M H
Mohamed Hammad
18-03-2018 - 06:15 pm

بتتعملوا ازاي مع اطفال ADHD ? (هايبر اكتف ) - بيعمل جلسات مع دكتور كل اسبوع جلسات تعديل سلوك


دكاترة مصر

التعليقات (36)

S S
Shaimaa Salah
26-03-2018 - 09:27 pm
الطفل ده محتاج شغل حركى كتير وتغذية علاجية ويبعد عن التليفزيون والأجهزة الألكترونية تماما ..ويزود التركيز بألعاب تنمية المهارات 5
T E
Tefa Elhamy
28-03-2018 - 01:27 am
عندهم طاقه ذياده فرط حركه ولا حاجه تانيه
D G
Dana Gamal
29-03-2018 - 06:15 am
Tefa Elhamy عدم تركيز ممكن يكون مصحوب بفرط حركة أو قلة حركة ADHD أو ADD
T E
Tefa Elhamy
30-03-2018 - 11:51 am
طب لو لعب رياضه سباحه مثلا او اي لعبه و تم عمل جدول تمرين مع جدول مذاكره
D G
Dana Gamal
31-03-2018 - 06:15 pm
Tefa Elhamy هو طبعا جميل لكن هي بتكون كيماويات للمخ بتحتاج دوا
D G
Dana Gamal
02-04-2018 - 01:27 am
و ياريت نقرأ عن المرض نفسه على النت علشان منعنفش الأطفال على عدم قدرتها على التركيز لو انهم بيقوموا من على المذاكرة أو مش قادرين يكملوا في تدريب معين
T E
Tefa Elhamy
03-04-2018 - 09:27 am
يبقي يفضل تدخل طبيب ؟
M I
Mohamed Ibrahem
04-04-2018 - 06:15 pm
اولا الغي التليفون والتليفزيون لفترات طويلة وفي دوا للموضوع دوا بس يروح لدكتور متخصص في سلوك الاطفال 3
M H
Mohamed Hammad
06-04-2018 - 03:51 am
Mohamed Ibrahem انا بوديه لدكتور فعلا وبيعمل جلسات تعديل سلوك
M I
Mohamed Ibrahem
07-04-2018 - 02:15 pm
طيب ده هيفيده انا ابني بياخد.دوا للموضوع ده
L S
Laila Salah
09-04-2018 - 01:27 am
الدوا بيهمد جداا اعتقد الجلسات ممكن تظبط الموضوع من الصغر استشير دكتور تاني
M I
Mohamed Ibrahem
10-04-2018 - 01:27 pm
هو بيهمد فعلا بس هو لازم يتاخد عشان يزود التركيز
M A
Mohamed Abdelhady
12-04-2018 - 02:15 am
بص معرفش افيدك قوى بس كنت قريت عن مايكل فيلبس أن والدته لاعبته سباحة علشان تسيطر على الطاقة الزائدة اللى عنده بس الاكيد لازم تبعده عن الأجهزة الإلكترونية
T E
Tefa Elhamy
13-04-2018 - 03:51 pm
في زمنا ده قليل الي يودي ابنه سباحه او تمرين في الدراسه
M A
Mohamed Abdelhady
15-04-2018 - 06:15 am
عندك حق بس التجربة تستحق التفكير فيها خاصة أنها خلقت بطل اوليمبى تاريخى
T E
Tefa Elhamy
16-04-2018 - 09:27 pm
الرياضه طبعا هتطلع اي طاقه سلبيه و هتساعد علي التركيز بسبب تنشيط الدوره الدمويه
D G
Dana Gamal
18-04-2018 - 01:27 pm
انا كبيرة و لسة مكتشفاه😂 دكتور في أدوية كتير الحمد لله.. و لو مفيش حاليا دكتور في دوا اسمه efamol brain شراب للتركيز عموما اختي الصغيرة أخذته وقاية هو غالي بس حلو ما شاء الله
A B
Amira Breqa
