Y Abdullah
27-02-2020 - 02:16 pm

من فضلكم سؤال للي بيربوا كلاب: هل الكلب ليه ريحة خصوصا لما يبقى في البيت خصوصا لو بيطلع على السراير ويقعد على الكنب.. هل الكلب لما بيعمل تواليت بيفضل فيه ريحة الفضلات؟ يعني القطط بتنضف نفسها طول الوقت لكن الكلب لأ... فريحة الفضلات خصوصا الكلاب اللي شعرها غزير بتروح ريحتها ازاي وازاي ما تلزقش في شعرها؟ هل لعاب الكلاب ليه ريحة خصوصا لما يلحس أصحابه؟ معلش طولت عليكم..... بس محتاجة اعرف إجابات الأسئلة دي من أصحاب الخبرة.. شكرا


تريند

التعليقات (57)

Mohamed Stl Baad
Mohamed Stl Baad
27-02-2020 - 05:25 pm

هو انتي فعلا بتسألي على اللعاب والريحه وكأنه هينام على سريركم! جربتي تسالي عن حكم تربية الكلاب وكل ما يصدر منه؟
Y Abdullah
Y Abdullah
27-02-2020 - 06:32 pm

جربت يا فندم..... طبعا ده اساسي... اما عن سؤالي عن وجود الكلب على السرير ده حسب تعامل كل واحد مع الحيوان الاليف..... انا عايزه اتأكد من خصائص الكلاب لاني عمري ما قربت منها للدرجة دي...
Mohamed Stl Baad
Mohamed Stl Baad
27-02-2020 - 07:41 pm

بصي يا فندم احنا هنا بصدد نقطة واضحة جدا ورد فيها دليل من السنه باحاديث صحيحه أخرجها البخاري ومسلم واجمع عليها العلماء.. مش بصدد أمر حادث ولا بدعه علشان نتفق ونختلف عليها ونستنى أراء وتفسيرات وتحليلات.. التحايل على الدين بقى ظاهره منتشره جدا الايام دي بس للأسف مبتنفعش ف الامور اللي زي دي.. أنا اراهنك انك لم تسألي فقيه واحد ف الموضوع ده أنا مجرد طالب ف الأزهر ومش دارس غير أساسيات علوم الفقه والشريعه واقدر اثبتلك بالبرهان والدليل ان تربية الكلب كحيوان أليف حرام شرعا إلا للضروره العينه وبشروط معينه.. لو كنتي فعلا جربتي أو سألتي ف الأمر مكنتيش هتسألي سؤالك ده
Ehab Hussin
Ehab Hussin
27-02-2020 - 08:52 pm

كلب نوعه اي ؟ لولو ؟
Y Abdullah
Y Abdullah
27-02-2020 - 10:05 pm

لسه مش عارفة.... باسأل الأول علشان اعرف
Ehab Hussin
Ehab Hussin
27-02-2020 - 11:20 pm

مش كل الكلاب بتعمل ريحه بس الكلاب الصغيره ريحه نفسها مس حلوه عن تجربه بعض انواع الكلاب
Dr-Mohamed Ali
Dr-Mohamed Ali
28-02-2020 - 12:37 am

قبل كده سألت وعرفت انه حرام تربيته في البيت ، هي نجاسة بغض النظر عن الريحة
Y Abdullah
Y Abdullah
28-02-2020 - 01:56 am

انا سألت في دار الإفتاء وقالوا لي أن في أراء... بس انا اصلا محتاجة له للحراسة بشكل اساسي وده مافيهوش اختلاف...
Marber Amoori
Marber Amoori
28-02-2020 - 03:17 am

اراء ده في دار الافتاء ?? ده الاحاديث رواه بخاري ومسلم
Ahmed Daly
Ahmed Daly
28-02-2020 - 04:40 am

مع احترامي للجميع .. مفيش حد بيربي كلاب هيشم ريحتهم ابدا .. انا بعاني من ريحة الكلاب ف العمارة .. وجيراننا بيحلفوا بنضافتهم واهتمامهم بيه.. كل م اركب الاسانسير اعرف انهم استعملوا الاسانسير من ريحة الكلاب. واي مكان بروحه بعرف لو فيه كلاب من الريحة بردو .. هما ليهم ريحة معينة سبحان الله..
Masr Qassem
Masr Qassem
28-02-2020 - 06:05 am

