Rana Magdy
01-05-2021 - 06:37 am

حد ليه تجربة مع العربيات الخليجي يفيدني من فضلكم
محتاجة عربية و فيه تاجر عربيات خليجي عنده حاجات كويسة و اسعارها حلوة بس كلهم في جدة و بينزلو يترخصو في مصر
حد جرب الموضوع دا و طلع كويس و مفيهوش مشاكل
فيدوني ضروري بالله عليكم عشان دي تحويشة العمر


تريند

التعليقات (21)

Amr Abdelmagid
Amr Abdelmagid
01-05-2021 - 08:41 am

هقول لحضرتك. عشان تنزل بدون تعب وتدخل من الجمارك لازم تتأكدي انك مالك اول. اول تكوني منسقه مع حد من التخليص الجمركي عشان يظبط ورقها من قبل م تيجي
Islam ELmwafy
Islam ELmwafy
01-05-2021 - 09:46 am

Amr Abdelmagid ممكن تنزل مش مالك اول بس بيبقي ضاربلها ورق
Islam ELmwafy
Islam ELmwafy
01-05-2021 - 10:53 am

Amr Abdelmagid واصلا العربيه تمنها مع جماركها بيساوي تمن اللي فمصر... ولو تمنهم متساوي يبقي من مصر احسن لات العربيه فالخليج لما يعدي عليها سنتين بالكتير بتبقي اتهلكت... وبتعد كيلوات كتير
Amr Abdelmagid
Amr Abdelmagid
01-05-2021 - 12:02 pm

Islam ELmwafy ايوه يا باشا. انا منزل عربيتي وضارب لها ورق. عشان كده قلتلها تنسق مع مخلص جمركي ف السويس قبل م تجيبها. هم عارفين السكه كويس.
Amr Abdelmagid
Amr Abdelmagid
01-05-2021 - 01:13 pm

والتعليق التاني ذكرت فيه انها نفس السعر وتزيد عن مصر مع فرق ال quality للخليجي
Rana Magdy
Rana Magdy
01-05-2021 - 02:26 pm

Amr Abdelmagid العربيات كلها مستعملة بس المفروض استعمال كويس و هوا اللي بيخلص موضوع الجمارك و الرخص قالي ممكن ارخصها انا او هوا
Amr Abdelmagid
Amr Abdelmagid
01-05-2021 - 03:41 pm

Rana Magdy الترخيص انتي تخلصيه مفيش فيه مشكله. المهم الجمرك. بس نصيحه اتأكد كويس منه لان السعوديين بيهلكوا العربيات ومش بيرحموها
Islam ELmwafy
Islam ELmwafy
01-05-2021 - 06:17 pm

Ihab Malak Saad ?
Mahmoud Badawy
Mahmoud Badawy
01-05-2021 - 07:38 pm

لو بتتكلمي على العربيات الخليجي في المجمل الزيرو من معرض محترم فطبعا تقفيل العربيات الخليجي أحسن من هنا بكتيييير ... لكن لو مستعمله لازم يكون معاكي حد أمين يفهم في العربيات كويس لأن الخلايجه معظمهم بيهلكوا العربيات بمعنى الكلمه قبل م يغيروا ... ويفضل يكون معاكي محامي أمين للتأكد من صحة الأوراق منعا لتعرضك للنصب ويبقى يتأكد لما تيجي بيها مصر جماركها وترخيصها هيبقى عامل كام عشان متلقيش نفسك مديونه أو العربيه محجوز عليها ... وربنا يقدم لك الطيب
Amr Abdelmagid
Amr Abdelmagid
01-05-2021 - 09:01 pm

بجانب لازم تعرفي الموديل كويس وبلد المنشأ عشان تعرفي الجمرك كم. عشان ممكن تلاقي ف الاخر السعر مش زي اللي ف دماغك وتساوي نفس السعر ف مصر أو تزيد. مع فرق ال quality طبعا للخليجي
Amr Abdelmagid
Amr Abdelmagid
01-05-2021 - 10:26 pm

