Mohamed Sameh Abdelaziz
08-04-2018 - 05:54 am

لو سمحتم هى الدكاترة الى بتولد ب23الف وانت طالع ده سبب ايه الى بيعملوه زيادة عناى دكتور تانى هو اجرة ايده مثلا ١٠ الاف ومستشفى الى ام بتعد فيها ساعتين تلاتة تاخد كده برضه وفوق ده كله العملية الى بتم للبيبى الولد ب4000 من سنتين ولدت مراتى بالدكتور بالعملية دفعت كله 4500ومرات اخويا هنولد باذن الله اول رمضان والدكتور قال كده لاخويا معرفتش اقوله ايه دكتورشاطر بس السعر مبالغ فيه وكانت متابعة معاه وهى متعرفش سعر ولادة


دكاترة مصر

التعليقات (28)

Hadya Gedan
Hadya Gedan
16-04-2018 - 09:06 am

23 الف 😁 قليل حضرتك ما تكتبله شقه ب اسمه وقسطله عربيه 😂😂😂😂 9
Gehad Mahmoud Al-Rashidy
Gehad Mahmoud Al-Rashidy
17-04-2018 - 01:06 pm

بيولدوا عندنا في المستشفى القسم الاقتصادي ب ٢٠٠ جنيه 😂😂😂😂 و بيجيبوا بالباقي اكل 2
Sara Hemeda
Sara Hemeda
18-04-2018 - 05:54 pm

انا اعرف اكتر من دكتور بيولدوا بالمبالغ دي وفي اللي لما بيجي يكلمك يقولك.حسابي انا الشخصي كذا ومنك للمستشفي بس بيكون بيلبسك في مستشفي كبيره
Mohmed Kamal
Mohmed Kamal
19-04-2018 - 11:30 pm

افضل مستشفى في الولاده ودكاتره كمان الايطالي في العباسيه محترفين ونضافه ونظام اكنك بره مصر
Remmy Amr
Remmy Amr
21-04-2018 - 05:54 am

انا والدة من سنة و7 شهور ب 4000 وكنت مستكتراهم
Dan Don
Dan Don
22-04-2018 - 01:06 pm

اكيد بينقط البيبي اول مابيتولد 😡😡أو بيعمله شهادة استثمار بنص المبلغ 1
عادل الحربي
عادل الحربي
23-04-2018 - 09:06 pm

دول بيولدوا مع الضمان عشان كدا اسعارهم مرتفعه . 2
Hammam Sherif
Hammam Sherif
25-04-2018 - 05:54 am

الناس هما اللي شجعوا الدكاترة على كدة . حتى الولادة على إيد دكتور معين وفي مستشفى معين أصبح نوع من أنواع التفاخر بين الناس. الولادة تتم بأسعار رمزية وبإشراف أساتذة متخصصين في مستشفيات جامعية وحكومية . 7
Mervat Aboshady
Mervat Aboshady
26-04-2018 - 03:30 pm

دكتورة كنت بتابع معاها وسألتها بتولد فين والاسعار قالتلي كذا مكان قلتلها طب ايه رايك في مستشفى كذا قالتلي مفيش فرق بينهم كده كده هولد.. بس لو رحتو المستشفى دي ودفعتو كذا انا هاخد اجرة ايدي اكتر انتو تتفشخرو وتروحو مستشفى كبيرة انا كمان هتفشخر واخد اجر كبير.. ودي كانت اخر زيارة ليها 9
Nahla Galal
Nahla Galal
28-04-2018 - 01:54 am

عشان الاسم بس تقول انها ولدت مع دكتور فولان
Robaa Moustafa
Robaa Moustafa
29-04-2018 - 01:06 pm

علي حسب المستشفيات و المنطقة أعتقد بس سعر مبالغ فيه😊
Menna Naguib
Menna Naguib
01-05-2018 - 01:06 am

23 الف ليه هينزلك طفل دهب! ايه الاوفر ده هى مش فن يعنى و مستشفى بيات ليلة و اجرى 2
عبدالنعيم بخيت الديب
عبدالنعيم بخيت الديب
02-05-2018 - 01:54 pm

تلقيه حيولد بضمان اصلي مش بيبي صبني
Amira AbdElsamed
Amira AbdElsamed
04-05-2018 - 03:30 am

فرق رعايه للام والبيبى والتخدير انا جربت الحالتين وبقولك فعلا فى فرق 2
Basma Hamdy
Basma Hamdy
05-05-2018 - 05:54 pm

ليه كل دا حرام
Mohammed Anwer Mohammed Fx
Mohammed Anwer Mohammed Fx
07-05-2018 - 09:06 am

الموضوع حسب الام وخوفها على حياة الجنين . من كثر ما بنسمع عن قصص اطفال تولدوا بطريقة غلط زي مثلا نقص الاكسجين والولد يجيلو اعاقة في المخ ... او خلع ولادة نتيجة سحب البيبي بقوة مفرطة ... والخ وهذه الحوادث بتخلي الام قلقانة على ابنها ومستعدة تدفع اكثر المهم العيل ينزل سليم ومفيش تشوهات .. ومن ناحية تانية في امهات بتحب تكون ولادتها بلا الم وده بيتم تحت التخدير وبتم الولادة بكل سهولة والام صاحية وشايفة كل حاجة ولكن بدلع يعني ههههه واسباب يطول شرحها اجتماعيا واقتصاديا والخ ... 3
Hatem Mostafa
Hatem Mostafa
09-05-2018 - 01:06 am

