"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
13-01-2018 - 10:47 pm
بنتى عندها سنة و٦ شهور وممشيتش خالص ولا بتوقف لوحدها عالجنا الكالسيوم وكله بقا تمام وديتها لدكتور يحيى طراف وهشام عبد الغنى محدش قال حاجة جديدة موضوع عاوز دكتور اطفال انا بتابع من عمر شهر مع دكتور احمد رزق وبرتاح معاه وبردو شفت دكاترة كتير وعيدت تحاليل كذه مرة وقالى مش هندى حقن للمشى بتعمل مشاكل لكلى للاطفال وبيدى دوا للعضلات مع فيدروب هى بتزحف بس وميعتبرش زحف بتعد وترجع لورا او لقدم مش بتحبى هو قالى الحل المشاية مع ان كان منعنى منها ودكاترة كتير قالوا بضر الاطفال مع اننا كلنا اتربينا عليها وهى الى خلتنا نمشى بدرى دلوقتى مشاية عندى هى كبرت عليها لفيت كتير مش لاقية حاجة مناسبها هى طويلة ومشايات صغيرة عليها مش بتفرد رجليها كويس هل ينفع اعمل واحدة عمولة بمواصفات معينة فين وتتكلف كام وايه الى مفروض اعمله تانى اعرضها هل دكتور تانى انا صبرى نفد فى موضوع ده نفسى اشوفها زى كل الاطفال
التعليقات (70)
اطمنى مادام انتى متابعه صحتها وبتاكل كويس والتحاليل مطمئنه هتمشى بس اصبرى عليها شويه دى قدرات وابق امسكيها من ايديها وحاولى تخليها تنقل واحده واحده ومره ممكن تشيلى ايديكى وصقفلها اديها ثقه فى نفسها خليها تتجرأ ربنا يبارك لك فيها ان شاء الله تشوفيها عروسه
الكالسيوم من بدايه التامن او التاسع و6 شهور عادي انا ابني 9 ونص ويدوبك وبتفرق من طفل والتاني
نصيحتي ليكي انا مريت بنفس المشكلة مع بنتي ، برده كانت مش عايزه تمشي وبتزحف علي تتها ?ورافضة المشي تماما لغاية ما غصب عليها اخويا دكتور علاج طبيعي انه يعملها تمارين للرجلين ومشاها بالعافية ، كرهت اخويا لدرجة انها كانت بتعيط لو سمعت صوته داخل الشقة ... المهم الحمد لله مع الضغط والتمارين اللي اخويا كان بيعملها مشيت كويس ... جربي العلاج الطبيعي
العلاج الطبيعي اكيد مهم جدا ? بس محتاجة اخصائي يعرف يمشيها باللعب مش بالعافية ?
كنّا مفكرين زيك كده ☹️ في الاول خصوصا انه عمها ، لكن صدقني وعن تجربة العافية هيا اللي نفعت??
امسكي ايديه و خليها تمشي واحدة واخدة لو تحاليلها سليمة و كل الدكاترة مش شايفين مشكله يبقي بنتك خايفة انها تمشي خليها و امسكي ايديها كأنك بتقوميها و خدي بإيديها واحدة واحدة بس اعملي كدة كتييييير شويه بشويه هاتاخد خطوة المشي
خلي الدكتور يكتب لها فيتامين و قعديها في شمس الصبح و العصر و ماتستعجليش هتمشي بطلوا مراقبه العيال و القلق و سيبوها علي الله
محتاجه مخ وأعصاب حبيبتي و علاج طبيعي تخصص أطفال ، انت كده ماشيه غلط خالص ، ابعتيلي على الخاص وانا أدلك على كل الدكاتره 3
انا اخصائي طب اطفال.. ودكتور احمد رزق استاذي.. لو كان فيها مشكلة كاعصاب وعضلات كان شخصها ..ربنا يحميه...مالوش حل دكتور رزق.. غالبا هتمشي طبيعي باذن الله تابعي معاه وبلاش قلق.. 2
حضرتك حالتها تتعرض علي دكتور مخ واعصاب بس لازم يكون كويس وافضل الموجودين دكتورة لبني منصور بس حجزها صعب ودكتور هدي طمطوم.. غالباً هاتحتاج علاج طبيعي لتعليمها الوقوف ثم المشي.... بلاش مشاية الا بعد العرض علي الدكتور... وفيه مشايات موجودة عند مراكز الاجهزة الطبية اللي في القصر العيني تناسب الاطفال وطولهم وسعرها معقول جداً وبتطول حسب طول الطفل... 2
تأخر الحركة ايا كان سببه بيحتاج تحفيز و طبعا ده تخصص العلاج الطبيعي المهم يكون مكان بيعرف يتعامل مع الاطفال باللعب مش بالعافية عشان الطفل يحب الحركة و طالما الأطباء طمنوكي يبقى ان شاء الله مش هتاخد مجهود كبير 4
مخ و اعصاب يفندم الاول لبحث ضمور في المخ، بعده هيكون راي العلاج الطبيعي مهم.
اعوذ بالله ضمور ايه ياستاذ ده حاجة والى بتكلم فيه صاحبة البوست حاجة تانية
مين اشطر دكتور كلى فى القاهرة←
حد جرب جلسات بلازما للشعر او PRP عند دكتور عاصم فرج→