Nesma Mahmoud
09-12-2017 - 10:14 am

انا وديت بنتى لدكتور هدى طموم وقالت زى دكتور اول مرة انها متأخرة شخصت انه مش توحد طبعا بس كلامها انها متأخرة مفروض سنة ونص تقول ‏٢٠‏ كلمة وتنفذ اوامر زى اقولها ارمى الورقة فى باسكت سقفى ارمى الكورة هى بتقلد مش بتنفذ الامر لوحدها وده عندها بيفرق ده بيرجع انى معلمتهاش اوى كل ده قلة خبرة منى عدم احتكاكها باطفال ده غير عدم مشيها واثناء علاج طبيعى بتعد مع اخصائية تخاطب بس بحس ان دكاترة بيهولوا وانا بدفع فلوس وخلاص وموضوع ابسط بكتير عاوزة خبرات امهات بتكلموا فى ايه مش اى كلام وخلاص عاوزة كلام تعليمى وايه لعب تساعدنى عشان اعدى مرحلة دى


دكاترة مصر

التعليقات (45)

Rahma Adel
Rahma Adel
17-12-2017 - 01:26 pm

سنه ونص ٢٠ كلمه ؟؟! ابني سنه ونص وبيقول بابا وماما
Salma Samir
Salma Samir
18-12-2017 - 05:26 pm

وديها حضانة كويسة 3-5ساعات كل يوم هتفرق في كل حاجة 2
Esraa Hany
Esraa Hany
19-12-2017 - 10:14 pm

مش شرط خالص ع فكره انا ابني فضل لحد سنتين و نص مش بيقول ماما حتي و بعد كده بدا يتكلم وماشاء الله رغاي جدا بس انا بس الي بفهم لغته يعني الناس بتقولي ترجمي ممكن يحكي حوار بس الحروف طايره و مش مفهومه بس و الله احساس حلو ان محدش فاهم ابنك غيرك خدي الأمور ببساطه انا لحد سنتين و نص كلمه ماما حتي مش سمعتها
LOomy Ali
LOomy Ali
21-12-2017 - 03:50 am

جلسات تنمية مهارات
Rawan Samy Elhady
Rawan Samy Elhady
22-12-2017 - 10:14 am

لازم تعرضيها علي دكتور تخاطب بكرر دكتوووور وليس أخصائي عشان الناس بتحب تفتي كتير😅
Dr-Niveen Mohie Eldin
Dr-Niveen Mohie Eldin
23-12-2017 - 05:26 pm

الطفل اللي عند سنة ونص المفروض يتكلم ٢٠ كلمة المفروض يكون أتكلم امتى اصلا ؟
Memoo Kareem
Memoo Kareem
25-12-2017 - 01:26 am

حبيبتى الموضوع بسيط جدا وديها حضانه فورا
Mohammed Ibrahim Hegazy
Mohammed Ibrahim Hegazy
26-12-2017 - 10:14 am

l
Mohamed Hagrass
Mohamed Hagrass
27-12-2017 - 07:50 pm

وديها حضانه وهشويه وهترجعلك رغايه ولعبيه وعفريته
Manar Sayed Aboul Soud
Manar Sayed Aboul Soud
30-12-2017 - 05:26 pm

يا جماعه انتم مركزين علي موضوع الكلام و مش واخدين بالكم انها قالت ان البنت متأخره في المشي فلما بيكون في اكتر من مهاره متأخره ده اللي بيقلق الام 3
Sa Ra Ashraf Zaki
Sa Ra Ashraf Zaki
01-01-2018 - 05:26 am

انا بنتي اتكلمت علي 3سنين وكان بسببي برضوا جيبي قصص بسيطه واحكيها بأصوات مختلفه زي الكرتون وتعرفيها اسم الحيوان وتفرجيها صورته دخليها معاكي المطبخ وقوليلها هاتي كزا ورجعي كزا مع تشجيع وتصقيف
Sara Mohamed
Sara Mohamed
02-01-2018 - 06:14 pm

