ازاي اروح كوك دور ش هدى شعراوي وسط البلد بالمترو ؟

انزلي محطة محمد نجيب المخرج اللي ف وش القهوة علطول هتاخدي الشارع شمال القهوة وتمشي علطوول الطريق لحد ما توصلي ل مطعم جاد ادخلي الشارع اليمين ال بعد جاد هتلاقي كوك دور

يا اما انزلي محطة السادات مخرج شارع محمد محمود والجامعه الامريكية خليكي على ناصية شارع محمد محمود متدخلهوش لا عدي الطريق وادخلي الشارع اللي بعده علطول هو على ناصيته كنتاكيوافضي ماشية علطول لحد ما تلاقي مطعم فلفلة هتلاقيه ع الجنب اليمين او اسألي عليه ادخلي الشارع اللي بعد فلفلة علطول هو دا شارع هدى شعراوي كملي علطول لحد كوك دور

طب لو عايزة ارجع لوسط البلد العادية أرجع ازاى

يعني ايه وسط البلد العادية؟ وسط البلد متضمنه جزء كبير من اول رمسيس لحد الدقي

Hanan Magdy ولا يهمك ?هتخرجي على اول شارع هدى شعراوي ال هو عند فلفلة ضهرك ل هدى شعراوي تكسري يمين هتبقي عند ميدان طلعت حرب خلي ضهرك للتمثال ووشك ل جروبي وامشي الشارع ال جنب جروبي لحد اخره هتلاقي كوبري امشي جنب الكوبري دا يمين مع اتجاه العربيات 5 دقايق من هناك هتبقي عند دار القضاء او ممكن تختصري كل ده وترجعي اقرب مترو وتروحي محطة الشهداء تبدلي وتنزلي محطة جمال عبدالناصر هتبقي عند دار القضاء اوو تنزلي محطة العتبة مخرج 26 يوليو وامشي في اتجاهه علطول لحد ما توصلي العبد هيبقي على ايدك الشمال

تمام كدا شكراً جداً?

انا شخصيا توهت ف انتي اوصلي واسألي هتلاقيهم بيدلوكي ومتقلقيش وسط البلد اوضتين وصالة ?

اها ?

Hanan Magdy بصي هي سهلة لو عارفه القزاز ال ف وسط البلد برضو اوصليله وادخلي الشارع اللي على يمينه علطول لحد ما تلاقي نفسك ف شارع موازي هو ده هدى شعراوي لو عطلتي ف حاجه ابعتيلي انبوكس هوصفلك وقتها ?