خلاصه رحلتي في تيرانا (البانيا) في نقاط 👇
* الجو حر و رطوبه عاليه جدا
* هتطلع من المطار هتلاقي ميكروباص بيروح السيتي سنتر بتاع تيرانا و مكتوب
عليه تيرانا ب ٣$ للشخص او ٣٠٠ ليك .
* هتشتري خط فودافون من المطار ب ١٥ دولار ٢٠ جيجا واوعي ترمي الكارت اللي
في الشريحه بيكون في ال pin لو التليفون اتقفل لازم تحطه
* متوسط سعر التاكسي من ٥ $ ل ١٠ $ جو البلد ومفيش اوبر . عندهم برنامج بتاعهم
* اتوبيسات عامه فقط ولازم تسال الكمسري علشان مفيش ارقام ولا اي حاجه و
مفيش ميكروباص
* التليفريك بصراحه حكايه ولازم تجربه عليشان بيطلع اعلي جبل في تيرانا و
المنظر تحفه و سعره ١٠$ للفرد
* الاكل بصراحه حلو جدا بس مش متنوع اوي و معظمه اكل ايطالي مكرونه و بيتزا
و ريزتو و عندهم حاجه اسمها بيتا دي اشهر حاجه هنا عامله زي الشورما وسعرها
من ١.٥$ ل ٢ $ او طبق ب 7$
*الايس كريم هنا عالمي وطعمه تحفه
*الناس كلها في الشارع و قاعده علي الكافيهات زي عندنا
* المحلات بتقفل الساعه ١١ مساء
* الناس في البانيا كلهم راكبين عربيات غاليه (مرسيدس - بورش- اودي ) ودا
علشان مفيش جمارك وسعر العربيات رخيص جدا و بتيجي من ايطاليا ب ٤٠٠ يورو
ثمن جمارك و والشحن .
المرسيدس E 2012 مثلا ب ١٠ الاف يورو
*لو هتيجي تيرانا لازم تاخد فندق في نص البلد علشان ممكن مش هتحتاج تاكسي
اصلا انا قعد في مكان اسمه vila Sanremo اقل من ٧٠٠ متر من السنتر و ميدان
اسكندربرج و الفيلا عباره عن ٩ غرف وتحت كافيه ومطعم
وسعره في حدود ٢٥-٣٥ $ للغرفه الدبل و دا سعر كويس و الغرف نظيفه جدا بصراحه
* ميدان اسكندربرج في حديقه حلوه و هناك في الاوبرا لازم تاخد صوره مع
اسكندربرج علي الحصان
* هتخش السوبرماركت هتلاقي البلد عايشه علي المنتجات المستورده ٥٠٪ منها
من ايطاليا والاسعار معقوله جدا بالمقارنه بمصر
* تيرانا مش محتاجه تاجر عربيه فيها . بس لو هتروح فلورا او سراندا لازم
تاجر عربيه و ودا هيكون في بوست تاني
* الشعب هنا طيب جدا و متعاون
* العمله اسمها ليك و ١ دولار في حدود ١٠٠ ليك علي حسب Rate البنك . ممكن
تدفع باليورو بس هتاخد الباقي بالعمله بتاعتهم
* مفيش كورونا هنا مفيش حد لابس ماسك 😷
* الشوبينج هنا مش احسن حاجه . TEG ودا اكبر مول هنا . الموالات هنا صغيره
تلفها في ١٠ دقايق بالمقارنه بمولات مصر طبعا . بالنسبة للاسعار في براندات
ارخص هنا و في نفس سعر مصر
* لازم تروح محل Euro 1 دا كل حاحه في ب ١ يورو حاجات كلها مستورده