21-04-2018 - 11:51 pm
ده حاجة طبيعية يعنى و لا دوا
أح حس
أحمد حسن
23-04-2018 - 06:15 pm
بنوديه لدكتور يشخص حالته مظبوط
M H
Mohamed Hammad
25-04-2018 - 01:27 pm
أحمد حسن انا بوديه فعلا
أح حس
أحمد حسن
27-04-2018 - 09:27 am
ربنا يخليه ليكم ويحفظه ويفرحكم بيه يارب
E M
Esraa Mohamed
01-05-2018 - 03:51 am
دكتور نفسية أطفال كويس يفيدك جداً
N E
Neven Elaraby
03-05-2018 - 02:15 am
كلفيه بمهام كتير. يكون فيها ليدر
A A
Abubakr Ali
05-05-2018 - 01:27 am
سباحه هي الحل الامثل
Y G
Yasmine Gh
07-05-2018 - 01:27 am
روح لدكتور مخ واعصاب او نفسية هيديلو دوا ويديلك تعليمات فالتعامل معاه واوعى تعاقبه وتعتبر تصرفاته شقاوة ولو فمدرسة نبه على مدرسينه
A F
Ahmed Fawzy
13-05-2018 - 06:15 am
الشق المرضى وده بتسيطر عليه بالادوية رغم اثارها الخطيرة اما الشق السلوكى فده هو المشكلة ....لانه محتاج بيئة منظمة جداااا ورعاية مستمرة طول الوقت ...اشطر واحد فى المجال ده الدكتور احمد عبد الخالق هتلاقى له قناة على اليوتيوب ....انا عندى ابنى نفس المشكلة مع الرياضة والتدريب بيتحسن لكن قلة المراكز المتخصصة وتكلفتها الجبارة هى المشكلة
A M
Amira Mahmoud
15-05-2018 - 09:27 am
اشتراك في اي نشاط رياضي، لو السن صغير الجمباز بيساعد علي التركيز و دي نصيحة دكتور لحالة مماثلة.
R B
Rasha Bedda
19-05-2018 - 06:15 pm
Enrichment Community دى صفحه لمركز به متخصصين يعملوا بمعاير دوليه و الصفحهً عليها معلومات كتير جدا
A E
Assia Ahmed Elkholy
21-05-2018 - 11:51 pm
خليه يحس بحبك و اهتمامك
S F
Shaimaa Farid
24-05-2018 - 06:15 am
لازم يلعب رياضه.
B I
Bella Ibrahem
28-05-2018 - 09:27 pm
أولاً الأطفال دى بتبقى فى منتهى الذكاء لكن للأسف فى ناس كتير ماتعرفش المرض ده فالبتالي بتجهل إزاى تتعامل معاهم وبالذات فى المدارس بتعتنا ماعندهمش أدنى فكرة إبن أختى كده وأخد وقت كبير على ما إتشخص أكتر حد بيقدر يساعده هما الأم والأب ياريت تقروا كتير فى الموضوع ده وأهم حاجة تبعدوا عنه السكريات والشبسيات والحاجات المعلبة والمحفوظة ومصنعات اللحوم ومهم طبعاً يشعر إن أنتم بتحبوه ومتقبلينه كده ولا داعى للمقارنة بينه وبين أى طفل حتى لو أخوه وهو على سن ١٢ سنه ويمكن قبل كده هيبقى عادى خالص ونشاطة هيبقى طبيعى وتركيزة هيزيد وربنا معاكم ان شاء الله لأنها حاجة مرهقة
R H
Rabab Helmy
31-05-2018 - 06:15 am
لازم نظام اكل معين مع تعديل سلوك
M H
Mohamed Hammad
02-06-2018 - 03:51 pm
