رأيكم في العربيات الخليجي

هقول لحضرتك. عشان تنزل بدون تعب وتدخل من الجمارك لازم تتأكدي انك مالك اول. اول تكوني منسقه مع حد من التخليص الجمركي عشان يظبط ورقها من قبل م تيجي

Amr Abdelmagid
ممكن تنزل مش مالك اول بس بيبقي ضاربلها ورق

Amr Abdelmagid
واصلا العربيه تمنها مع جماركها بيساوي تمن اللي فمصر... ولو تمنهم متساوي يبقي من مصر احسن لات العربيه فالخليج لما يعدي عليها سنتين بالكتير بتبقي اتهلكت... وبتعد كيلوات كتير

Islam ELmwafy
ايوه يا باشا. انا منزل عربيتي وضارب لها ورق. عشان كده قلتلها تنسق مع مخلص جمركي ف السويس قبل م تجيبها. هم عارفين السكه كويس.

والتعليق التاني ذكرت فيه انها نفس السعر وتزيد عن مصر مع فرق ال quality للخليجي

Amr Abdelmagid
العربيات كلها مستعملة بس المفروض استعمال كويس و هوا اللي بيخلص موضوع الجمارك و الرخص قالي ممكن ارخصها انا او هوا

Rana Magdy
الترخيص انتي تخلصيه مفيش فيه مشكله. المهم الجمرك. بس نصيحه اتأكد كويس منه لان السعوديين بيهلكوا العربيات ومش بيرحموها

Ihab Malak Saad
?

لو بتتكلمي على العربيات الخليجي في المجمل الزيرو من معرض محترم فطبعا تقفيل العربيات الخليجي أحسن من هنا بكتيييير ... لكن لو مستعمله لازم يكون معاكي حد أمين يفهم في العربيات كويس لأن الخلايجه معظمهم بيهلكوا العربيات بمعنى الكلمه قبل م يغيروا ... ويفضل يكون معاكي محامي أمين للتأكد من صحة الأوراق منعا لتعرضك للنصب ويبقى يتأكد لما تيجي بيها مصر جماركها وترخيصها هيبقى عامل كام عشان متلقيش نفسك مديونه أو العربيه محجوز عليها ... وربنا يقدم لك الطيب

بجانب لازم تعرفي الموديل كويس وبلد المنشأ عشان تعرفي الجمرك كم. عشان ممكن تلاقي ف الاخر السعر مش زي اللي ف دماغك وتساوي نفس السعر ف مصر أو تزيد. مع فرق ال quality طبعا للخليجي

هو لو حضرتك مش ف السعوديه ومش مقيمه فيها يبقى اللي هيحصل انه هينزل العربيه ب اسمه الأول ويخلصها جمرك وترخيص وبعد كده ينقلها ليكي بيع وشراء.

رجاء انسي اللفة الطويلة دي لأن كلها نصابين وحرامية خلي حد فاهم من أهلك يشتري لكي سيارة من نفس مدينتك وانسي كل كمية المشاكل اللي انتي بتحري وراها سوق مدينة نصر وحد من أهلك ولا تبحثي عن المشاكل

بلااااااش افتكري اني قلتلك بلاااااااش

نصيحتى ليكى بلاش بلاش بلاش لا يغرك سعرها

Kareem Elaryan
ليه بلاش من فضلك

Rana Magdy
حضرتك افضلك تشترى عربية زيرو من مصر افضل من عربية استعمال خليجى متعرفيش فيها اية ولا كان بيتعمل بيها اية فى الخليج . السيارة الخليجى اللى هتشتريها ممكن يكون متفحط بيها ومدعوكة ومتظبطة وملعوب فى عداد الكيلو متر وانتى تلبسيها عادى جدا واتخن ميكانيكى عندك مش هيعرف وتانى حاجة ملهاش عندك صيانة مجانية فى التوكيل بالتالى لو حصل فيها حاجة هتدفعى من حسابك . لكن مهما كان لو اشتريتى زيرو من مصر عندك ضمان وصيانة دورية فى التوكيل لمدة معينة . بالتالى نصيحتى ليكى اشترى نفسك وراحة بالك فرق كبير اوى لما تشترى سيارة انتى اول مستخدم تحت رجلك ولما نشترى سيارة مش عارفة تاريخها مع المستخدم اللى قبلك اية . دى نصيحتى ليكى وقد أكون على خطاء. ملحوظة انتى بنت اكيد محتاجة راحة البال مش كل شوية خازوق يظهر فى العربية وتبهدلك . اسالى كويس مهما كان شكل العربية حلو وسعرها مغرى لو كان فية خير ما كان رماة الطير . اخيرا القرار قرارك . مش بحبطك والله بس انا عايش فى الخليج وعارف اللى بيحصل ومفيش فرق كبير غير فى جودة التكييف فقط السيارات الخليجى تكييفها اقوى هى مصممة لجو الخليج