؟←
اروح المهندسين من موقف العاشر ازاي ؟→