هو لو حضرتك مش ف السعوديه ومش مقيمه فيها يبقى اللي هيحصل انه هينزل العربيه ب اسمه الأول ويخلصها جمرك وترخيص وبعد كده ينقلها ليكي بيع وشراء.
Nabil Dowidar
Nabil Dowidar
01-05-2021 - 11:53 pm

رجاء انسي اللفة الطويلة دي لأن كلها نصابين وحرامية خلي حد فاهم من أهلك يشتري لكي سيارة من نفس مدينتك وانسي كل كمية المشاكل اللي انتي بتحري وراها سوق مدينة نصر وحد من أهلك ولا تبحثي عن المشاكل
Rabab Ahmed Zeitouny
Rabab Ahmed Zeitouny
02-05-2021 - 01:22 am

بلااااااش افتكري اني قلتلك بلاااااااش
Kareem Elaryan
Kareem Elaryan
02-05-2021 - 02:53 am

نصيحتى ليكى بلاش بلاش بلاش لا يغرك سعرها
Rana Magdy
Rana Magdy
02-05-2021 - 04:26 am

Kareem Elaryan ليه بلاش من فضلك
Kareem Elaryan
Kareem Elaryan
02-05-2021 - 06:01 am

Rana Magdy حضرتك افضلك تشترى عربية زيرو من مصر افضل من عربية استعمال خليجى متعرفيش فيها اية ولا كان بيتعمل بيها اية فى الخليج . السيارة الخليجى اللى هتشتريها ممكن يكون متفحط بيها ومدعوكة ومتظبطة وملعوب فى عداد الكيلو متر وانتى تلبسيها عادى جدا واتخن ميكانيكى عندك مش هيعرف وتانى حاجة ملهاش عندك صيانة مجانية فى التوكيل بالتالى لو حصل فيها حاجة هتدفعى من حسابك . لكن مهما كان لو اشتريتى زيرو من مصر عندك ضمان وصيانة دورية فى التوكيل لمدة معينة . بالتالى نصيحتى ليكى اشترى نفسك وراحة بالك فرق كبير اوى لما تشترى سيارة انتى اول مستخدم تحت رجلك ولما نشترى سيارة مش عارفة تاريخها مع المستخدم اللى قبلك اية . دى نصيحتى ليكى وقد أكون على خطاء. ملحوظة انتى بنت اكيد محتاجة راحة البال مش كل شوية خازوق يظهر فى العربية وتبهدلك . اسالى كويس مهما كان شكل العربية حلو وسعرها مغرى لو كان فية خير ما كان رماة الطير . اخيرا القرار قرارك . مش بحبطك والله بس انا عايش فى الخليج وعارف اللى بيحصل ومفيش فرق كبير غير فى جودة التكييف فقط السيارات الخليجى تكييفها اقوى هى مصممة لجو الخليج
Kareem Elaryan
Kareem Elaryan
02-05-2021 - 07:38 am

ولو عندك استفسار قوليلى على نوع العربية وتفاصيلها كلمينى خاص ممكن اقدر افيدك فى الاختيار والقرار قرارك فى النهاية
Rana Magdy
Rana Magdy
02-05-2021 - 09:17 am

Kareem Elaryan راي حضرتك احترمه طبعا الفكرة ان لو كان معايا فلوس الزيرو كنت جيبته اكيد مكنتش هادور فالمستعمل و مش هاقدر اتحمل اقساط بفوايدها بردو للاسف انا مضطرة للمستعمل
Rana Magdy
Rana Magdy
02-05-2021 - 10:58 am

Kareem Elaryan الفكرة فالتاجر دا انه موفرلي كذا موديل عربيات محترمة شبه زيرو و باسعار معقولة جدا فانا مش فاهمة دا طبيعي والا فيه حاجة غلط
Kareem Elaryan
Kareem Elaryan
02-05-2021 - 12:41 pm

Rana Magdy اية السيارة اللى عجبتك وموديل كام وماشية كام كيلو والمالك بتاعها اللى فى السعودية كان مصرى ولا سعودى ؟
Kareem Elaryan
Kareem Elaryan
02-05-2021 - 02:26 pm

Rana Magdy مستعمل بمستعمل يبقى تشوفى عربية كسر زيرو فى مصر احسن ولسة الاشكال الجديدة هتخلى الاشكال القديمة ترخص
|