سر طريقة عمل الكبدة و السجق زي العربيات في الشارع

ثوم وفلفل مطحونين كويس ويتحمرو ويتحط خل قبل ماتحط الكبده

هي ايه اصلا نوع الكبدة لاني ديما بجيب كبد وكلاوي وبعملهم لا بتكون نفس
الشكل ولا طعم ولا اي حاجه

طب ايه هي نوع الكبده ؟

سمعت انها كبدة شرائح اللي هي الكبدة اللي بتتعمل بردة بس بيقطعوها قطع
صغيره الكلام دا فعلا؟

فعلا بجيبها شرايح وانا اقطعها بس مش بقطعها صغيرة اوي

اه انا طول عمري بروح اقول عاوز كبد وكلاوي مفكرتش انها ممكن تكون شرائح بس
مقطعينها صغيره اوي كدا

انتا هاتها شرايح وقطعها بنفسك بتكون احلى

هو المشكله مش ف الطريقه المشكله ف الكبده ذات نفسها محدش عارف هي ليها طعم
مميز ليه حتي لو عملت نفس الطريقه مش هيطلع نفس الطعم فين ردائه الماده
الخام اللي بيستعملوها بيبقي نفسي اعرف ايه نوع الحيوان اللي يفرط ف كبدته
مقابل ٣ جنيه ده غير المخلل والطحينه

منقول من مطعم كبده في الدقي
لأسرار الستة لطريقة عمل طاسة
الكبدة لمطاعم Itskebda
-------------------------------
أولا نقسم بالله العظيم اللي أعظم من الدنيا كلها ان اللي هنقوله دلوقتي هو
ده السر بدون حجب أي معلومة و بنقول السر علشان فرحانين بعد ما نجحنا
بساندوتش ب ٥ جنيه و معترفين إن واجب علينا نشجع و نساعد كل الشباب يفتحوا
مطاعم و نكون سبب في نجاحهم حسبة لله
..................
١- السر الأول نوع الكبدة....لازم تشتري كبدة نوعها اسمه 3d سعر الكيلو 32
جنيه بتشتريها من أي محل لحوم مستوردة....وده أغلي و أنضف نوع في الكبدة
المستوردة...كبدة أمريكي مدبوحه حلال....النوع ده طعمه مسكر بيدوب و انت
بتاكله....لأن العجل بيبقي صغير في السن....
.........
٢- السر التاني تقطيعة الكبدة.....لازمتقطع الكبدة قطع تكون رقيقة زي
البفتيك و في نفس الوقت كبيرة زي اللي في الصور
...........
٣- السر التالت كمية الزيت.....حط 150 جرام زيت في طاسه كبيرة تكون نحاس أو
ألومنيم و طبعا النحاس أفضل علشان بيدي طعم للكبدة خطير....سيب الزيت 3
دقايق لحد ما يقدح...طبعا هتقولوا ان الزيت كتير....ده سر من
الأسرار...لازم يكون كتير
.............
٤- السر الرابع الخلطة.....انزلفي الزيت ب 10 جرام توم مفروم +10 جرام
ليمون + 5 جرام خل
...................
٥- السر الخامس التوابل......انزل بكيلو الكبدة و فوقيها فورا توابل 30
جرام ملح + 17 جرام كمون + 3 جرام فلفل اسمر+ 5 جرام شطه + واحد جرام ورق
لورا مطحون + نصف جرام حبهان.....لازم التوابل تنزل فوق الكبدة فورا علشان
الكبدة تاخد من طعم التوابل
.................
٦- السر السادس توقيت نزول الفلفل......قلببالراحة علشان متتهريش منك...بعد
ما الكبدة كلها تبقي رصاصي فاتح جدا انزل ب 350 جرام فلفل رومي + 10 جرام
توم مفروم تاني + 10 جرام عصير ليمو ن تاني + 5 جرام خل و قلب لمدة 3 دقايق

الله يفتح عليك بس هو فعلا فيه كبدة اسمها 3d ولا الراجل هيتريق عليا :D

اكيد فيه بس مجربتش اشتريها اسال عليها مش هتخسر حاجه

طاسة نحاس ايه 🤔😂 علشان كدة الناس بتموت 😂

لو عرفنا سر الطعم بتاعهم مش هياكلو عيش ... و سيبك من الناس ال بتقولك
تلوث و قرف ... اكبر المطاعم هما الي بيطبخو بلحوم مضروبه

انا بعملها بتبقى جميله بس عاديه مش مقليه بخلى الجزار يقطعها شرايح زى
البانيه كده وبعدين انا بقى بعقطعها صوابع واتبلها ساعه مش اكتر بفلفل اسمر
وملح وبصل مبشور وعصره نص ليمونه
وبعدين ف طاسه ع النار اقطع بصلح شرايح بالطول وشويه زيت اول ماتتدبل انزل
بالكبده وبعدين احط ملح بسيط وفلفل اسمر وهى هتنزل مايتها وتستوى قبل السوى
بخمس دقايق فلفل حامى وطماطم متقطعين شريح وانزل ع الكبده ومعلقه سمن بلدى
بتديها طعم تحفه انا عن نفسى بسيب الكبده وياكل من الصوص اللى بينزل منها

1 كيلو كبدة
5 فصوص ثوم
1 ملعقة صغيرة ملح
5 قرون شطة خضرا
1 ملعقة كمون
زيت
1 ملعقة فلفل اسود
1 ملعقة كبيرة طحينة
تقوم بتحمير كل هذه الأشياء على الطاسة و من ثم تقدم في طبق ملوث على مائدة
ذات قطط في الإنتظار و اصدقاء لا يجيدون النكات....