محبتش اثقل عليكم في في POST عشان القراءه ، بس ممكن اكتب تفاصيل هنا ، ابني عندوا ٥ ونص اكتشفت ان هايبر اكتف من وهو عندوا ٣ سنين من كميه شقاويه والمودي اللي هو بيكون فيه من عصبيه مره وتقليب المزاج وهو كمان اندفاعي مش بياخد فرصه لنفسه ودرمغه في الارض انامش مشتكي اللي بيحصل لان كمان انا طلعت ADHD وضغط دم كمان عالي ، بنودي لدكتور وكنت خايف يكون عندوا كهرباء زياده وحمدالله طلع adhd بس ، ان بكتب البوست لان تقريبا كل شهرين في حضانه لان بيكسر حاجه وشقاوه اندفاعيه جدا ، جبتلوا قطه في بيت قطه بقت هايبر منوا 😁 للاسف ، للاسف اوقات بوصل مرحله من انفعال عليه غصب عني من زعيق وكده ، وربنا يخليه لينا بس فعلا احنا بنوصل للانهيار من موضوع ده وبياخد دواء فعلا بس مش بقدر احرموا من شكولاته وهو كمان بيعشقها وبموت في حلاوه طحينيه ، انا كتبت البوست ده عشان عايز اعرف من تجاربكوا سابقه بزياده نصايح وتعليمات دكتوره ابني ، واشكركوا جدا علي نصايحكم ورفع معنواتي ،،، 2
H M
Hanan Moawad
05-06-2018 - 02:15 am
أولا بلاش أدوية إلا لو الحالة صعبة جداً...الأطفال الهايبر أكتف لازم دايما نشغل وقتهم بأنشطة كتيرة ومتنوعة تناسب نشاطهم الحركي... مساعدة في شغل البيت بيحبوها جداً.. يمسكوا المكنسة ويجربوا يكنسوا.. يغسلوا الأطباق يروقوا الشقة.. ويفرشوا السفرة.. وعلى فكرة هما متعاونين بس لازم النشاط يتحط في إطار من المرح... ومعظمهم بيكونوا موهوبين في الفنون والرياضة.. لازم نجرب كذا نشاط لغاية ما يلاقوا نفسهم ونتفرج على الإبداع.. لازم يخرجوا ويخرجوا طاقتهم..بلاش أدوية إلا لو الحالة صعبة جداً. ألعاب كتير ذكاء وتشغل الوقت ومشاركة الوالدين معاهم بتكون فعالة أكتر.. أديهم ساعة من وقتك هتفرق معاهم... بلاش أدوية إلا لو الحالة صعبة جداً... المذاكرة ما تتوقعوش درجات عالية وكده ومستواهم الدراسي متوسط.. وطبعاً الحمد لله... المذاكرة لازم تكون في إطار هاديء وبعيدا عن العصبية ويكون فيه أحتواء وتفهم لامكانات الطفل..بلاش أدوية إلا لو الحالة صعبة جداً... الأطفال دول هما اللي بيشيلوا ابهاتهم وامهاتهم لما بيكبروا.. بس لازم أحتواائهم وتفهمهم وبلاش عصبية في معاملتهم.. الحب والحنان بيحسن حالتهم كتيييير...بلاش أدوية إلا لو الحالة صعبة جداً 3
B I
Bella Ibrahem
07-06-2018 - 01:27 pm
إستعينوا بالله هى فعلاً تجربة صعبة ومرهقة للأب والأم وبالذات لما يكونوا صغيرين وفى بداية حياتهم ياريت لو فى جد وجده خالات عمات يساعدوا شوية ميبقاش الحمل كله على الوالدين أنا ساهمت بشكل كبير فى رعاية ابن أختى وانا وهو أصحاب
D M
Dalia Mahmoud
10-06-2018 - 01:27 am
احب ألفت انتباهك لنقطة مهمة .. احيانا بيكون الطفل طبيعي والطبيب بيشخص الحالة ADHD عشان يضمن زبون .. الافضل العرض على اكثر من طبيب والتأكد تماما من الحالة ..حرام انه ياخد دواء زي دا وهو مش محتاجه 2

ذات صلة

جديد

|