انا بنتي ابتدت تتكلم سنتين و نص لما راحت حضانه
Dalia Salama
Dalia Salama
04-01-2018 - 07:50 am

انا بنتى كان عندها كهربا زياده وتأخر حركى وروحت للدكتوره هدى والصراحه انها مبالغه جدا في كل حاجه بتقولها وطلباتها كتير جدا من حيث الاشاعات والتحاليل وكتير منها مش ضرورى وطبعا روحت مركز علاج طبيعي لمدة شهرين و جلسات مكثفه ومكانش في تحسن يذكر وبعدين روحتللدكتور علاء عزازي مخ واعصاب دكتور ممتاز وظبط لبنتى جرعات الدوا وكان بيتابعها كل شهرين تقريبا وقالى كل ما تتقدم في السن حتتحسن وهي دلوقتى الحمد لله زي الفل فانتى حاولى تحكمى العقل فى الحاجه اللى تحسي ان بنتك محتاجاها وغيري دكتور واتنين لحد ما تقتنعى بالكلام وربنا يطمنك عليها
Engy Abdallah
Engy Abdallah
05-01-2018 - 10:14 pm

ايه الاوووفر ده عشرين كلمه ايه اللي تقولها طفله سنه ونص .. عموما انتي كلميها كتير قوليها بصي المروحه بصي التلاجه شاوري علي الحاجه وقوليها اسمها شاوري علي الحنفيه وقوليها دي حنفيه وماتستنيش منها تقول وراكي لا خالص انتي قولي الكلام وخليها تشوف شفايفك وهيبتتحرك وقولي بمخارج حروف واضحه وانتي هتلاقيها فجأه قالت زي ماتقولي مش تحت شرط في وقتها قوليلها ده بابا ودي تيته وده جدو وهكذا وماتقلقيش في اطفال بتتاخر في الكلام ده عادي وبيفرق من طفل للتاني وكون انها بتقلد فاللي في سنها طبيعي كده هي لما تقوليلها ارمي الورقه في الباسكيت مش هتفهم يعني ايه لكن لما تقوليلها بصي انا برمي الورقه في الباسكيت وتوريها ازاي هي هتربط الكلام بالفعل يعني هتقلدك وتهتفهم يعني ايه ارمي الورقه في الباسكيت وغيره من اي حاجه انتي قولي عليها 2
Randa Mahmoud
Randa Mahmoud
07-01-2018 - 01:26 pm

انا ابني سنتين و بيقول خمس ست كلمات و حجزتله مع د تخاطب ربنا يستر بقي و يكلم كويس هو و بنتك ان شاء الله
Heba Halawa
Heba Halawa
09-01-2018 - 05:26 am

من رايي وديها حضانه كويسه وتهتم بالاطفال وفهميها الحاله وان شاء الله حيسعدوكى اندماجها مع الاطفال الطبيعين حيفرق كتير عن تجربه وربنا يوفقك للخير
Maha Wagdy
Maha Wagdy
10-01-2018 - 10:14 pm

بصرف النظر عن كلام الدكتوره اللي اكيد مبني علي اساس علمي حضرتك لازم تشاركي بفاعليه في الموضوع ...اقرأي وتابعي علي النت جلسات تخاطب مناسبه ...وممكن تاخدي دورات تدريبيه في حاجه زي كدا ...وتأكدي ان مجهودك معاها في البيت هيفرق في تقدمها كتير ّ..سواء قررتي انك تكملي تخاطب مع اخصائي او لأ....
Dina Raslaan
Dina Raslaan
12-01-2018 - 03:50 pm

