"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
13-01-2018 - 10:47 pm
بنتى عندها سنة و٦ شهور وممشيتش خالص ولا بتوقف لوحدها عالجنا الكالسيوم وكله بقا تمام وديتها لدكتور يحيى طراف وهشام عبد الغنى محدش قال حاجة جديدة موضوع عاوز دكتور اطفال انا بتابع من عمر شهر مع دكتور احمد رزق وبرتاح معاه وبردو شفت دكاترة كتير وعيدت تحاليل كذه مرة وقالى مش هندى حقن للمشى بتعمل مشاكل لكلى للاطفال وبيدى دوا للعضلات مع فيدروب هى بتزحف بس وميعتبرش زحف بتعد وترجع لورا او لقدم مش بتحبى هو قالى الحل المشاية مع ان كان منعنى منها ودكاترة كتير قالوا بضر الاطفال مع اننا كلنا اتربينا عليها وهى الى خلتنا نمشى بدرى دلوقتى مشاية عندى هى كبرت عليها لفيت كتير مش لاقية حاجة مناسبها هى طويلة ومشايات صغيرة عليها مش بتفرد رجليها كويس هل ينفع اعمل واحدة عمولة بمواصفات معينة فين وتتكلف كام وايه الى مفروض اعمله تانى اعرضها هل دكتور تانى انا صبرى نفد فى موضوع ده نفسى اشوفها زى كل الاطفال
التعليقات (70)
عن تجربه الطفل اللى بيزحف ع المقعده بيتاخر فى المشى الصبر بس والتشجيع
بصى اهم حاجه بصى لمشكلتك على ان فى زيها كتير يعنى كتير اوى اطفال مش لسه مشيو فى سنها علشان متضايقيش انا والله كنت فى معهد التغذيه ولاقيت بنوته برضه سنه وسبع شهور مكنتش مشيت والدكتور كان بيكتبلها نظام للاكل يساعدها على المشى وكتبلها ادويه وقابلتها فى المتابعه الشهر الى بعده لاقيتها بات تمشى متسنده فانتى اصبرى وربنا معاكي وتجرى ادامك ان شاء الله
واقولك على حاجه انا ابنى عنده ١١ شهر ولسه زاحف والله من يومين وبيقعد زى ما بتوصفى مش زحف ومتوقعه اكيد انه هيمشى متاخر
دكتور يحيى طراف و دكتور هشام عبد الغنى من احسن دكاترة عظام الاطفال ربنا يشفى بنتك يارب
المفروض تشوفى حد مخ و اعصاب اطفال مش بس عظام طالما تحاليلها كويسة
خليها تقعد مع اطفال كتير بيجروا و بيتحركوا هاتحاول تقلدهم و تندمج معاهم..ماتحاوليش ديما تبقى جمبها و تلحقيها و تسنديها جمدى قلبك و سيبها تتصرف لوحدها وراقبى من بعيد..العبى معاها كأنك بتعملى خطوه وهى خطوه و شجعيها انها تتحرك و حطى لها حاجه بتجبها فوق شويه علشان تحاول تقف و تجيبها و راقبى من بعيد وما تتدخليش..ربنا يطمنك عليها
لو وزنها زايد شويه ممكن تتأخر فعلا انتى ساعديها و دربيها لأن مش هاينفع مشايه دلوقتى
في مشايه للاطفال هي بتسند عليها من قدام زي بتاعت الكبار في السن وبتكون فيها العاب ممكن تشجعها انها تمشي بيها علشان هتكون لعبه في نفس الوقت
ابني زيك بظبط سنه و6 شهور ولسه مامشيش ولا وقف لوحدة وروحت لنفس الدكتورين وبردو عادي
اطمني الاول ان المشكلة مش من المخ والأعصاب وبعدين ادخلوا على العلاج الطبيعي ، دكاترة الأطفال مش هتساعد في حاجه ، ابنك محتاج تخصصات تانيه خالص هبعتلك ان بوكس 2
مين اشطر دكتور كلى فى القاهرة←
حد جرب جلسات بلازما للشعر او PRP عند دكتور عاصم فرج→