مفيش اي ريحه... و بينام جنبنا على السرير.. بيعمل حمام في مكان مخصص في البلكونه و بيتنضف علطول ( مشمع عليه طوب معين للكلاب) و بيستحمي و زي الفل.... ده هديه من رب العالمين
Sarah L Sherbini
Sarah L Sherbini
28-02-2020 - 07:32 am

تنبيه من الادمن للناس اللي متعرفش ممنوع الاجابه علي غير محتوي البوست و احترام اسئله الغير من دون تهجم و سخريه و بلاش تعليقات من نوع يع و قرف و الكلام دا اختاروا الكلام و كائنه بيتوجه ليكم
Hossam Hussien
Hossam Hussien
28-02-2020 - 09:01 am

باختصار، لا
Rana A. Hussain
Rana A. Hussain
28-02-2020 - 10:32 am

على حسب نوع الكلب
Maha Wagdy
Maha Wagdy
28-02-2020 - 12:05 pm

بالنسبة للجيرمن شيبرد..... ايوة ليهم ريحه بصرف النظر عن النضافه ولو شعر طويل هتكرهي نفسك من كمية الشعر في كل مكان ولا يمكن السيطره عليها مهما حاولت وطبعا ممكن تتخيلي موضوع الحمام هيبقى ازاي الخلاصه مينفعش كلب جوه البيت.... لازم إقامته في بلكونه او مكان منفصل ويبقى دخوله البيت بعض الوقت للعب مش التعايش
خالد سلطان
خالد سلطان
28-02-2020 - 01:40 pm

فضلاً عن ذلك ( نجاسة الكلب نجاسة مغلظة ) أكرر تقديري العظيم لكم. أكرر نحسن إليهم و لكل الحيوانات ، و لا نربيه لغير الحراسة أو الصيد.
Engy Hussain
Engy Hussain
28-02-2020 - 03:17 pm

لو مهتمش بنظافة الكلب هيبقى له رائحة طبعا و على فكرة موضوع الرائحة ده تعود ، فممكن حضرتك ماتاخدش بالك لكن لو جه حد من بره هيلاحظ الخلاصة لازم تهتم جدا بنظافتهم و تقرا كتير عن احتياجاتهم قبل اقتناءه
اشتقت امي
اشتقت امي
28-02-2020 - 04:56 pm

الكلب ليه ريحه ايوة وكل الحيوانات عموما ليها ريحه البريه باختلافهم بس في حاجات بتتباع عشان ترشيها عليهم متعملش ريحه بس باقي الاسئله نو كومنت
Shery Nazeh
Shery Nazeh
28-02-2020 - 06:37 pm

بينضفوا نفسهم و لعابهم ملوش ريحة بس شعرهم بيقع و لو شعره غزير مش بينشف بسهولة ف الشتا بعد الاستحمام بياخد شوية وقت
Nagat Hesham
Nagat Hesham
28-02-2020 - 08:20 pm

آه هما ليهم ريحة و ريحة صعبة بصراحة بس اللي بيربي الكلب بيتعود عليها
Yasmine Mohsen
Yasmine Mohsen
28-02-2020 - 10:05 pm

باختصار اي كلب ليه ريحه عن تجربة
Maryam Singer
Maryam Singer
28-02-2020 - 11:52 pm

رد ياابنى
Hanane Matar
Hanane Matar
29-02-2020 - 01:41 am

اللي يرد علي السؤال صح مش اللي بيربي لانه بيتعود على الريحة ومبيشمهاش انما اللي جاي من بره بيشم ريحة الكلب في البيت انا شخصيا شميتها في كل البيوت اللي دخلتها فيها كلاب مهما كان البيت نضيف
أحمد الخير
أحمد الخير
29-02-2020 - 05:25 am

سبحان الله. نسأل الشرع أولا.
Sally Afifi
Sally Afifi
29-02-2020 - 07:20 am

متابعه لاني محتاجه كلب حراسه بس عندي مكانين فوق في السطوح عندي غرفه وفي الجراج عندي مكانوممكن السلم لان العماره بتاعتنا فممكن حد ينصحني بنوع كلب حراسه نضيف واجيبه صغير ولا اجيبه مدرب
Shosho Mohamed
Shosho Mohamed
29-02-2020 - 09:17 am