اتكلمي وعلميها كل حاجه في يومكم، واعملي جدول اشتغلي على الألوان وبعدين الحروف والاشكال والحيوانات وأحكي قصص وعلميها الأحاسيس زي مثلا القطه بتعيط وكرمشي وشك عياط وهكذا والاختلاط واللعب معاها في مكان مفتوح كتير وساعديها تتحرك وتضحك وكل شويه هاي فايف وحدوته بالصور وملمس الأشياء باسمها مثلا دي فوطه، فوطه عشان ننشف وشنا، اما مخارج الحروف اعملي ساوند زي مثلا زي ري ري ري ريمبوووو وعيدي و زيدي واديها ضروري أوميجا و جينسنج هتلاقي كبسول فضيه واسحبيه بالسرنجه عشان الساءل مفيش في السوق وادي كالسيوم مع فيتامين د و ب اسمه كالسيكال او بيديكال ومايهمكيش بقا اللي يقول أصل محتاجه لا مش محتاجه،، دي مكملات غذاءيه مافيهاش اَي ضرر
Abdo Diuof
Abdo Diuof
14-01-2018 - 10:14 am

وديها روضة اطفال شفاها الله و عافاها😊
Mayar Shalaby
Mayar Shalaby
16-01-2018 - 05:26 am

بنتى متكلمتش غير على سنتين و نص و انتى اللى لازم تشتغلى عليها مش الجلسات لازم خروج كتير و توصفى كل حاجه و تشرحه و تلعبى و تعلمى و تلفتى نظرها و تلقنيها ده كذه و ده كذا و يبقى اسلوب حياه و كل اللى حواليكى يشاركوكى بابى و تيتا اخواتك يتفاعلو معاها اكتر و يعملو معاها نشاطات و يتكلمو و يشرحو و يوصفو كل حاجه انما جلسات ساعتين فى اليوم مش حتأثر التأثير اللى انتى عايزاه 2
Nihal Salah ElDin
Nihal Salah ElDin
18-01-2018 - 01:26 am

طب عشان ترتاحي ، انا ابني منطقش و لا كلمه قبل تلات سنين ، بس كان بيفهم كويس جدا جدا و بينفذ الاوامر و بيتفاعل و زي الفل و اول ما نطق اتكلم زي الكبار بلغه مفهومه مش كلام بيبيز ، هو اتأخر بس النتيجه كانت كويسه و حاليا هو 11 سنه و في ابتدائيه و الدنيا تمام ، اوصيكي اوصيكي اوصيكي بحضانه محترمه و نقطة و من اول السطر. 4
Nermin Zaki
Nermin Zaki
19-01-2018 - 10:14 pm

حضانه وبس وتبعيها
Ma Ha
Ma Ha
21-01-2018 - 07:50 pm

وديها حضانه مش هتختاجي دكتور تخاطب
Riham Naguib
Riham Naguib
23-01-2018 - 06:14 pm

كملي مع دكتور اكيد لان ده تأخر علي كذا مستوي حركي و اجتماعي محتاج علاج
راندا سعيد
راندا سعيد
25-01-2018 - 05:26 pm

لا مش تهويل اهتمى بيها علشان هتفرق بعدين
Iman Asaad Badr
Iman Asaad Badr
27-01-2018 - 05:26 pm

كتير اوي عشرين كلمه على سنه ونص على ما اعتقد 4
Reham Ramy
Reham Ramy
29-01-2018 - 06:14 pm

للاسف اننا كأمهات جدد متخيلين ان مهارات الطفل بيعرفها لوحده وانه حيكتسبها بصورة تلقائية لكن الحقيقة ان كل حاجة لازم نعلمهالهم وان اي مهارة الطفل اتأخر فيها بتبقى عشان الام مااهتمتش بيها وماعلمتهاش للطفل..
Fatma Elaraby
Fatma Elaraby
02-02-2018 - 10:14 pm

معهد السمع و الكلام تشخيصه افضل التخاطب منك انتي مش لازم جلسات تتكلمي معاها كتير جدا أي حاجه بتعمليها تشرحيهلها عشان حتى لو هي مابتتكلمش ف مخزون الكلام عندها بيبقى كتير و لما بتنطق بتبقى على علم بالكلام
سحر احمد ابراهيم
سحر احمد ابراهيم
05-02-2018 - 01:26 am

