Nehal Hassan
19-01-2018 - 03:32 am

مساء الخير عايزه دكتور او مركز تعديل سلوك كويس (بس يكون عن تجربه ) لبنوته عندها 11 سنه بتتعرض لتنمر و سؤء معامله من زملائها فى المدرسه باستمرار و الامر مؤثر جدا على مستواها الدراسى فى نطاق المقطم او التجمع الخامس او مصر الجديده او مدينه نصر تعديل البنت شخصيتها خجوله جدا و دموعها قريبه و كل الدعم اللى بدهولها انا و باباها بيذهب إدراج الرياح مع سلبيه المدرسه


دكاترة مصر

التعليقات (17)

Mimi Heggi
Mimi Heggi
30-01-2018 - 09:08 pm

حاولى تحلى الموضوع فى المدرسه و نوطيلهم كل شويه و لو حكمت غيري المدرسه بالنسبه للدكتور فى المركز القومى للبحوث اطباء نفسيين تخصص اطفال ممكن تسألى هناك
Lev Medgard
Lev Medgard
01-02-2018 - 03:32 am

البنت مش محتاجة تعديل سلوك، اللي بيتنمر عليه همه اللي عايزين تعديل سلوك علي فكرة 3
Nehal Hassan
Nehal Hassan
02-02-2018 - 10:44 am

الولاد اللى بيعملوا كده بيتجمعوا عليها و بيقولوا لبعض انها بتقعد تعيط فتعالوا نضايقها انا عايزها تعرف تتصرف مش بس تعيط و المدرسه سلبيه جدا و شايفه ان البنت هى اللى غلطانه طالما ان فى ولاد و بنات كتير بيتخانقوا معاها و هى بدء سلوكها يتغير و يأثر على مستواها الدراسى
Lev Medgard
Lev Medgard
03-02-2018 - 06:44 pm

معلش بردو ده اسمه لوم الضحية بنتك محتاجة دعم نفسي جامد منك ليها في البيت، و المدرسة لازم تعمل حاجة! مش ممكن البنت تفضل كده و محدش بيعمل حاجة! البنت محتاجة دعم نفسي مش تعديل سلوك!
Nehal Hassan
Nehal Hassan
05-02-2018 - 03:32 am

انا بحاول بس المدرسه سلبيه و بتعاقب الضحيه بمنطق اضرب المربوط يخاف السايب و البنت بدات تستخدم اساليب المتنمرين عليها و بدء صوتها يعلى و تدخل فى نوبات اكتئاب و كل الدعم اللى بعمله تاثيره بيروح فى المدرسه من كميه الاحباط و الغل اللى بتشوفها
Nehal Hassan
Nehal Hassan
06-02-2018 - 01:08 pm

انا محتاجه حد متخصص يساعدنى و يعرفنى اذا كان طريقتى صح و لا محتاجه اتعامل معاها بشكل مختلف
Soha Farahat
Soha Farahat
07-02-2018 - 11:32 pm

بصى اقعدى اتكلمى معاها كتير و اسمعى منها و من الحكاوى بتاعتها هتكتشفى ايه الغلط فى تصرفها معاهم ، و مش قصدى انها غلطانة انا قصدى انها ممكن تكون بتتصرف بشكل معين بيخلوهم بتعاملوا معاها كده و ده برضه مش معناه انها عيوب فى شخصيتها بس هى مش عارفة تتعامل معاهم صح هى برضه محتاجة منك دعم نفسى زى ما بيقولوا و محتاجة تثق فى نفسها اكتر و ده محتاج منك مجهود انتى و بابا و حاولى تخلى لها انشطة فيها اندماج مع الناس اكتر علشان تعرف تتعامل مع كل الانماط كلامى ده عن تجربة شخصية و ربنا معاكى
Eman Ghanem
Eman Ghanem
17-02-2018 - 06:44 am

فيه برامج وفيديوهات كتير على النت ممكن تساعدك... انت ممكن ماتحتاجيش لاى استشارة خارجية
Amr Elrefaay
Amr Elrefaay
20-02-2018 - 03:32 pm

علميها ازاي تدافع عن نفسها غالبا المتنمر بينقي الشخص اللي مش بياخد رد فعل لو اخدت رد فعل مره هيجيب نتيجه هتاخد ثقه في نفسها 2
Nehal Hassan
Nehal Hassan
22-02-2018 - 09:08 am

لما بتعمل كده بتتعاقب و البنات اللى بتضايقها بتقولها هم بيعاقبوكى علشان احنا كلنا ما بنحبكيش و بنتخانق معاكى فالمدرسه عرفت انك انتى اللى بتعملى مشاكل و بيعاقبوكى و يضحكوا عليها
Amr Elrefaay
Amr Elrefaay
24-02-2018 - 03:32 am

لازم تتواصلي مع المدرسه
Nehal Hassan
Nehal Hassan
25-02-2018 - 10:44 pm

تواصلت والنتيجة زيرو انا عايزه البنت تعرف تتصرف و تتعلم تتعامل ازاى لأن هو ده العلاج الوحيد .... المدارس كلها ما بقتش بتربى
Amr Elrefaay
Amr Elrefaay
27-02-2018 - 06:44 pm

هي مابتشتكيش زيهم ليه وشوفي ليه هي مكروهه منهم شوفي الاصل والسبب انهم بيعاملوها كدا وعوديها تحكيلك كل حاجه وانت تسمعي وتقترحي تصرفات عليها كنقاش مش كاوامر
Soma Sheri
Soma Sheri
01-03-2018 - 03:32 pm

غيري المدرسة
Nesma Sherif Amer
Nesma Sherif Amer
03-03-2018 - 01:08 pm

فى مركز.دايما اصحاب بتاع دكتوره منى الرخاوى قريب من مقر الإخوان القديم تدخليله من جنب بنك qnb .... بس بعيدا عن كده لازم تروحيلها المدرسه كتير و تحسيسيها انك معاها و بتدعميها و حاولى تخليها تلعب رياضه من رياضات الدفاع عن النفس عشان تاخد ثقه ف نفسها و جراه و ان شاء الله المركز ده يساعدك ويوجهك للصح 2
Hanan Helmy
Hanan Helmy
05-03-2018 - 11:32 am

انا رأيي انك تدخليها لعبه دفاع عن النفس في اي نادي وده هيفرق كتير في شخصيتها ويديها ثقه بالنفس اعتقد دي الخطوه الاولي في الموضوع وقوليلها كتير ان البنات اللي في المدرسه هما اللي غلط مش أنتي اكيد هتقابلي في يوم من الايام واحده صح زيك وانفخيها علي اد ما تقدري
Fadi AlAdham
Fadi AlAdham
07-03-2018 - 10:44 am

|