مفيش ريحه خالص
AhmEd Citrooh
AhmEd Citrooh
29-02-2020 - 11:16 am

بلاش حوار اللحس ده عشان كان في خبر في امريكا واحد جاله شلل بسبب بكتيريا في لعاب كلبه مع انه بقاله فوق ال ٢٠ سنة بيربي كلاب
Mohamed Abd Elhameed
Mohamed Abd Elhameed
29-02-2020 - 01:17 pm

اي حيوان في البيت بيسيب ريحه .. حتى القطط
Hala Mahmoud
Hala Mahmoud
29-02-2020 - 03:20 pm

لا والله ..قطتى مفيش ريحه خالص...تصدق ..رغم انى لقيتها فى الشارع..بس والله ماشاء الله
Lili Oudi
Lili Oudi
29-02-2020 - 05:25 pm

ايوه كل الحيوانات الي بتتربي داخل البيت لها ريحه و خاصه الاحجام الكبيره زي الكلب و الماعز و خلافه و فضلاته صعب تروح ريحتها حتي بعد النضافه
Rasha Nabil
Rasha Nabil
29-02-2020 - 07:32 pm

نعم الكلاب ليهم ريحة داخل المنزل ، القطط بتنظف نفسها صبح وليل وبعد الأكل ، الريحة بتاعة القطط مصدرها الليتر بوكس
Wafaa Magdy
Wafaa Magdy
29-02-2020 - 09:41 pm

كان في جار لينا عنده كلب بجد كان مخلي ريحه الدور كله بشعه
Nagla Khafaga
Nagla Khafaga
29-02-2020 - 11:52 pm

انا بصراحه بحب الحيوانات جدا و كلاب المنطقة كلهم اصحابي، لكن ما استحملش يعيشوا معايا في البيت ، لا حيوانات ولا عصافير ولا اي كائنات حية.
Maioshka Mostafa
Maioshka Mostafa
01-03-2020 - 02:05 am

وكمان ريحة النفس بتاعهم بتكون وحشة لما بيكبروا في السن
Amany Mohamed
Amany Mohamed
01-03-2020 - 04:20 am

احنا كان عندنا جار عنده كلبين كان مطفش العمارة كلها من الصوت و الريحة و تشوفي المكان تلاقيه نضيف جداااا بس ريحته صعبة جدااااا جداااا..
Shosho Sayed Sleem
Shosho Sayed Sleem
01-03-2020 - 06:37 am

ريحته صعبه انا كان عندى مربيهم فى جنينه اطللع بعدها لازم استحمى كويس من ريحتهم برفانات كتير
Abd Elgalil
Abd Elgalil
01-03-2020 - 08:56 am

في غده بتشيليها عند دكتور بيطيري كل ٦ شهور مع حمام اسبوعي .. هتبقي ريحته انضف من بعض البني آدمين اللي بتقابليهم في حياتك العاديه
Abd Elgalil
Abd Elgalil
01-03-2020 - 11:17 am

مش عارف اللي بتضحك دى بتضحك ليه .. بس ماعلينا الغده ده بيشيلها الدكتور البيطري من مؤخرة الكلب وبتشيل الريحه المنفره للكلب وتحميه مره في الأسبوع وسيبك من اي هري تاي انا ربيت دوبر مان وبلاك جاك وجيرمان شيبر
Nana Gamal
Nana Gamal
01-03-2020 - 01:40 pm

بالظبط ..موضوع الريحة مش قاتل كدة لو كلب واحد اصله مش شلتر.بس فى الشتاء بلاش حموم كل اسبوع هو dryshampooو wipesلان الحموم فى الشتاء بالذات فى الجو ده غلط
Abd Elgalil
Abd Elgalil
01-03-2020 - 04:05 pm

أنا كنت بحميه أيام الجمعه في الظهر بعد الصلاه ..بيبقي ووقت مناسب .. وبالخرطوم ومن غير دراي شامبو ولا تكاليف بكيس شامبو من ابو نص جنيه وكان بينبسط
Nana Gamal
Nana Gamal
01-03-2020 - 06:32 pm

لو فى شمس والدنيا دفا تمام..لا اقصد لو حد مصمم يحميه فى الشتاء كتير
Abd Elgalil
Abd Elgalil
01-03-2020 - 09:01 pm