عن تجربه تمتعي التليفزيون والموبايل واي وسيله الهاء وكلامك كله معاها اطرحي بتعملي ايه اي حاجه اشرحي زي مالدكتور نصحني يعني دلوقت بغسل أيد ي بالصابونه بفتح الحنفيه الميه نازله وهكذا
سحر احمد ابراهيم
سحر احمد ابراهيم
07-02-2018 - 05:26 am

النطق واضح والحروف واضحه وركزي على المخارج
سحر احمد ابراهيم
سحر احمد ابراهيم
09-02-2018 - 10:14 am

وطبعا حضانه محترمه
Ghada Mohamed
Ghada Mohamed
11-02-2018 - 03:50 pm

مش عارفه سنه ونص ازاي يقول 20 كلمه ده مش صح المفروض بعد سنتين يقول 3 كلمات مش اكتر انا بنتي مقالتش اول كلمه الا بعد سنتين ونص وهيه ماه على محمد وبابا ومشش قطها مشمش ومقالتش ماما خالص الا بعد 3سنين مادام بنتك كويسه سيبيها براحتها وراعيه وكلميها كتير وصدقني بلاش دكاتره ملهاش لازمه لو هيه سنها صغير
Mai Mohamed
Mai Mohamed
13-02-2018 - 10:14 pm

حببتي أنا ابني دلوقتي عنده سنتين وشهر حصيله الكلمات ألي واضحة ست أو سبع كلامات لكن طول الوقت بيقول كلام غير مفهوم إطلاقا بس اهم حاجه انه بيفهم الأوامر وبينفذوها الحمد لله وبرضو كل الي حواليا قلقوني انه أتأخر ووديته دكتور تخاطب قالي عنده تاخر بسيط في الكلام ميقلقش يعني بس اولا تمنعي التلفزيون والتلفون نهاءي نهاءي ثانيا تبقي زي الراديو معاه في البيت تشتغلي تتكلمي منفصليش احكي معاه في كل حاجه ثالثا عليكي وعلي حضانه محترمه هيبقي تمام التمام مش هيحتاج اَي حاجه
Ghada Saeed
Ghada Saeed
16-02-2018 - 05:26 am

لازم تتابعي مع دكتور تخاطب وتنميه مهارات
Heba Hany
Heba Hany
18-02-2018 - 01:26 pm

حضرتك انا عايشة برة مصر وبيهتموا جدا الطفل بينطق كام كلمة فعلا المشكلة أن بنت حضرتك متأخرة ف كذا حاجة فلازم الدكاترة تتابع ثانيا صغيرة ع الحضانة اتكلمى معاها فعلا ف اى حاجة يعنى ايه الحاجات اللى بتطبخيها لو خرجتوا لما ارجعوا البيت قوليلها تعالى تحكى لبابا عملنا ايه برة وتحكى انتى بجمل بسيطة حاجة بتساعدنى جدا القصص اللى فيها صورة واحدة أو اتنين ف الصفحة تقرأى معاها ولو اصوات حيوانات تقلديها قولى كلمة وخليها تردد وراكى متضغطيش عليها لو رفضت بيحتاجوا وقت عشان يقلدوا قوليلها مثلا ارمى الورقة وروحى معاها ترميها يعنى نفذى معاها الاوامر اللى هتطلبيها ف الاول بعد كده هتبدأ تنتبه 2
Mariam Ahmad
Mariam Ahmad
20-02-2018 - 10:14 pm

د.زينب البكري في المنيل استاذ دكتور في طب قصر العيني دي تخصص نفسي اطفال و مهارات ...دول الي تبدأي معاهم و هما بيوجهوكي بعد كده اذا المشكله سمع ولا مخ و اعصاب ولا تخاطب و بتطلب منك اختبارات معينه على حسب سنها و مقياس سمع و رنين عالمخ
Mahynour Moh
Mahynour Moh
23-02-2018 - 07:50 am

