تجربتي فندق الباتروس اكوا بارك واكوا بلو الغردقة

حابه اكتب ريفيو عن فندق الباتروس اكوا بارك واكوا بلو الغردقه
الاقامه كانت ٤ ليالي ٣ افراد كبار و طفله ٤ سنين
دخول يوم ٨ مارس و الخروج ١٢ مارس غرفه 5417
حجزت عن طريق بوكينج ودفعت ولما وصلت وبعد معملت check in وكله تمام اتفاجا
انهم بيقولولي لا ملكيش طفله في الحجز طب ازاااي انا ماكده مع الكول سنتر
ان الحجز فيه طفله وضيفتها وبوكينج اللي طلعلي غرفه تريبل يقولي لا الكول
سنتر غلط ارجعيله انا اللي ارجعله ولا انتم !! اتصلت ببوكينج ذات نفسه
واللي اكدولي ان حجزي ليه طفله تحت ٦ سنين فري واتواصلو مع الفندق والفندق
صمم علي رايه لا يحجزو اوضتين دبل انا مش بدي اطفال في غرف تريبل تبع
بوكينج السياسه غيرناها جديد مع بوكينج وكلام اخر هبل ٣ ساعات جايين من سفر
معايا طفله وست كبيره موقفنا في الريسبشن واخر قله ذوق وحرقه دم واسلوب
فنادق تحت السلم يقولي مليش فيه هنبقي نحاسب الكول سنتر
وبعد ٣ ساعات يقولي مش عاجبك الغي الحجز
بوكينج عرض عليا يلغي الحجز مجانا واعتذرو
ومكنش قدامي بعد كل ده غير اني كلمت شركه في الغردقه جه حجز غرفه تريبل
وادوه الحجز بطفل عشان شركه
حجزت في اكوا بلو عشان مش طايقه وش اكوا بارك
الاكل كلمه سئ ديه قليله عليه وقلت مش مشكله الاكل خالص نيجي بقي ل check
out طلبت منه يشلي الشنط في ال luggage room واخد مبلغ محترم تيبس واتفقت
مع الريسبشن ان الطياره معلش اتاخرت وسلمت الغرفه والبرسلت وكله تمام وخرجت
اتمشيت بره و اشتريت من بازارات اجي اخد الشنط الاقي بتاع الريسبشن طالع
ورايا يقولي لا عليكم فلوس استخدام day use عشان مشوفتكيش في الريسبشن
قدامي واتمشيتي !!! ولو خرجتي قوليلي من انهو الباب والساعه كم ورجعتي من
انهو باب وكل ده وانا اصلا متاخره جداااا وهو استغل ده وقالي لو مدفعتيش
طيارتك هتروح عليكي حاولت اتصل بشرطه السياحه كانو هيوصلو بعد ساعه وهتبقي
بهدله وخساره اكبر في يوم اصلا كان تلجج ومكنش فيه اي حاجه تتعمل طب معايا
طفله وكنت بمشيها هو المفروض اقعد قدامك زي المساجين كنت قلتلي كده من
الاول واسلوب ردئ ردئ وهتدفعي يا اما هطلب الامن وبعد محطيت شنطي في اوبر
واتحرك رجعونا من علي البوابه لا عاوزنكم فوق واخدو رخصه اوبر مش هتنزل
بالشنط واتلمو كم واحد وهتدفعي يعني هتدفعي ٢٠٠٠ جنيه !!!!! بعد محاولت
بالادب وبعدها بالخناق وصوت عالي يقولي اعملك خصم طب ١٥٠٠ طب ٧٥٠ والفلوس
مكنش هيطلع بيها وصل لولا اني قلتله عطاني ورقه ولا ليها لازمه مع اني
مبلغاه بالميعاد اللي هاخد فيه الشنط ووافق واخد موبايلي عمل ريفيو لنفسه
علي TripAdvisor وكتب كلام حلو عنهم وقلت معلش
بس توصل ان اوبر يجري بيا عشان الحق طيارتي علي اخر ٥ دقايق غير عياط وفزع
بنتي الصغيره اللي مش فاهمه ايه اللي بيحصل ووقفتها في السقعه وهما ملمومين
علينا انا حرقه دم ديه وبهدلتنا تساوي فلوس الدنيا واخر مره اروح فندق
بالمستوي المتدني ديه

مع العلم كان فيه واحده اجنبيه وكانت سايبه شنطها معانا وكانت موجوده واحنا
ماشيين قلتله هتاخد منها فلوس قالي لا اصلها قدامي في ريسبشن من بدري وانتي
مشفتكيش !!!