"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
09-12-2017 - 10:14 am
انا وديت بنتى لدكتور هدى طموم وقالت زى دكتور اول مرة انها متأخرة شخصت انه مش توحد طبعا بس كلامها انها متأخرة مفروض سنة ونص تقول ٢٠ كلمة وتنفذ اوامر زى اقولها ارمى الورقة فى باسكت سقفى ارمى الكورة هى بتقلد مش بتنفذ الامر لوحدها وده عندها بيفرق ده بيرجع انى معلمتهاش اوى كل ده قلة خبرة منى عدم احتكاكها باطفال ده غير عدم مشيها واثناء علاج طبيعى بتعد مع اخصائية تخاطب بس بحس ان دكاترة بيهولوا وانا بدفع فلوس وخلاص وموضوع ابسط بكتير عاوزة خبرات امهات بتكلموا فى ايه مش اى كلام وخلاص عاوزة كلام تعليمى وايه لعب تساعدنى عشان اعدى مرحلة دى
التعليقات (45)
حببتي أنا ابني دلوقتي عنده سنتين وشهر حصيله الكلمات ألي واضحة ست أو سبع كلامات لكن طول الوقت بيقول كلام غير مفهوم إطلاقا بس اهم حاجه انه بيفهم الأوامر وبينفذوها الحمد لله وبرضو كل الي حواليا قلقوني انه أتأخر ووديته دكتور تخاطب قالي عنده تاخر بسيط في الكلام ميقلقش يعني بس اولا تمنعي التلفزيون والتلفون نهاءي نهاءي ثانيا تبقي زي الراديو معاه في البيت تشتغلي تتكلمي منفصليش احكي معاه في كل حاجه ثالثا عليكي وعلي حضانه محترمه هيبقي تمام التمام مش هيحتاج اَي حاجه
حضرتك انا عايشة برة مصر وبيهتموا جدا الطفل بينطق كام كلمة فعلا المشكلة أن بنت حضرتك متأخرة ف كذا حاجة فلازم الدكاترة تتابع ثانيا صغيرة ع الحضانة اتكلمى معاها فعلا ف اى حاجة يعنى ايه الحاجات اللى بتطبخيها لو خرجتوا لما ارجعوا البيت قوليلها تعالى تحكى لبابا عملنا ايه برة وتحكى انتى بجمل بسيطة حاجة بتساعدنى جدا القصص اللى فيها صورة واحدة أو اتنين ف الصفحة تقرأى معاها ولو اصوات حيوانات تقلديها قولى كلمة وخليها تردد وراكى متضغطيش عليها لو رفضت بيحتاجوا وقت عشان يقلدوا قوليلها مثلا ارمى الورقة وروحى معاها ترميها يعنى نفذى معاها الاوامر اللى هتطلبيها ف الاول بعد كده هتبدأ تنتبه 2
د.زينب البكري في المنيل استاذ دكتور في طب قصر العيني دي تخصص نفسي اطفال و مهارات ...دول الي تبدأي معاهم و هما بيوجهوكي بعد كده اذا المشكله سمع ولا مخ و اعصاب ولا تخاطب و بتطلب منك اختبارات معينه على حسب سنها و مقياس سمع و رنين عالمخ
وديها حضانه عاديه خالص وهى هتتكلم بلاش الحضانات اللى فيها جرعه تناكه عاليه لانهم هيهولوا في الموضوع الحضانه لازم فيها اطفال في سنها كتير مش مهم اسم الحضانه المهم ان الاطفال في سنها كتير ٣ اشهر بالزبط هتتزبط وكدة كدة الكلام بعد سنتين
طفل عنده سنتين ونص ومنطقش ولا كلمه وقالوا عنده توحد وجلسات ودكاتره وفي الاخر وديناه حضانه وبس حاليا عنده 4 سنين وبيتكلم وزي الفل.اهم شي البعد عن المحمول
طيب اولا الدكاترة مبتهولش ولا حاجة، ثانيا حضرتك لازم توديها حضانة تتفاعل مع الاطفال اللي في سنها و هما هيساعدوكي جدا، ثالثا لازم توقفي تماما اي قنوات تليفزيون قدام البنت مينفعش تسيبيها تتفرج عشان تطبخي أو تريحي شويه أو تخلصي شغل البيت، رابعا لازم تتكلمي معاها كتير و هاتيلها كتب اللي فيها اسامي الحيوانات و الالوان عن تجربة شخصية مع بنت صحبتي، حضرتك لو تعاملتي على أنهم بيهولو هتتعبي جدا بعدين، و البنت هتتأخر اكتر عن الاطفال اللي في سنها و ممكن تترفض في المدارس بسبب التأخر دا. ارجوكي بلاش تهملي فيها
مع احترامي للناس ، بس الدكتورة و كل الدكاترة قالولك في تأخير يبقي لازم نهتم و نقرا و نتعلم عشان مناثرش بالسلب عالطفل و دي مش فلوس في الارض لأنهم قالوا إن فعلا في تأخير و حتي لو العيب منك كانوا هيقلولك كلميها كتير و خلاص بس اهتمي فعلا و متتاخريش عنها
وديها حضانة حتفرق كتير معاها بس اختاري حضانة نظيفة فيها ناس تربويين بيتهموا بالاطفال وتابعيها كويس بالنسبة للكلام تقوليلها هاتي كذا مثلا الريموت الموبايل الكوب اي حاجة ومع الوقت حتتحسن
على فكره الدكتوره دي ممتازه جداااا وعندها ضمير كملي مع الدكتوره وامشي على العلاج وان شاء الله هتكون كويسه
اسفة اسمحيلي يعني حضرتك رحتي لكذا طبيب وتقريبا الكلام متفقين عليه بس ف الاخر حضرتك مش كقتنعة بكلامهم وحاسه انهم بيهولوا لكن هتقتنعي باراء ناس غيرر متخصصين وتاخدي كلامهم من بوست ع الفيس بوك !!!! اللي بيرد فيه منهم معندؤش اطفال وفي منهم ولتده ف جامعة ونسي الاطفال من زمان وفي منهم مش مكمل تعليمه مع احترامي للجميع لكن هتسيبي كلام الطب والمتخصصين وتاخدي وتقتنعي بكلام غير مختصين ؟!!!!
انتي رحتي لواحده من اعظم دكاتره اعصاب الاطفال في مصر ..اسمعي كلامها في كل حاجه ..ودكاتره التخاطب مش فلوس ع الارض ولا حاجه..بس اتاكدي انهم دكاتره مش مهنه تانيه وعاملين دبلومات#طبيبة اطفال
محتاجة دكتور انف واذن تخصص سمعيات واتزان←
محتاجة ضروري دكتور مخ واعصاب باطني زيارات منزلية→