وديها حضانه عاديه خالص وهى هتتكلم بلاش الحضانات اللى فيها جرعه تناكه عاليه لانهم هيهولوا في الموضوع الحضانه لازم فيها اطفال في سنها كتير مش مهم اسم الحضانه المهم ان الاطفال في سنها كتير ٣ اشهر بالزبط هتتزبط وكدة كدة الكلام بعد سنتين
Belal Mejhed
Belal Mejhed
25-02-2018 - 06:14 pm

طفل عنده سنتين ونص ومنطقش ولا كلمه وقالوا عنده توحد وجلسات ودكاتره وفي الاخر وديناه حضانه وبس حاليا عنده 4 سنين وبيتكلم وزي الفل.اهم شي البعد عن المحمول
Doaa Ashoush
Doaa Ashoush
28-02-2018 - 05:26 am

طيب اولا الدكاترة مبتهولش ولا حاجة، ثانيا حضرتك لازم توديها حضانة تتفاعل مع الاطفال اللي في سنها و هما هيساعدوكي جدا، ثالثا لازم توقفي تماما اي قنوات تليفزيون قدام البنت مينفعش تسيبيها تتفرج عشان تطبخي أو تريحي شويه أو تخلصي شغل البيت، رابعا لازم تتكلمي معاها كتير و هاتيلها كتب اللي فيها اسامي الحيوانات و الالوان عن تجربة شخصية مع بنت صحبتي، حضرتك لو تعاملتي على أنهم بيهولو هتتعبي جدا بعدين، و البنت هتتأخر اكتر عن الاطفال اللي في سنها و ممكن تترفض في المدارس بسبب التأخر دا. ارجوكي بلاش تهملي فيها
Eman Masoudyy
Eman Masoudyy
02-03-2018 - 05:26 pm

مع احترامي للناس ، بس الدكتورة و كل الدكاترة قالولك في تأخير يبقي لازم نهتم و نقرا و نتعلم عشان مناثرش بالسلب عالطفل و دي مش فلوس في الارض لأنهم قالوا إن فعلا في تأخير و حتي لو العيب منك كانوا هيقلولك كلميها كتير و خلاص بس اهتمي فعلا و متتاخريش عنها
Rehab Abd Elmonem
Rehab Abd Elmonem
10-03-2018 - 10:14 am

وديها حضانة حتفرق كتير معاها بس اختاري حضانة نظيفة فيها ناس تربويين بيتهموا بالاطفال وتابعيها كويس بالنسبة للكلام تقوليلها هاتي كذا مثلا الريموت الموبايل الكوب اي حاجة ومع الوقت حتتحسن
M Abo Soliman
M Abo Soliman
13-03-2018 - 01:26 am

اكشفي أنف وإذن
Heba Elkordy
Heba Elkordy
15-03-2018 - 05:26 pm

على فكره الدكتوره دي ممتازه جداااا وعندها ضمير كملي مع الدكتوره وامشي على العلاج وان شاء الله هتكون كويسه
Nancy Monir
Nancy Monir
21-03-2018 - 03:50 am

اسفة اسمحيلي يعني حضرتك رحتي لكذا طبيب وتقريبا الكلام متفقين عليه بس ف الاخر حضرتك مش كقتنعة بكلامهم وحاسه انهم بيهولوا لكن هتقتنعي باراء ناس غيرر متخصصين وتاخدي كلامهم من بوست ع الفيس بوك !!!! اللي بيرد فيه منهم معندؤش اطفال وفي منهم ولتده ف جامعة ونسي الاطفال من زمان وفي منهم مش مكمل تعليمه مع احترامي للجميع لكن هتسيبي كلام الطب والمتخصصين وتاخدي وتقتنعي بكلام غير مختصين ؟!!!!
Esraa Mohamed
Esraa Mohamed
23-03-2018 - 10:14 pm

انتي رحتي لواحده من اعظم دكاتره اعصاب الاطفال في مصر ..اسمعي كلامها في كل حاجه ..ودكاتره التخاطب مش فلوس ع الارض ولا حاجه..بس اتاكدي انهم دكاتره مش مهنه تانيه وعاملين دبلومات#طبيبة اطفال
|