كلام سليم ...
Aly Lotayef
Aly Lotayef
01-03-2020 - 11:32 pm

ده اللي بيسبب ريحة للكلب مع ريحةعرقه.. أنسب حاجة صابونة الغسيل نابلسي شاهين اللي بزيت الزيتون مرة واحدة في الشهر في الشتا ومرة في الأسبوع في الصيف....
Aly Lotayef
Aly Lotayef
02-03-2020 - 02:05 am

نوعية الأكل كمان مؤثر في الريحة
كريم كيمو
كريم كيمو
02-03-2020 - 04:40 am

ريحه وحشه جدا جدا جدا جدا حتى لو حمتيه ع طول وعطرتي البيت وحطبتي بخور ونظفتي اول بأول مكانه الريحه صعبه جدا
Mohamed Hamza
Mohamed Hamza
02-03-2020 - 07:17 am

لعاب الكلب كدا خطير ومايقلش خطر عن العضه اللي بتنقل نفس البكتيريا .. دا غير ان الدين بيقول ماتربوش كلاب غير للحراسه والصيد فقط لانه لا يدخل الملائكه بيت فيه كلب او صوره
Manal Nozhy
Manal Nozhy
02-03-2020 - 09:56 am

بصي اجمل حاجه في الدنيا هي تربيه الكلاب
Mokhtar Ahmed Harraz
Mokhtar Ahmed Harraz
02-03-2020 - 12:37 pm

انا اعتقد ان تربية الحيوانات عامة والتعلق بيهم بيبقي قصور او في نقص معين او مفتقد حاجة في حياته او شخصيته فبعوضها او بتعوضها في كلب او قطة. انا مثلا باحب الحيوانات جدا بس اخرهم في حديقة الحيوان اتفرج عليهم وارمي اكل لقطة مثلا
Ahmed Abdelkarim
Ahmed Abdelkarim
02-03-2020 - 03:20 pm

الكلاب ليها ريحة سيئة مش واضحة اوي ولكن مش بتروح يعني تكون محمي الكلب بشامبو و انت بتنشفه تشم نفس الريحة
Dina Allam
Dina Allam
02-03-2020 - 06:05 pm

ايوه ليها ريحة
Amira Abuelhasan
Amira Abuelhasan
02-03-2020 - 11:41 pm

ده منظف ومعطر معمول للبيوت اللي فيها حيوانات .. صناعة بولندية .. سعره ٣٠ جنيه في الهايبرات .. بيتحط على مية مسح الأرضيات وممكن كمان يترش في الجو كده بالاسبراي .. بيضيع أي ريحة تماما.
Yasser Abdelkawy
Yasser Abdelkawy
03-03-2020 - 02:32 am

أيوه ليها ريحه، غالبا شبه ريحة تحميص السوداني :-)
Engy Nadeem Nadeem
Engy Nadeem Nadeem
03-03-2020 - 05:25 am

اه طبعا ليها ريحه يعني حتى لو مش ريحه الفضلات فهو شخصيا ليه ريحه مش حلوه انو يقعد عالسرير مثلا ولا الكنبه
Ronze Ben
Ronze Ben
03-03-2020 - 08:20 am

ريحتها زفرة جدا جدا جدا مش عارفة ازاى مستحملينها كانت عند مامت صحبتى بقيت اكرة ازورها وكانت جولدن نوعها
Amany Essam Nour
Amany Essam Nour
03-03-2020 - 02:16 pm

في ناس كاتبه هري فظيع جدا انا كان عندي كلاب حوا شقتي وعمر ما طلع ريحه للشقة والكلاب زي الفل ...نضف بيتك على طول و حمي الكلاب بشامبو بيتادين وبعدها شامبو جونسون للأطفال واهتم لأسنانهم لا هيطلع ريحه لبيتك ولا ليهم ...معلش النظافة سلوك شخصي
Lili Oudi
Lili Oudi
03-03-2020 - 05:17 pm

اقولكم علي المصيبه كمان معظم الكلاب الماركات بعد ما بتعمل حمام في الليتر بوكس بتضف نفسها ازاي مش زي القطط طبعا بيعملوا ايه بيفضلوا يمسحوا فضلاتهم في سجاده البيت او ملايه السرير او مفارش السفره علشان ينضفوا نفسهم و من هنا البيت كله ريحته تتقلب
Toaa Ahmed
Toaa Ahmed
03-03-2020 - 08:20 pm

الحقيقة لهم رايحة بالذات بعد متحميهم لكن الموضوع يستاهل
|