رقم اوفر هو في ارقام اكتر من كده بس المعقول من ١٠-١٤
Omar Abdelkhalek
Omar Abdelkhalek
10-05-2018 - 05:54 pm

و ان افترضنا مفيش فرق كدكتور لكن عايز تقنعنى ان مفيش فرق كمان فى المستشفى ازاى يعنى !!! يعنى تبقي قاعد ليلة فى بنسيون زى ما تقعد فى الرويال سويت فى الفورسيزون مثلا !! و فى الاول و الاخر انت عندك حرية الاختيار و على قد لحافك مد رجليك زى اى حاجة تانية فى حياتك 5
Ahmed Fahmy
Ahmed Fahmy
12-05-2018 - 11:30 am

متولدهاش عنده عادى جدا هو مضربكش ع ايدك يعنى هو بيعرض عليك الاول و من حقك تقبل او ترفض 2
Randa Mahmoud
Randa Mahmoud
14-05-2018 - 05:54 am

الفرق زي الفرق بين فزيتة الدكتور حديث التخرج و استاف الجامعة الفرق بين ام محمد الممرضة و الممرضة الاجنبية الفرق بين الليلة في فندق نجمتين و فندق خمس نجوم و كل واحد يشوف ايه يناسبه و يعملو
Moanes Osman
Moanes Osman
16-05-2018 - 01:06 am

في مستشفيات رخيصة سيبك من دول وفي مستشفي الجلاء ببلاش
Ahmed Rashed
Ahmed Rashed
17-05-2018 - 09:06 pm

عادي جدا ممكن تروح لحد،تاني هو ماجبركش حضرتك عندك من اول اللي بلاش زي القصر العيني لحد اللي ب 20 و 30 وحضرتك ليك كامل الحرية في الاختيار 2
Mahynour Moh
Mahynour Moh
19-05-2018 - 05:54 pm

الولادة مش سهله زى مانت فاكر الولادة لو غلطه دكتور واحدة هتكلف الام حياتها او الطفل حياته ولو دماغ الطفل اتزنقت او الاكسجين قل الطفل هيعانى طول حياته السعر مبالغ فيه في دكتارة بقت اسم فبتفترى بس برضوا مش كل دكتور سعرة رخيص تتطمنله
Mai Bayomy
Mai Bayomy
21-05-2018 - 03:30 pm

فرق الدكتور ومكانه وخبرته وفرق الاكبر بقى في المستشفى اللي هتولد فيها .. كل مستشفى غير التانية في مستشفى بيبقى فيها بنك دم وحضانة ودكتور التخدير ودكتور الاطفال لازم يحضروا الولادة ويطمنوا على الام والجنين وطبعا الغرفة والخدمة بتكون فندقية :D زينة للبيبي وسرير وعصاير وهكذا كل ما المبلغ يزيد الدلع يزيد .. بس بأمانة خليك في المتوسط الوسط حلو اهو تبقى متطمن وماتبقاش برضه مفترى 5
Dan Don
Dan Don
23-05-2018 - 01:54 pm

بجد بقي بعيدا عن الهزار الناس هي اللي بتشجع علي كده لما حد بيراعي ربنا في الفلوس وبياخد قليل بيقولوا شغله مش كويس حتي فمهنة الكوافير لو ميكب ارتست فلوسها قليله بيقولوا بتسخدم خامات وحشه وهكذا في كله مش بس الدكاترة لو حد حصل معاه خد علاج من دكتور والعلاج كان غلط وجه اشتكي اول كلمه هيقولهالك ده كتور كبير وكشفه ٦٠٠ وبنروحله بالحجز
Fahim Salama
Fahim Salama
25-05-2018 - 01:06 pm

انا مراتى ولدت مرتين مع طبيبة نساء دكتوراة واستاذة بالجامعة بالفين جنية فى كل مرة وهو دا السعر اللى الدكتورة محدداه للكل انتم اللى بتغلوا سعر كل شىء على نفسكم يوم ما بتسألوا بتقولوا مين اشطر دكتور او دكتورة فى اكتوبر او التجمع او حدائق القبة او او وطبيعى ان اللى بتسال عليه دا الفيزيتة بتاعته غالية زى اى محامى وزى اى صاحب مهنة اخرى مشهور ملحوظة انا طبيب اخصائى باطنة وكذلك زوجتى والطبيبة الى الان بتولد فى حدود تلات الاف جنيه 7
Eslam Mohamed Abbas
Eslam Mohamed Abbas
27-05-2018 - 01:06 pm

كل مكان وليه سعره واكيد فى اختلاف
Baraa Fouad
Baraa Fouad
31-05-2018 - 03:30 pm

بعتذرلك البوست مفيش منه فايده غير إهانة فئه من المجتمع في التعليقات بدون داعي، حضرتك بنفسك بتقول ولدت زوجتك بكذا، وغيرك بيولد بكذا، دي خدمه مش مجانيه وكل دكتور حر يحط رقمه حسب إسمه وخبرته، بعتذرلك سيتم حذف البوست. 2
|